မှိုစိုက်ပျိုးရေးအတွက် အလိုအလျောက် ရေဖျန်းစနစ် MFVP စတင်

မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက် ထုတ်လုပ်သူနှင့် တင်ပို့သူများအသင်း (MFVP) သည် မှိုစိုက်ပျိုးရေးအတွက် အလို အလျောက် ရေဖျန်းစနစ်ဖြင့် စမ်းသပ်ပြုလုပ်မည့် စီမံကိန်းတစ်ခုအား အကောင်အထည်ဖော်သွားမည် ဖြစ်သည်။

အဆိုပါ အလိုအလျောက် ရေဖျန်းစနစ်သည် မှိုစိုက်ပျိုးရေးအတွက် အရေးပါသော အစို ဓာတ် ကို တသမတ်တည်း ထိန်းသိမ်းပေးခြင်းဖြင့် အကောင်းဆုံးကြီးထွားမှု အခြေအ နေများ ကို သေချာစေခြင်း၊ ရေဓာတ်ခမ်းခြောက်မှုကြောင့် ဆုံးရှုံးမှုကိုကာကွယ်ပေးခြင်း၊ အချိန်နှင့် စွမ်းအင်ကို ချွေတာပေး ခြင်းနှင့် ပိုမိုကောင်းမွန်သော အထွက်နှုန်းရရှိစေပြီး လုပ်အား ကုန်ကျ မှုကို လျှော့ချပေးနိုင်သည်။ ဤစနစ်နှင့် အထူးသင့်လျော်သည့် အဓိကမှိုမျိုးစိတ်များမှာ အစိုဓာတ် မြင့်မားစွာ လိုအပ်သော (Oyster mushroom)၊  (Straw mushroom) နှင့်  (Golden Oyster mushroom) တို့ ဖြစ်သည်။

ဤစနစ်သည် အစိုဓာတ် တိုင်းတာသောကိရိယာ (humidistats) များ နှင့် အလင်း အာရုံခံကိရိယာ (light sensors) များ တပ်ဆင်ထားပြီး၊ သတ်မှတ်အစိုဓာတ်အဆင့်ကို ထိန်း သိမ်းပေးသည်။ ၎င်းသည် စိုက်ပျိုးသူများအား ၎င်းတို့၏ စိုက်ခင်းကို  အာရုံခံ ကိရိယာများမှ တစ်ဆင့် စောင့်ကြည့်ခြင်း၊ အဝေးမှထိန်းချုပ်ခြင်း များ ပြုလုပ်နိုင်စေကာ အလင်း၊ အပူချိန်နှင့် အစိုဓာတ် အဆင့်များအပေါ် မူတည်၍ ချိန်ညှိခြင်းများ ပြုလုပ်နိုင်စေသည်။ စမ်းသပ် စီမံ ကိန်းကို စတင်အကောင်အထည် ဖော်လျက်ရှိပြီး MFVP နှင့် သတင်းအချက် အလက်နည်းပညာ ကျွမ်းကျင် သူများက ပူးပေါင်းဆောင်ရွက်ရန် ဆွေးနွေးပြီးဖြစ်ကြောင်း အသင်း တာဝန်ရှိသူတစ်ဦးက ပြောကြား သည်။

ဤလုပ်ငန်းစဉ်ကို စိုက်ပျိုးရေး အကြွင်းအကျန်စွန့်ပစ် ပစ္စည်းများ အသုံးပြု၍ အလိုအလျောက် လည် ပတ်စေနိုင်သည်။ ဤစနစ်သည် ကြိုတင်ခန့်မှန်းရခက်သော ရာသီ ဥတု အခြေအနေမျိုးစုံ နှင့် ပြင်းထန်သော ရာသီဥတုဒဏ်များကို ရင်ဆိုင်နိုင်ရန်  အထူးပုံစံဖြင့် ထုတ်ထား သည်။ ၎င်းသည် နည်းပညာကို အခြေခံသော ရာသီဥတုနှင့် လိုက် လျော ညီထွေ ဖြစ်သည့် စိုက်ပျိုးရေး (Cli-mate-SmartAgriculture) ၏အဓိက အစိတ်အပိုင်းတစ်ခု လည်း ဖြစ်ပြီး၊ တစ်နှစ်ပတ်လုံး စားသုံးသူများအား ပိုမိုကောင်းမွန်သော အထွက်နှုန်းနှင့် အရည်အသွေး ပြည့်ဝသည့် မှိုများရရှိစေရန် သေချာစေမည် ဖြစ်သည်။

MFVP အသင်းသည် ဤစမ်းသပ်စီမံကိန်းမှ ရရှိလာမည့် နည်းပညာ အတွေ့အကြုံများကို အခြေခံ၍ ရေရှည်တည်တံ့မှုမြှင့်တင်ခြင်း၊ စိုက်ပျိုးရေးထုတ်လုပ်မှုနှင့် ဝင်ငွေတိုးတက်စေခြင်း စသည့် ရည်ရွယ် ချက်များဖြင့် အခြားသီးနှံများ အတွက်  ရာသီဥတုနှင့် လိုက်လျော ညီထွေ ဖြစ်သည့် စိုက်ပျိုးရေးစနစ်ကို ဆက် လက် အကောင် အထည်ဖော်သွားမည် ဖြစ်ကြောင်း သိရှိရသည်။

ဖုန်းမြတ်ဝင်းမောင်မောင်

https://www.gnlm.com.mm/mfvp-to-initiate-automatic-misting-system-for-mushroom-farming/