ရုရှားသည် တရုတ်နိုင်ငံသို့ ဓာတ်မြေသြဇာ တင်ပို့မှုတွင် ဦးဆောင်သူဖြစ်လာ
၂၀၂၄ ခုနှစ် ဇန်နဝါရီမှ ဖေဖော်ဝါရီလအတွင်း ရုရှားသည် တရုတ်နိုင်ငံသို့ ပိုတက်စီယမ်က လိုရိုက် တန်ချိန် ၈၉၁,၃ဝဝ ကို ထောက်ပံ့ပေးခဲ့ပြီး ယင်းပမာဏသည် ယမန်နှစ် အလားတူကာလ ထက် ၉၄ ရာခိုင်နှုန်း ပိုမိုများပြားကြောင်း၊ ရုရှားသည် တရုတ်နိုင်ငံသို့ ဓာတ်မြေသြဇာ အများဆုံး တင်သွင်းသူ ဖြစ်လာခဲ့ကြောင်း တရုတ်ပြည်သူ့သမ္မတနိုင်ငံ အကောက်ခွန်အထွေထွေ အုပ်ချုပ်မှုအာ ဏာပိုင်အဖွဲ့(GACC)က ထုတ်ပြန်သည့် အချက်အလက်များအရ သိရှိရသည်။
၂၀၂၄ ခုနှစ်၊ ပထမနှစ်လတာအတွက် ရုရှားဓာတ်မြေဩဇာ တင်ပို့မှုတန်ဖိုးမှာ အမေရိကန် ဒေါ်လာ ၂၈၅.၃ သန်းရှိကြောင်း ဖော်ပြထားပါသည်။ တရုတ်နိုင်ငံသို့ ပိုတက်စီယမ်ကလိုရိုက် ထောက်ပံ့မှု၏ ဒုတိယနေရာကို ကနေဒါ (တန်ချိန် ၇၁၉,၉၀၀ ဖြင့် ကန်ဒေါ်လာ ၂၂၅.၁ သန်း)မှ ရရှိ ထားပြီး တတိယနေရာကို ဘီလာရုစ်(တန်ချိန် ၄၄၈ဝဝဝ ဖြင့် ကန်ဒေါ်လာ ၁၄၁.၉ သန်း)မှ ရရှိထား ပါသည်။
၂၀၂၃ ခုနှစ်တွင် ရုရှားသည် တရုတ်နိုင်ငံသို့ ဒုတိယအများဆုံး ပိုတက်စီယမ်ကလိုရိုက် (တန် ချိန် ၃ သန်းဖြင့် ကန်ဒေါ်လာ ၁.၁ ဘီလီယံ) တင်ပို့သူဖြစ်ခဲ့ပြီး ဘီလာရုစ်သည် (တန်ချိန် ၃.၄ သန်း ဖြင့် ကန်ဒေါ်လာ ၁.၅ ဘီလီယံ) အများဆုံးတင်ပို့သူဖြစ်ခဲ့သည်။
ရုရှားစီးပွားရေးဖွံ့ဖြိုးတိုးတက်မှုဝန်ကြီး Mr. Maxim Reshetnikov က ရုရှားနှင့် တရုတ်တို့၏ ကုန်သွယ်မှု၊ စီးပွားရေးနှင့် ရင်းနှီးမြှုပ်နှံမှုဆိုင်ရာ ဆက်ဆံမှုများသည် နက်ရှိုင်းစွာ တိုးမြှင့်လုပ်ဆောင် လျက်ရှိပြီး ၂၀၃၀ ခုနှစ်တွင် ကုန်သွယ်မှုပမာဏ လျာထားချက် အမေရိကန်ဒေါ်လာ ၃၀၀ ဘီလီယံ အထိ ရောက်ရှိနိုင်စေရန် မျှော်မှန်းထားကြောင်း ၂၀၂၃ ခုနှစ် ဒီဇင်ဘာလတွင် ပြောကြားခဲ့သည်။
၂၀၂၃ ခုနှစ်တွင် ရုရှားနှင့် တရုတ်တို့၏ အပြန်အလှန်ကုန်သွယ်မှုပမာဏသည် စံချိန်တင်မြှင့်တက်ခဲ့ ပြီး အမေရိကန်ဒေါ်လာ ၂၄၀.၁၁ ဘီလီယံအထိ ရောက်ရှိခဲ့ကြောင်း သိရှိရပါသည်။
ခွန်မျိုးသူ
Source : https://www.gazeta.ru/business/news/2024/03/20/22589197.shtml