ပြီးခဲ့သည့် ၁၀ လ အတွင်း မြန်မာ့ပုစွန် တန်ချိန် ၉,၀၀၀ တင်ပို့

ငါးလုပ်ငန်းဦးစီးဌာန၏ ထုတ်ပြန်ချက်အရ ၂၀၂၅-၂၀၂၆ ဘဏ္ဍာရေး နှစ်၏ ဧပြီ ၁ ရက်မှ စတင်ကာ ပြီးခဲ့သော ၁၀ လအတွင်း ပုစွန်တန်ချိန် ၉,၀၀၀ နီးပါးကို နိုင်ငံတကာ ဈေးကွက်များသို့ တင်ပို့နိုင်ခဲ့ပြီး     အမေရိကန်ဒေါ်လာ ၂၇ ဒသမ ၇၆၉ သန်း ရရှိခဲ့ကြောင်း သိရသည်။

လွန်ခဲ့သော ၁၀ လအတွင်း မြန်မာနိုင်ငံသည် ရေကြောင်းမှတစ်ဆင့် အမေရိကန် ဒေါ်လာ ၂၃ ဒသမ ၃ သန်းတန်ဖိုးရှိသော ပုစွန်တန်ချိန် ၈,၁၀၀ ကျော်ကို တင်ပို့ခဲ့ပြီး အိမ်နီးချင်း နိုင်ငံများသို့ နယ်စပ်မှ တစ်ဆင့် အမေရိကန်ဒေါ်လာ ၄ ဒသမ ၄၅ သန်း တန်ဖိုးရှိသော ပုစွန်တန်ချိန် ၈၁၅ ဒသမ ၇၉ ကို တင်ပို့ခဲ့ကာ စုစုပေါင်း တန်ချိန် ၈,၉၅၀ ဒသမ ၈၆ ရှိခဲ့ပါသည်။

၂၀၂၄-၂၀၂၅ ဘဏ္ဍာရေးနှစ်အတွင်း မြန်မာနိုင်ငံသည် ပုစွန်တန်ချိန် ၉,၀၀၀ ကျော်ကို ပြည်ပသို့ တင်ပို့ခဲ့ပြီး အမေရိကန်ဒေါ်လာ သန်း ၃၀ ရရှိခဲ့ကြောင်း ဌာနမှ ဖော်ပြခဲ့သည်။

မြန်မာနိုင်ငံသည် တရုတ်၊ ထိုင်း၊ ဘင်္ဂလားဒေ့ရှ်နှင့် ဂျပန်နိုင်ငံတို့ အပါအဝင် နိုင်ငံပေါင်း ၄၀ သို့ ရေကြောင်းနှင့် ကုန်းလမ်း နယ်စပ်ကုန်သွယ်ရေး လမ်းကြောင်းများမှတစ်ဆင့် ပင်လယ် စာများကို ပုံမှန် တင်ပို့လျက်ရှိကြောင်းသိရှိရပါသည်။

အေးအေးခိုင်

https://www.gnlm.com.mm/myanmar-shrimp-exports-hit-9000mt-in-10-months-apr-jan/#article-title