တောင်ကိုးရီးယားတွင် ဂေါ်ဖီထုပ် ရောင်းလိုအားများမှုကြောင့် ဈေးနှုန်း ၄၀ ရာခိုင်နှုန်း ကျဆင်း

ကိုရီးယားစိုက်ပျိုးရေးနှင့် ရေကြောင်းထွက်ကုန် ဖြန့်ဖြူးရေးအချက်အလက် (KAMIS) ၏ အချက်အလက်များအရ တောင်ကိုရီးယားနိုင်ငံရှိ ဂေါ်ဖီထုပ်ဈေးသည် တစ်နှစ်ထက်တစ်နှစ်ကျဆင်းခဲ့ရာ လက်ရှိအားဖြင့် ၄၀ ရာခိုင်နှုန်းကျော် ကျဆင်းသွားကြောင်း သိရသည်။

ထုတ်ကုန်ပိုလျှံမှုက စျေးကွက်ဖိအားကို ဖြစ်ပေါ်စေပြီး အချို့တောင်သူများသည် ၎င်းတို့၏ လယ်တွင် သီးနှံများကို စိုက်ခင်းတွင် ပြန်လည်ထည့်သွင်း ထွန်ယက်ခဲ့ကြသည်ဟု ဆိုသည်။

Yeongdeungpo စိုက်ပျိုးရေးသမဝါယမအသင်းချုပ်သည် ဧပြီ ၁၇ ရက်နေ့တွင် ဆိုးလ်ရှိ ၎င်း၏ ဌာနချုပ်တွင် စားသုံးမှုမြှင့်တင်ရေးပွဲကို ကျင်းပခဲ့သည်။ အဆိုပါအစီအစဉ်တွင် Jeju Hallim Agricultural Cooperative မှ ထုတ်လုပ်သော "Dalkomi Cabbage" အလုံးရေ ၁၀၀၀၀၀ ရောင်းချခြင်း ပါဝင်သည်။

ကမ်ပိန်းသည် ရောင်းလိုအားနှင့် ဝယ်လိုအား မညီမျှမှုများကို ဖြေရှင်းရန်နှင့် ဈေးနှုန်း ကျဆင်းမှုကြောင့် ထိခိုက်သည့် ထုတ်လုပ်သူများကို ပံ့ပိုးပေးရန် ရည်ရွယ်ပါသည်။ ဝန်ထမ်းများနှင့် စီမံခန့်ခွဲသူများ၏ ပူးပေါင်းပါဝင်မှုဖြင့် Hanaro Mart ၁၁ ဆိုင်နှင့် တွဲဖက်ဘဏ္ဍာရေးဆိုင်ခွဲ ၁၇ ခုတို့တွင် ဖြန့်ကျက်ထားသည်။

Jeju ၏ Hallim ဒေသတွင် ရိတ်သိမ်းထားသော ဂေါ်ဖီထုပ်များကို ဆိုးလ်မြို့သို့ သယ်ယူရာတွင် စုစုပေါင်း ကုန်တင်ကား ၂၀၀ ဝန်းကျင်ရှိပြီး လက်လီနှင့် ဘဏ္ဍာရေးဆိုင်ရာ ဌာနခွဲများထံ ထောက်ပံ့ပေးပါသည်။ ဖြန့်ဖြူးစဉ်အတွင်း ထုတ်ကုန်အခြေအနေကို ထိန်းသိမ်းရန် စနစ်တစ်ခုရေး ဆွဲထားပါသည်။

"Dalkomi Cabbage" သည် လေးနှစ်ကြာ စမ်းသပ်စိုက်ပျိုးပြီးနောက် Jeju Hallim Agricultural Cooperative မှ တီထွင်ထုတ်လုပ်ထားသော ဂေါ်ဖီထုပ်အသေးဖြစ်ပါသည်။ ယင်းတွင် သကြားပါဝင်မှု ၁၂ မှ ၁၄ Brix ပါဝင်ကြောင်း အစီရင်ခံထားသည်။

ကမ်ပိန်းကာလအတွင်း ထုတ်ကုန်ကို နှစ်ယူနစ်အတွက် ဝမ် ၁၀၀၀ (US$0.75) သို့မဟုတ် တစ်ယူနစ်လျှင် ၇၀၀ ဝမ် (US$0.52) ဝန်းကျင်ဖြင့် ရောင်းချပြီး တစ်ယူနစ်လျှင် ၁၉၈၀ ဝမ် (US$1.47) ဖြင့် ရောင်းချပါသည်။

Yeongdeungpo စိုက်ပျိုးရေးသမဝါယမအသင်းဥက္ကဋ္ဌ Baekho က ထုတ်ကုန်ရောင်းချသည့် စိုက်ပျိုးရေး သမဝါယမတစ်ခုအနေဖြင့် စားသုံးမှုကို ကြိုတင်မြှင့်တင်ပြီး mountain agricultural co-operatives များနှင့် ဆက်လက်ပူးပေါင်းဆောင်ရွက်ရန် စီစဉ်ထားကြောင်း၊ Yeongdeungpo Agri-cultural Cooperative သည် ကောင်းမွန်သော လယ်ယာထွက်ကုန်များကို တက်ကြွစွာမြှင့် တင်ပြီး mountain agricultural cooperatives များနှင့် မြို့ပြစိုက်ပျိုးရေးသမဝါယမများကို ချိတ်ဆက်ပေးသည့် 'လယ်ယာထွက်ကုန်များဖြန့်ဖြူးမှု ပလက်ဖောင်း'၏ အခန်းကဏ္ဍကို အားကောင်းစေမည်ဖြစ်ကြောင်း သိရှိရပါသည်။

ဟေမာန်အောင်မင်း

https://www.freshplaza.com/asia/article/9830447/south-korean-cabbage-prices-fall-40-due-to-oversupply/