အိန္ဒိယ လက်ဖက်သည် ဇန်နဝါရီမှ အောက်တိုဘာလအတွင်း ယခင်နှစ်ကာလတူနှင့်နှိုင်းယှဉ်ပါက ထုတ်လုပ် မှုပမာဏမှာ ၁၁၁၂ ဒသမ ၁၁ သန်း ကီလိုဂရမ်သာရှိသဖြင့်  ၆၆ ဒသမ ၃၉ သန်း ကီလို ဂရမ်လျော့နည်းသွားသကဲ့သို့ ဈေးနှုန်းမှာလည်း ၁၈ ရာခိုင်နှုန်းမြင့်တက်ခဲ့ကြောင်းသိရသည်။

ဗီယက်နမ်နိုင်ငံ၏ လယ်ယာထွက် ကုန်တင်ပို့မှုသည် ယခုနှစ်တွင် ဝင်ငွေဒေါ်လာ ၆၀-၆၁ ဘီလီယံအထိ ရှိလာကာ ၂၀၂၃ ခုနှစ်နှင့်နှိုင်းယှဉ်ပါက မကြုံစဖူး မှတ်တိုင်တစ်ခုအဖြစ် အောင်မြင်မှု လမ်းကြောင်းပေါ်တွင် ရှိနေကြောင်း သိရသည်။

အနောက်ဘင်္ဂလားပြည်နယ်တွင် ယခုနှစ် အာလူးစိုက်ပျိုးမြေဧရိယာသည် ယခင်နှစ်ကထက် တိုးမြင့်လာဖွယ်ရှိကြောင်းနှင့် နောင်လာမည့် ၁၀ ရက်အတွင်း အာလူးမျိုးချစိုက် ပျိုးခြင်း လုပ်ငန်းစဉ်များ ပြီးဆုံးမည်ဖြစ်ကြောင်း The Hindu Busi-nessline သတင်းဌာနက ယခုလ ၁၁ ရက်က ဖော် ပြသည်။

ပြည်နယ်တွင် အာလူးကို တစ်နိုင်ငံ လုံး၌ ဒုတိယအများဆုံးထုတ်လုပ်ပြီး၊ တောင်သူများ အနေဖြင့် ယခုနှစ်တွင် ဈေးကောင်းများရရှိခဲ့သည့်အတွက် စိုက်ဧကများထပ်မံ တိုးချဲ့စိုက်ပျိုးသွားဖွယ်ရှိကြောင်း ခန့်မှန်းထားသည်။

အာရှဆန်ဈေးကွက် -အိန္ဒိယမှတင်ပို့သော ပေါင်းဆန်ဈေးသည် ရာသီသစ်ဆန်များဈေးကွက်အတွင်းများစွာဝင်ရောက်လျက်ရှိသော ကြောင့် ဈေးနှုန်းဖိအားများရှိသော်လည်း အာဖရိကမှဝယ်လိုအား ကောင်း မွန် ခြင်းကြောင့် ယခုအပတ်တွင် ပုံမှန်ဈေးနှုန်းအတိုင်း တည်ငြိမ်လျက်ရှိကြောင်း၊ သို့ရာတွင်    ဗီယက်နမ်၌မူဈေးကွက်အတွင်း ရောင်းလိုအားများပြားမှုကြောင့်  ဆန်ဈေးနှုန်းမှာ ကျဆင်းခဲ့ကြောင်း၊ ထိုင်းနိုင်ငံတွင် ဘတ်ငွေတန်ဖိုးကြောင့်ဆန်ဈေးနှုန်း မှာ အနည်းငယ်မြင့်တက်ခဲ့ကြောင်း The Economic Times သတင်း စာတွင် ဖော်ပြထားပါသည်။