အိန္ဒိယမှ ငှက်ပျောသီးတင်ပို့မှု သည် ပြန်လည်ကောင်းမွန်လာမည့် လက္ခဏာများ ပြသနေကြောင်း ကုန်စိမ်း ထုတ်ကုန်တင်ပို့သူ Faina Universal Co မှ Amir Karimi က ပြောကြားသည်။အများဆုံးပမာဏထိ မရောက်သေးသော်လည်း ဂျော်ဒန်နိုင်ငံအပါအဝင် အရှေ့အလယ် ပိုင်းဒေသသို့ ဆက်လက်တင်ပို့နေသော ပို့ကုန်ပမာဏမှာ တည်ငြိမ်နေဆဲပါပဲဟု Karimi ကဆိုသည်။ Karimi သည် လက်ရှိတွင် အီကွေဒေါနှင့် ဖိလစ်ပိုင်ငှက်ပျောသီးများ ကြီးစိုးထားသည့် အိမ်နီးချင်း ဈေး ကွက်အသစ်များသို့ တိုးချဲ့ရန် ဆောင်ရွက်နေပါသည်။

မွေးမြူရေးကဏ္ဍခွဲသည် အင်ဒိုနီးရှားနိုင်ငံ၏စီးပွားရေးတွင် အရေးပါသောအခန်းကဏ္ဍတစ်ခုအဖြစ် ပါဝင်ခဲ့ပြီး၂၀၂၄ ခုနှစ် ပြည်တွင်းစုစုပေါင်းထုတ်လုပ်မှုတန်ဖိုး (GDP) အမေရိကန်ဒေါ်လာ ၂၁ ဒသမ ၃ ဘီလီယံတွင် စိုက်ပျိုးရေးကဏ္ဍမှ စုစု ပေါင်း GDP ၏ ၁၂ ဒသမ ၅၄ ရာခိုင်နှုန်း ပါဝင်သည်။ ဥထုတ်လုပ်မှုသည် အမေရိကန်ဒေါ်လာ ၁၁ ဒသမ ၇ ဘီလီယံဖြင့် ထိပ်ဆုံးနေရာတွင်ရှိပြီး၊ ကြက်သားသည် ၈ ဒသမ ၈ ဘီလီယံ၊ အမဲသား ၄ ဒသမ ၇ ဘီလီယံ၊ နို့သစ် ၁ ဒသမ ၂ ဘီလီယံ အသီးသီး ဖြစ်ကြသည်။

USDA GAIN အစီရင်ခံစာအရ (FAS/Tokyo) ဂျပန်၏ ဝက်သားသွင်းကုန် ပမာဏသည် ၂၀၂၆ ခုနှစ်တွင် ပြန်လည်တိုးတက်လာမည်ဟု ခန့်မှန်းထားသည်။ ပြည်တွင်းသိုလှောင်ကုန်လက်ကျန် ပမာဏများ ပြန်လည်ပုံမှန်ဖြစ်လာခြင်းကြောင့် ဖြစ်သည်။ ၂၀၂၄ ခုနှစ်ကုန်ပိုင်း ဘရာဇီး၏ စံချိန်တင် တင်ပို့မှုကြောင့် အေးခဲထားသော ကုန်စည်များကို စားသုံးခဲ့ခြင်းကြောင့် ၂၀၂၅ ခုနှစ်အလယ်ပိုင်းတွင် ဝက်သားသွင်းကုန်အရေအတွက် ကျဆင်းခဲ့သည်။ လက်ရှိ ပြည်တွင်းထုတ်လုပ်မှုသည် ဖွဲ့စည်းမှုအကန့်အသတ်များနှင့် ရင်ဆိုင်နေရပြီး၊ ဈေးနှုန်းများ ဆက်လက်မြင့်မားနေမည်ဟု ခန့်မှန်းထားသဖြင့် တည်ငြိမ်သောသွင်းကုန်များသည် ဝယ်လိုအားကို ဖြည့်ဆည်းရန်အတွက် အဓိ