၂၀၂၅-၂၀၂၆ ဘဏ္ဍာနှစ်တွင် မြန်မာ့ရော်ဘာတင်ပို့မှု အမေရိကန်ဒေါ်လာသန်း ၄၀၀ ဝန်းကျင်ရှိလာ
မြန်မာနိုင်ငံသည် လက်ရှိ ၂၀၂၅-၂၀၂၆ ဘဏ္ဍာနှစ်တွင် ရော်ဘာတင်ပို့မှုတန်ချိန် ၂၈၀,၀၀၀ ရှိပြီး အမေရိကန်ဒေါ်လာသန်း ၄၀၀ ဝန်းကျင်ရှိကြောင်းသိရပါသည်။ ယခု ဘဏ္ဍာနှစ်တွင် တန်ချိန် ပေါင်း ၃၀၀,၀၀၀ အထိ တင်ပို့ရန်မျှော်မှန်းထားကြောင်း မြန်မာ့ရော်ဘာ စိုက်ပျိုးထုတ်လုပ်သူများအသင်းမှ သိရသည်။
မြန်မာနိုင်ငံသည် ရော်ဘာတင်ပို့မှုတန်ချိန် ၂၈၀,၀၀၀ မှ အမေရိကန်ဒေါ်လာသန်း ၄၀၀ ဝန်းကျင်ရရှိခဲ့ကြောင်း၊ ရော်ဘာရိတ်သိမ်း ရာသီသည် အောက်တိုဘာမှ ဇန်နဝါရီအထိ ဖြစ်ကြောင်း၊ ရော်ဘာထွက်ရှိမှုကို ရာသီဥတုအခြေအနေက လွှမ်းမိုးထားကြောင်း၊ ယခင်နှစ် အောက်တိုဘာမှ နိုဝင်ဘာအတွင်း မိုးဆက်တိုက်ရွာသွန်းမှုသည် ရော်ဘာထုတ်လုပ်မှုအပေါ် သက်ရောက်မှုရှိခဲ့ပြီး အစေးခြစ်ရာသီနောက်ကျခဲ့ကြောင်း MRPPA မှ သိရပါသည်။
နိုင်ငံတကာဈေးကွက်တွင် ရော်ဘာတစ်တန်လျှင် အမေရိကန်ဒေါ်လာ ၂,၁၅၀ ရှိပြီး မြန်မာ့ရော်ဘာသည် အရည်အသွေးနိမ့်သော ကြောင့် အမေရိကန်ဒေါ်လာ ၁,၇၀၀ - ၁,၉၀၀ ကြားရှိကြောင်း သိရသည်။
ရော်ဘာကို မွန်ပြည်နယ်၊ ကရင်ပြည်နယ်နှင့် တနင်္သာရီတိုင်းဒေသကြီးတို့တွင် အဓိကစိုက်ပျိုးကြပြီး အခြားတိုင်းဒေသကြီးများနှင့် ပြည် နယ်များတွင်လည်း စိုက်ပျိုးကြကြောင်း၊ တရုတ်နိုင်ငံသည် မြန်မာ့ရော်ဘာကို အဓိကဝယ်ယူသူဖြစ်ပြီး စင်္ကာပူ၊ မလေးရှား၊ အိန္ဒိယ၊ ကိုရီးယားနှင့် ဂျပန်နိုင်ငံတို့မှလည်း ဝယ်ယူကြောင်းသိရှိရသည်။
ဟေမာန်အောင်မင်း
https://www.gnlm.com.mm/myanmar-rubber-exports-near-us400m-in-2025-26-fy/