ဖိလစ်ပိုင်၏ ငှက်ပျောနှင့် အပူပိုင်းဒေသသစ်သီးများ ဂျပန်ဈေးကွက်သို့ ဝင်ရောက်ခွင့် ရရှိရေး ကြိုးပမ်းလျက်ရှိ

ဖိလစ်ပိုင် စိုက်ပျိုးရေးအတွင်းဝန် Francisco P. Tiu Laurel သည် ၂၀၂၆ ခုနှစ်၊ ဇန်နဝါရီ ၂၆ ရက်နေ့မှ ၂၉ ရက်နေ့အထိ ဂျပန်နိုင်ငံသို့ ဝန်ကြီးအဆင့်ခရီးစဉ် သွားရောက်ခဲ့ပြီး အဆိုပါ ခရီးစဉ်တွင် သစ်သီးဝလံနှင့် ဟင်းသီးဟင်းရွက်များကို အဓိကထား၍ စိုက်ပျိုးရေး ဆိုင် ရာ ပူးပေါင်းဆောင်ရွက်မှုနှင့် ဈေးကွက်ဝင်ရောက်ခွင့်ရရှိရေးတို့အား ဆွေးနွေးရန် ဂျပန်စိုက်ပျိုးရေးဝန်ကြီးနှင့် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီမှ အကြီးတန်း အရာရှိများနှင့် တွေ့ဆုံဆွေးနွေးပွဲများ ပြုလုပ်ခဲ့သည်။

ခရီးစဉ်အတွင်း အတွင်းဝန် Tiu Laurel သည် ဖိလစ်ပိုင်နိုင်ငံအနေဖြင့် ငှက်ပျောသီး များ တင်ပို့မှုအပေါ် ဂျပန်နိုင်ငံ၏ အခွန်များအား လျှော့ချပေးစေလိုကြောင်းနှင့် Trans-Pacific Partnership အတွက် ဘက်စုံတိုးတက်သောသဘောတူညီချက်တွင် ပါဝင်နိုင်ရေး အတွက် ပြင်ဆင်လျက်ရှိကြောင်း ပြောကြားသည်။ ထို့ပြင် ကျွဲကော သီးနှံအတွက် ဈေးကွက်အသစ်ဝင် ရောက်ခွင့်ရရှိရေး၊ ဂျပန်စပျစ်မျိုးများအတွက် ပိုမိုလျင်မြန်သော တင်သွင်းခွင့် လုပ်ထုံးလုပ်နည်းများ ရရှိရေးနှင့် သရက်နှင့်သင်္ဘောသီး တင်ပို့မှုများအတွက် ခေတ်နှင့်အညီ ပြုလုပ်ထားသော လုပ်ထုံးလုပ်နည်းများ ရရှိရေး တောင်းဆိုခဲ့သည်။

အဆိုပါဆွေးနွေးမှုများတွင် နှစ်နိုင်ငံအကြား လက်ရှိ ပူးပေါင်းဆောင်ရွက်ရေးနားလည်မှု စာချွန်လွှာကို တိုးချဲ့ရန် အဆိုပြုလွှာတစ်ခု ပါဝင်ပါသည်။ ဂျပန်နိုင်ငံအနေဖြင့် ၎င်း၏ ထောက်ခံ မှုကို တင်ပြခဲ့ပြီး ဖိလစ်ပိုင်-ဂျပန် စိုက်ပျိုးရေးဆိုင်ရာ ပူးပေါင်းဆောင်ရွက်ရေး ကော်မတီ အစည်း အဝေးကို ၂၀၂၆ ခုနှစ်၊ ဇွန်တွင် အိမ်ရှင်အဖြစ် လက်ခံကျင်းပသွားမည် ဖြစ်ကြောင်း အတည် ပြုခဲ့ပါသည်။ ဖိလစ်ပိုင်နိုင်ငံနှင့် ဂျပန်နိုင်ငံအကြား သံတမန်ဆက်ဆံရေး ပြန်လည်ထူထောင်ခြင်း ၇၀ နှစ်ပြည့် အထိမ်းအမှတ်နှင့်တိုက်ဆိုင်သည့် ယခုနှစ်အတွင်းတွင် ပြန်လည်ပြင်ဆင်ထားသည့် သဘောတူညီမှုစာချွန်လွှာအား လက်မှတ်ရေးထိုးနိုင်လိမ့်မည်ဟု မျှော်မှန်းထားကြောင်း အတွင်း ဝန်Tiu Laurel က ပြောကြားသည်။

ခရီးစဉ်အတွင်း သစ်သီးဝလံနှင့် ဟင်းသီးဟင်းရွက်တန်ဖိုး ကွင်းဆက်များနှင့်ဆက်စပ် သည့် စိုက်ပျိုးရေးဆိုင်ရာစီမံကိန်းများအတွက် အလား အလာရှိသော ထောက်ပံ့မှုများနှင့်စပ်လျဉ်း၍ JICA အဖွဲ့နှင့်လည်း ဆွေးနွေးခဲ့သည်။ အဆိုပါခရီးစဉ်တွင် စိုက်ပျိုး ထုတ်လုပ်မှု စီမံချက်များ၊ ရိတ်သိမ်းချိန်လွန် ကိုင်တွယ်အသုံးပြုမှုများနှင့် ဟင်းသီးဟင်းရွက် များအတွက် ဈေးကွက်ချိတ်ဆက်ခြင်းများ မြှင့်တင်ရန် ရည်ရွယ်ချက်ဖြင့် ဘက်စုံအစားအစာ သယ်ယူပို့ဆောင်ရေးအစုအဖွဲ့များ၊ အခြေခံကုန်စည်ဖြန့်ဖြူးမှုကို တစ်နိုင်ငံလုံးအတိုင်းအတာဖြင့် ဆန်းစစ်အကဲ ဖြတ်ခြင်း၊ ဈေးကွက်မြှင့်တင်သည့် ဟင်းသီးသင်းရွက်တန်ဖိုး ကွင်းဆက် စီမံကိန်း များနှင့် စပ်လျဉ်း၍လည်း ဆွေးနွေးခဲ့ကြောင်းသိရသည်။

စိုက်ပျိုးရေးဌာနအဆိုအရ အဆိုပါ တွေ့ဆုံဆွေးနွေးမှုများသည် ဖိလစ်ပိုင်နိုင်ငံ၏ ငှက်ပျောနှင့် အခြားသောသစ်သီးများအတွက် အရေးပါသောပို့ကုန်ဈေးကွက်တစ်ခုအဖြစ် ကျန်ရှိစေရန် ဂျပန်နိုင်ငံနှင့် ကုန် သွယ်မှုဆက်ဆံရေးများ ခိုင်မာစေရန် ကြိုးပမ်းအားထုတ်မှု၏ တစ်စိတ် တစ်ပိုင်းဖြစ်ပါသည်။ ခရီးစဉ်အတွင်း ဆွေးနွေးမှုများ ပြုလုပ်ခဲ့ခြင်းသည် သစ်သီးဝလံနှင့် ဟင်းသီး ဟင်းရွက်တန်ဖိုးကွင်းဆက်များတွင် ဈေးကွက်အခွင့်အလမ်းများမြှင့်တင် မှုနှင့် ပိုမိုစနစ်ကျသော ပူးပေါင်းဆောင်ရွက်မှုများတွင် အထောက်အပံ့ဖြစ်စေရန် မျှော်မှန်းထားကြောင်း ပြောကြားသည်။

သစ်သီးဝလံနှင့် ဟင်းသီးဟင်းရွက်တင်ပို့မှုနှင့်စပ်လျဉ်း၍ အခွန်ဆိုင်ရာကိစ္စရပ်များ၊ သီးနှံ ပိုးမွှားကင်းစင်ရေး လုပ်ထုံးလုပ်နည်းများ၊ နည်းပညာဆိုင်ရာပူးပေါင်းဆောင်ရွက်မှုများ နှင့်စပ် လျဉ်း၍ ဂျပန်နိုင်ငံမှ တာဝန်ရှိပုဂ္ဂိုလ်များနှင့် လာမည့်လများတွင် ထပ်မံဆွေးနွေးမှုများ ပြုလုပ် သွားမည်ဖြစ်ကြောင်း စိုက်ပျိုးရေးဌာနမှ ထုတ်ပြန်ခဲ့ကြောင်း သိရှိရ သည်။ 

နွေးနွေးအောင်

https://www.freshplaza.com/asia/article/9808138/philippines-seeks-japanese-access-for-bananas-and-tropical-fruit/