၂၀၂၃ ခုနှစ် ဇန်နဝါရီလမှ နိုဝင်ဘာလအထိ ၁၁ လတာကာလအတွင်း  ရုရှားနိုင်ငံ၏ နိုင်ငံ ခြားကုန်သွယ်မှုပိုငွေသည် ၂၀၂၂ ခုနှစ် အလားတူကာလနှင့် နှိုင်းယှဉ်ပါက အမေရိကန်ဒေါ်လာ ၃၁၀ ဒသမ ၁ ဘီလီယံမှ ၁၂၆ ဒသမ ၉ ဘီလီယံသို့ ကျဆင်းသွားခဲ့ကြောင်း၊ သို့သော် အာရှနိုင်ငံများနှင့် ကုန်သွယ် မှုပမာဏမှာ မြင့်တက်လျက်ရှိကြောင်း ရုရှားဖက်ဒရယ် အကောက်ခွန်ဝန်ဆောင်မှု (Federal Customs Service) မှ ထုတ်ပြန်ကြေညာထားပါသည်။

ဖော်ပြပါကာလအတွင်း ရုရှားပို့ကုန်မှာ အမေရိကန်ဒေါ်လာ ၅၃၈ ဒသမ ၉ ဘီလီယံမှ ၃၈၅ ဒသမ ၉ ဘီလီယံသို့ ကျဆင်းသွားခဲ့ပြီး သွင်းကုန်မှာ အမေရိကန်ဒေါ်လာ ၂၂၈ ဘီလီယံမှ ၂၅၉ ဘီလီယံအထိ မြင့်တက်ခဲ့သည်။ 

၂၀၂၃ ခုနှစ်အတွက် စာရင်းအချက်အလက်များ အဆင့်မြင့်တင်ပြီးနောက် ရုရှားဖက်ဒရေး ရှင်းနိုင်ငံ၏ ပြည်တွင်း အသားတင်ထုတ်လုပ်မှုတန်ဖိုး(GDP) တိုးတက်မှုသည် ၃ ဒသမ ၅ ရာခိုင်နှုန်းကျော် လွန်နိုင်ကြောင်း ရုရှားသမ္မတ ဗလာဒီမာပူတင်က ဇန်နဝါရီ ၁၇ ရက်က ၎င်း၏အစိုးရအဖွဲ့ဝင်များ နှင့် တွေ့ဆုံမှုတွင် ပြောကြားခဲ့သည်။

အိန္ဒိယ၏ သကြားထုတ်လုပ်မှုသည် ၂၀၂၃-၂၄ နှစ် (အောက်တိုဘာလမှ နိုဝင် ဘာလ) တွင် ဇန်နဝါရီ ၁၅ ရက်အထိ ၅ ဒသမ ၂၈ ရာခိုင်နှုန်းကျဆင်းခဲ့ကြောင်းနှင့် ယမန်နှစ်တွင် ထိပ်တန်းသကြား ထုတ်လုပ်သည့်ပြည်နယ်ဖြစ်သည့် Maharashtra ရှိ သကြားထုတ်လုပ်မှုသည် ၁၆% ကျဆင်းခဲ့ သည်ဟု အိန္ဒိယသကြားစက်များအသင်း (India Sugar Mills Association - ISMA) မှ ပြောကြားခဲ့ကြောင်း သိရသည်။

အိန္ဒိယသည် လာမည့်ဘဏ္ဍာရေးနှစ်တွင် အစားအစာနှင့် ဓာတ်မြေသြဇာထောက်ပံ့မှု အတွက် ရူပီး ၄ ထရီလီယံ (ဒေါ်လာ ၄၈ ဘီလီယံ) ခန့်လျာထားသည်ဟု   အစိုးရသတင်းရင်းမြစ် နှစ် ခုက ပြောကြားထားကြောင်း The Economic Times သတင်းစာတွင် ဖော်ပြထားပါသည်။

အစိုးရ၏ဇီဝလောင်စာဆီထုတ်လုပ်ရာတွင် သကြားအသုံးပြုမှုကန့်သတ်ချက်များကြောင့် အီသနောထုတ်လုပ်မှုအတွက် ပြောင်းအား ဝယ်ယူရန်စီစဉ်ပြီးနောက် ဇန်နဝါရီလ၏ ပထမနှစ် ပတ်တွင် ပြောင်းဈေးသည် ၂၀% မြင့်တက်ခဲ့ကြောင်း သိရသည်။

၂၀၂၃ ခုနှစ်အတွင်း ဗီယက်နမ်အနေဖြင့် ပြည်ပသို့ ကော်ဖီတန်ချိန် ၁ ဒသမ ၆၁ သန်းတင်ပို့ခဲ့ပြီး ဝင်ငွေအမေရိကန်ဒေါ်လာ ၄ ဒသမ ၁၈ ဘီလီယံရရှိပြီး ပမာဏအားဖြင့် ၉ ဒသမ ၆ ရာခိုင်နှုန်း ကျဆင်းသွားသော် လည်း တန်ဖိုးအနေဖြင့် တစ်နှစ်ထက်တစ်နှစ် ၃ ဒသမ ၁ ရာခိုင်နှုန်း တိုးလာခဲ့ကြောင်း Vietnam plus အွန် လိုင်းသတင်းဖော်ပြချက်အရ သိရှိရပါသည်။