ဖိလစ်ပိုင် စိုက်ပျိုးရေးအတွင်းဝန် Francisco P. Tiu Laurel သည် ၂၀၂၆ ခုနှစ်၊ ဇန်နဝါရီ ၂၆ ရက်နေ့မှ ၂၉ ရက်နေ့အထိ ဂျပန်နိုင်ငံသို့ ဝန်ကြီးအဆင့်ခရီးစဉ် သွားရောက်ခဲ့ပြီး အဆိုပါ ခရီးစဉ်တွင် သစ်သီးဝလံနှင့် ဟင်းသီးဟင်းရွက်များကို အဓိကထား၍ စိုက်ပျိုးရေး ဆိုင် ရာ ပူးပေါင်းဆောင်ရွက်မှုနှင့် ဈေးကွက်ဝင်ရောက်ခွင့်ရရှိရေးတို့အား ဆွေးနွေးရန် ဂျပန်စိုက်ပျိုးရေးဝန်ကြီးနှင့် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီမှ အကြီးတန်း အရာရှိများနှင့် တွေ့ဆုံဆွေးနွေးပွဲများ ပြုလုပ်ခဲ့သည်။

ဗီယက်နမ်နိုင်ငံ၏ အမဲသားနှင့် ကျွဲသားထုတ်လုပ်မှုကဏ္ဍတွင် "အရေပြားအကျိတ်နာရောဂါ" (Lumpy Skin Disease - LSD) သည် ထုတ်လုပ်မှု စွမ်းဆောင်ရည်၊ စားသုံးသူယုံကြည်မှုနှင့် ဈေးကွက်ရရှိမှုတို့အပေါ် အဓိက စိန်ခေါ်မှုတစ်ခုအဖြစ် ဆက်လက်ရှိနေဆဲ ဖြစ်ပါသည်။ ရောဂါကူးစက်မှု အရေအတွက် လျော့ကျလာသော်လည်း ရောဂါပိုးမှာ အန္တရာယ်ရှိနေဆဲ ဖြစ်သည့်အတွက် ဗီယက်နမ်အာဏာပိုင်များက ရောဂါထိန်းချုပ်ရေးလုပ်ငန်းများကို ပိုမိုတင်းကျပ်စွာ ဆောင်ရွက်လျက်ရှိသည်။

Donald Trump နှင့် Narendra Modi တို့အကြား အခွန်လျှော့ချရေး ကုန်သွယ်မှု သဘောတူညီ ချက်၏ မူကြမ်းများ ထွက်ပေါ်လာသည်နှင့်အမျှ အိန္ဒိယသည် ၎င်း၏ အဓိက လယ်ယာကဏ္ဍထုတ်ကုန်များအတွက် ကာကွယ်မှုများကို ထိန်းသိမ်းထားရင်း အမေရိကန်ပြည်ထောင်စု အား ၎င်း၏လယ်ယာဈေးကွက်သို့ အကန့် အသတ်ဖြင့် ဝင်ရောက်ခွင့်ပေးမည်ဟု နှစ်နိုင်ငံစလုံးမှ အရာရှိများက ပြောကြားခဲ့သည်။

တောင်ကိုရီးယားအစိုးရသည် ကြက်သွန်နီလက်ကား စျေးနှုန်းများ ဆက်လက်ကျဆင်းနေချိန်တွင် ကြက်သွန်နီ စျေးကွက် တည်ငြိမ်စေရန် ရည်ရွယ်သည့် ရောင်းဝယ် ဖောက်ကားမှု လုပ်ငန်းအစီအစဉ်တစ်ခုကိုကြေငြာခဲ့သည်။ စိုက်ပျိုး ရေး၊အစားအသောက်နှင့် ကျေးလက် ဒေသဆိုင်ရာ ဝန်ကြီးဌာနက အဆိုပါအစီအမံများတွင် အစိုးရစုဆောင်းထားရှိသော ကြက်သွန်နီ များ ပြည်ပတင်ပို့ခြင်းနှင့် စားသုံးမှု တိုးမြှင့်စေရန် ကာလတို လက်လီ လျှော့စျေးဖြင့် ရောင်းချပေးခြင်းတို့ ပါဝင်ကြောင်း ကြေငြာခဲ့ သည်။