နွားရူးရောဂါ ဖြစ်ပွားမှုကြောင့် ၂၀၀၁ ခုနှစ်မှစ၍ ဂျပန်နိုင်ငံမှ အမဲသားတင်သွင်းမှုကို ဆယ်စုနှစ်မျှ ရှည်ကြာသည့် တားမြစ်ခဲ့မှုအားတရုတ်နိုင်ငံက ဖယ်ရှားတော့မည် ဖြစ်သဖြင့် ဂျပန်နိုင်ငံအနေဖြင့် ကြိုတင်ပြင်ဆင်မှုများ ဆောင်ရွက်နေပြီဖြစ်ကြောင်း သိရှိရသည်။ နှစ်နိုင်ငံကြား အမဲသားတိုက်ရိုက် တင်ပို့မှု ပြန်လည်စတင်နိုင်မည့် ခြေလှမ်းတစ်ရပ်အဖြစ် ဂျပန်-တရုတ် တိရိစ္ဆာန် ကျန်းမာရေးနှင့် ရောဂါပိုးမွှားထိန်းချုပ် ရေး သဘောတူညီမှုသည် ဇူလိုင်တတိယပတ်အတွင်း စတင်အသက်ဝင်ပြီဖြစ်သည်။

အိန္ဒိယနိုင်ငံတွင် ယခုနှစ် မုတ်သုံမိုးစောစီးစွာ ရွာသွန်းမှုကြောင့် Rajasthan၊ Karnataka နှင့် Maharashtra ပြည်နယ်များအပါ အဝင် ပဲတီစိမ်းအဓိကထုတ်လုပ်သည့် ပြည်နယ်များတွင် မျိုးစေ့ချ ခြင်းကို အထောက်အကူပြုခဲ့ရာ ယခုလ ၂၁ ရက်နေ့အထိ ပဲတီစိမ်းစိုက်ဧက ၁၁ ရာခိုင်နှုန်းကျော် တိုးတက်လာပြီး ဟက်တာ ၂၇ ဒသမ ၃၁ သိန်း အထိ ရောက်ရှိခဲ့ကြောင်း The Hindu Businessline သတင်းဌာနက ဖော်ပြသည်။

ဂျပန်-ထိုင်း စီးပွားရေးပူးပေါင်းဆောင်ရွက်မှုသဘောတူညီချက်အရ ဂျပန်ဈေးကွက်သို့ တင်ပို့ရန်ရည်ရွယ်ထားသည့် စိုက်ပျိုးရေးပို့ကုန် မဟာဗျူဟာ၏ ဖွံ့ဖြိုးတိုးတက်မှုများကို ထိုင်းနိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ဒုတိယဝန်ကြီးက ကြေညာခဲ့ပါသည်။ Soeng Sang ခရိုင် Nakhon Ratchasima မြို့မှ တောင်သူများအနေဖြင့် ဂျပန်နိုင်ငံ၏ ဈေးကွက်လိုအပ်ချက်များနှင့်အညီ စိုက်ပျိုးနည်းစနစ် အလေ့အကျင့်များကို လိုက်နာကျင့်သုံးဆောင်ရွက်ခြင်းဖြင့် ဝင်ငွေ ၄ ရာခိုင်နှုန်းမှ ၁၄ ရာခိုင်နှုန်းအထိ တိုးမြှင့်ရရှိနိုင်သည်ကို တွေ့မြင်ခဲ့ရကြောင်း Nonthaburi ပြည်နယ်မှ အစီရင်ခံတင်ပြခဲ့သည်။