မာဒါဂက်စကာနိုင်ငံက မြန်မာ့ဆန် အများဆုံးဝယ်ယူသူဖြစ်ပြီး ဖိလစ်ပိုင်က ဒုတိယနေရာတွင် ရပ်တည်

အာဖရိကတိုက်ရှိ   မာဒါဂက်စကာနိုင်ငံသည်   မြန်မာ့ဆန်ကို ပမာဏ အများဆုံး ဝယ်ယူ လျက်ရှိသည်။ ဒုတိယအများဆုံး ဝယ်ယူသည့်နိုင်ငံမှာ ဖိလစ်ပိုင်နိုင်ငံဖြစ်ပြီး တရုတ်နိုင်ငံက တတိယ နေရာတွင် ရပ်တည်လျက်ရှိကြောင်း မြန်မာနိုင်ငံဆန်စပါးအသင်းချုပ် (MRF) ၏ အဆိုအရ  သိရသည်။

ထို့အပြင်  ပိုလန်၊ စပိန်၊ တူရကီ၊  ဗီယက်နမ်နှင့်  အီတလီနိုင်ငံတို့သည်လည်း မြန်မာ့ဆန်ကို ပုံမှန်ဝယ်ယူလျက်ရှိပါသည်။ အာရှ၊ အာဖရိက၊ ဥရောပနှင့် အာဆီယံနိုင်ငံများ အပါအဝင်  နိုင်ငံပေါင်း ၃၁ နိုင်ငံသည် မြန်မာနိုင်ငံမှ ဆန်ကို ဝယ်ယူတင်သွင်းလျက်ရှိသည်။ ဆန်အပြင် ဆန်ကွဲကိုလည်း တင်ပို့နေပြီး တရုတ်နိုင်ငံသည် မြန်မာနိုင်ငံမှ ဆန်ကွဲများကို အများဆုံး ဝယ်ယူသည့်နိုင်ငံများထဲမှ တစ်နိုင်ငံဖြစ်သည်။

ပို့ကုန်အမျိုးအစားများအရ ဒေသထွက်  ဧည့်မထနှင့်  ငစိန်ဆန်အမျိုးအစားများ၏ ငါးမှတ်ဆန်နှင့်  တစ်ဆယ်မှတ်ဆန်များသည်  လစဉ် တင်ပို့မှု စုစုပေါင်း၏  ၂၂ ရာခိုင်နှုန်းခန့်ရှိပြီး ၂၅ မှတ်ဆန်များသည် လစဉ်တင်ပို့မှုစုစုပေါင်း၏ ၃၄ ရာခိုင်နှုန်းခန့်အသီးသီး ရှိနေသည်။ မြန်မာ့ ဆန်ကွဲ (A+B) သည် စုစုပေါင်းပို့ကုန်၏ ၄၁ ရာခိုင်နှုန်းအထိ ရှိပြီး မြန်မာ့ပေါင်းဆန်သည် စုစုပေါင်းပို့ကုန်၏ သုံးရာခိုင် နှုန်းခန့်ရှိကြောင်း သိရှိရသည်။

ဖုန်းမြတ်ဝင်းမောင်မောင်

https://www.gnlm.com.mm/madagascar-emerges-as-top-buyer-of-myanmar-rice-followed-by-philippines/#article-