ရုရှားတွင် ကော်ဖီဈေးနှုန်းများ မြင့်တက်လာမည်ဟု ခန့်မှန်း
လက်ရှိတွင် ရုရှားနိုင်ငံ၌ အာရေးဗီကာကော်ဖီ(Arabica)၏ဈေးနှုန်းသည် တစ်တန်လျှင် အမေရိကန်ဒေါ်လာ ၆၀၀၀ ဝန်းကျင်သို့ ရောက်ရှိနေပြီး ၁၃ နှစ်အတွင်း အမြင့်ဆုံးဈေးဖြစ်ကြောင်း၊ ပြီးခဲ့သည့်ဩဂုတ် လတွင်ကော်ဖီအဓိကထုတ်လုပ်သော ဘရာဇီး၌ ရာသီဥတုဆိုးဝါးမှုကြောင့် ကော်ဖီဈေးနှုန်းသည် ၁၀ ရာခိုင်နှုန်းခန့်မြင့်တက်ခဲ့ကြောင်း၊ အာရေးဗီကာနေရာ၌ ရိုဘတ်စတာ (Robusta)ဖြင့်အစားထိုးရန် ကြိုးပမ်းမှုကြောင့်လည်း အာရေးဗီကာစျေးနှုန်းကိုမြင့်တက်စေကြောင်း ရုရှားလက်ဖက်ခြောက်နှင့် ကော်ဖီထုတ်လုပ်သူများအသင်း “Roschaykofe” ၏ ဥက္ကဋ္ဌ Mr. Ramaz Chanturia က ပြောကြားခဲ့
သည်။
ကြမ်းခင်းဈေး ၁ တန်လျှင် ကန်ဒေါ်လာ ၄၉၀ သတ်မှတ်၍ ဆန်ဖြူတင်ပို့မှု ပြန်လည်ခွင့်ပြုခဲ့သည့် အိန္ဒိယနိုင်ငံ
အိန္ဒိယအစိုးရသည် ဘာစမာတီဆန် မဟုတ်သော ဆန်ဖြူတင်ပို့မှုကို ပြီးခဲ့သည့် စက်တင်ဘာ ၂၈ ရက်က ပြန်လည်ခွင့်ပြုပေးခဲ့ကြောင်း သိရသည်။ သို့သော် အနိမ့်ဆုံးပို့ကုန် ဈေးနှုန်း (ကြမ်းခင်းဈေး) ကို ၁ တန်လျှင် ကန်ဒေါ်လာ ၄၉၀ သတ်မှတ်မည်ဟု အိန္ဒိယနိုင်ငံခြားကုန် သွယ်မှုညွှန်ကြားမှုဦးစီးဌာန (Directorate-General of Foreign Trade -DGFT) က ထုတ်ပြန်ခဲ့သော အမိန့်ကြော်ငြာစာ၌ ပါရှိကြောင်း The Hindu Businessline သတင်းဌာနက ဖော်ပြသည်။