မြေအိုးထဲတွင် ထမင်းနှင့်ရော နှော၍ ပေါင်းလေ့ရှိသော မတ်ဆူတာကီမှိုသည် ဂျပန်နိုင်ငံ၏ ရိုးရာဆောင်းဦးရာသီ အစားအစာတစ်ခုအဖြစ် ရပ်တည်လျက်ရှိသော်လည်း ပြည်တွင်း ထုတ်လုပ်မှုမှာ ဆက်လက် ကျဆင်းလာကာ တင်သွင်းကုန်များအပေါ် မှီခိုမှု မြင့်တက်လာနေသည်။

ဖိလစ်ပိုင်နိုင်ငံ Cagayan Valley ဒေသတွင် တိုင်ဖုန်းမုန်တိုင်း ပါအိုလို (အပြည်ပြည် ဆိုင်ရာအမည် Matmo) ကြောင့် လယ်ယာသီးနှံများ ပျက်စီးဆုံးရှုံးမှုတန်ဖိုး ဖိလစ်ပိုင်ပီဆို ၁၆၂ ဒသမ ၅၁ သန်း (အမေရိကန်ဒေါ်လာ ၂ ဒသမ ၈၆ သန်း) ရှိကြောင်း စိုက်ပျိုးရေးဦးစီးဌာန–သဘာဝဘေးအန္တရာယ် စီမံခန့်ခွဲ ရေးစင်တာ (DA-DRRM) က ထုတ်ပြန်ကြေညာသည်။

ဤသဘာဝဘေးဒဏ်ကြောင့် လယ်သမား ၃,၈၉၀ ဦး အား ထိခိုက်ခဲ့ပြီး  ဟက်တာ ၅,၁၈၁ မှ ထုတ် လုပ်မှု ကုန်တန်ချိန် ၉,၀၃၉ တန် ဆုံးရှုံးခဲ့ရသည်။ ယင်းတွင် ဆန်၊ ပြောင်းနှင့် တန်ဖိုးမြင့်သီးနှံများပါဝင်ကြောင်း သိရသည်။

အိန္ဒိယနိုင်ငံ အန်ဒရာပရာဒက်ရှ်  ပြည်နယ်၊ Chittoor ခရိုင်ရှိ သရက်စိုက်တောင်သူ ၃၁,၉၂၉ ၏ ဘဏ်စာရင်းသို့ ရူပီး ၁၄၆ ဒသမ ၈၄ ကုဋေ (အမေရိကန်ဒေါ်လာ ၁၇ ဒသမ ၆ သန်း) တိုက်ရိုက်အကျိုး ခံစားခွင့်ငွေလွှဲမှု (DBT) စနစ်ဖြင့် လွှဲပြောင်းပေးခဲ့သည်။ ထိုထောက်ပံ့ငွေများသည် ယခုရာသီတွင် ထွက်ရှိသော သရက်သီး မက်ထရစ်တန် ၃ ဒသမ ၆၇ သိန်း အတွက်ဖြစ်ကြောင်း  ခရိုင် အုပ်ချုပ်ရေးမှူး Sumit Kumar က သတင်းစာရှင်းလင်းပွဲတစ်ခုတွင် ကြေညာခဲ့ပါသည်။ ခရိုင် ဥယျာဉ်ခြံအရာရှိ Madhusudan Reddy  လည်း တက်ရောက်ခဲ့သည်။