အိန္ဒိယပြည်ထောင်စုအစိုးရအဖွဲ့သည် ပြီးခဲ့သည့်လ ၃၀ ရက်နေ့ (ဗုဒ္ဓဟူးနေ့)တွင် ၂၀၂၅-၂၆ ကြံရာသီအတွက် သင့်တင့်မျှတသောဈေးနှုန်း (FRP) ကို အခြေခံ ပြန်လည်ရရှိမှုနှုန်း (basic recovery rate) ၁၀ ဒသမ ၂၅ ရာခိုင်နှုန်းအတွက် ၁ ကွင်တယ် (၁၀၀ ကီလိုဂရမ်) လျှင် ရူပီး ၃၅၅ အဖြစ် အတည်ပြု ခဲ့ကြောင်း သိရသည်။ အဆိုပါ ဆုံးဖြတ်ချက်ကို ဝန်ကြီးချုပ် နရန်ဒြာမိုဒီဦးဆောင်သည့် စီးပွားရေးရာကိစ္စဆိုင်ရာ အစိုးရအဖွဲ့ကော်မတီမှ ချမှတ်ခဲ့ခြင်း ဖြစ်ကြောင်း သိရသည်။

ဂျပန်အစိုးရအနေဖြင့် ပြည်တွင်း ဆန်ဈေးနှုန်းတည်ငြိမ်စေရေးအတွက် နိုင်ငံ့အရန်ဆန်များကို ထုတ်ရောင်းပေးခဲ့သော်လည်း ဆန်ဈေးနှုန်းမှာ ၅ ကီလိုဂရမ် ၁ အိတ်လျှင် ပျမ်းမျှအားဖြင့် ၄,၂၃၃ ယန်း (အမေရိကန်ဒေါ်လာ ၃၀) အထိ မြင့်တက်ခဲ့ကြောင်းနှင့်ယခင်နှစ် အလားတူကာလနှင့်နှိုင်းယှဉ်ပါက ၂ ဆကျော် မြင့်တက်ခဲ့ကြောင်း ၇-၅-၂၀၂၅ ရက်နေ့တွင် ဂျပန်အစိုးရက ထုတ်ပြန်ခဲ့ကြောင်း ၇-၅-၂ဝ၂၅ ရက်နေ့ထုတ် The Mainichi သတင်းစာတွင် ဖော်ပြပါရှိသည်။

ဂျပန်နိုင်ငံသို့ ပထမဆုံး တင်ပို့ခဲ့သည့် မော်ရိုကို လိမ္မော်သီး ကွန်တိန်နာ တရားဝင် ဖယ်ရှားခံခဲ့ရပြီး နောက်ပိုင်းမှ မော်ရိုကိုနိုင်ငံသည် အရည်အသွေးနှင့် ခြေရာခံနိုင်မှုအရ ကမ္ဘာ့ဈေးကွက် ဝယ်လိုအားအများဆုံးထဲမှ တစ်ခုအဖြစ် ယူဆောင်လာနိုင်ခဲ့ကြောင်း Morocco Foodex မှ ကြာသပတေးနေ့တွင် ထုတ်ပြန် ကြေညာခဲ့သည်။

ယခုအခါ  ဘင်္ဂလားဒေ့ရှ်နိုင်ငံရှိ  မီးဖိုချောင်အတွက် မရှိမဖြစ်လိုအပ်သော ဆန်၊ ပဲပုပ်ဆီနှင့် ဟင်းသီး ဟင်းရွက်များနှင့်အတူ ကြက်သွန်နီများ လှိုင်လှိုင်ထွက်ရှိနေသည့် အချိန် ဖြစ်သော်လည်း ဈေးနှုန်းမြင့်တက်လာကြောင်း သိရသည်။

ဒါကာမြို့၏ စားဖိုချောင်ဈေးကွက်တွင်  ပြည်တွင်းထွက်  ကြက်သွန်နီများသည် လွန်ခဲ့သည့် တစ်ပတ်ကထက် အမေရိကန်ဒေါ်လာ သုညဒသမ ၅၀ မှ သုညဒသမ ၅၅ အထိမြင့်တက်ခဲ့ပြီး တစ်ကီလိုဂရမ်လျှင် အမေရိကန်ဒေါ်လာ သုညဒသမ ၆၄ ဝန်းကျင်ဖြင့်ရောင်းချနေသည်။

“သရက်သီး ခူးဆွတ်မှုကျဆင်းလာခြင်း၊ သရက်သီး အချိုအရသာ မတည်ငြိမ်ခြင်း၊ ဈေးနှုန်းမြင့်မားခြင်း၊ ဈေးကွက်တင်ပို့မှု ရာသီချိန်ထက်စောလွန်းခြင်း၊ သရက်သီးသနပ်များ တစ်နှစ်ပတ်လုံး ကြာရှည်မခံခြင်း၊ ပန်းပွင့်ချိန်စောလွန်းခြင်း” စသည်တို့သည် မကြာသေးမီနှစ်များအတွင်း ဖြစ်ပေါ်လာသော အိန္ဒိယနိုင်ငံ၏ သရက်သီးဆိုင်ရာအချက်များဖြစ်ပြီး ၎င်းတို့သည်  အပူချိန် မြင့်မားလာမှုနှင့် ဆက်စပ်သည့် ပြဿနာများဖြစ်လာပါသည်။