ငလျင် ဘေးသင့်ပြည်သူများအတွက် ကိုရီးယားသမ္မတနိုင်ငံမှ ဆန် ၃၀၀၀ တန်၊ တရုတ်ပြည်သူ့သမ္မတနိုင်ငံမှ ဆန်၂၇၅ တန် ထပ်မံလှူဒါန်း
အာဆီယံအပေါင်းသုံးအရေးပေါ် ဆန်အရန်ရိက္ခာ (APTERR) အစီ အစဉ်-၃ (၂၀၂၅)အရ ငလျင် ဘေးသင့်ပြည်သူများအတွက် ထပ်မံလှူ ဒါန်းသည့် ကိုရီးယားသမ္မတနိုင်ငံမှ ဆန် ၃၀၀၀ တန်၊ တရုတ် ပြည်သူ့သမ္မတနိုင်ငံမှ ဆန် ၂၇၅ တန်နှင့် ပုံမှန်အစီအစဉ်ဖြင့် လှူဒါန်းခြင်းအစီ အစဉ်ဖြင့် ကိုရီးယား သမ္မတနိုင်ငံမှ ဆန် ၂၀၀၀ တန်၊ တရုတ်ပြည်သူ့သမ္မတနိုင်ငံမှ ဆန် ၃၇၅ တန်တို့နှင့် စပ်လျဉ်းသည့် သဘောတူညီမှုစာချွန်လွှာ (Memorandum of Agreement -MoA) ၄ စောင် ကို ဒီဇင်ဘာ ၁၁ ရက် နေ့ ညနေပိုင်းက စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းနှင့် APTERR အတွင်းရေး မှူးချုပ်ရုံးမှ အထွေထွေမန်နေဂျာ Dr. Choomjet Karnjanakesorn တို့က လက်မှတ် ရေးထိုးခဲ့ကြကြောင်း သိရသည်။
နေပြည်တော် ရုံးအမှတ်(၁၅)၌ ကျင်းပသည့် အဆိုပါလက်မှတ်ရေးထိုးပွဲသို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန စီမံကိန်း ဦးစီးဌာန ၊ စိုက်ပျိုးရေးဦးစီးဌာန တို့မှ ညွှန်ကြားရေးမှူးချုပ်များနှင့်တာဝန်ရှိသူများ၊ APTERR အတွင်း ရေးမှူးချုပ်ရုံးမှ တာဝန်ရှိသူများ တက်ရောက်ကြသည်။
မန္တလေးငလျင်ကြီးအပြီးတွင် (APTERR) အစီအစဉ်-၃ အရ ကိုရီးယားသမ္မတနိုင်ငံမှ လှူဒါန်းသည့် ဆန်တန်ချိန် ၃၀၀၀ နှင့် တရုတ်ပြည်သူ့သမ္မတနိုင်ငံမှလှူဒါန်းသည့် ဆန်တန်ချိန် ၅၀၀ တို့အား ဘေးသင့် ဒေသပြည်သူများထံ ဖြန့်ဝေပေးခဲ့ပြီးဖြစ်ကာ ယခု ကိုရီးယားသမ္မတနိုင်ငံမှ ထပ်မံလှူဒါန်းသည့် ဆန်တန် ချိန် ၃၀၀၀ နှင့် တရုတ်ပြည်သူ့သမ္မတ နိုင်ငံမှ ထပ်မံလှူဒါန်းသည့် ဆန် ၂၇၅ တန်တို့အား မန္တလေးငလျင် ဒဏ်ခံစားခဲ့ရသော ပြည်သူများထံသို့ ဆက်လက်လှူဒါန်းသွားမည်ဖြစ်ကြောင်း၊ (APTERR) အစီအစဉ်- ၃ ၏ ပုံမှန်အစီအစဉ်အရ ကိုရီးယားသမ္မတနိုင်ငံမှ လှူဒါန်းသည့်ဆန်တန်ချိန် ၂၀၀၀ နှင့် တရုတ်ပြည်သူ့ သမ္မတနိုင်ငံမှ လှူဒါန်းသည့်ဆန် ၃၇၅ တန်တို့အား ၂၀၂၆ ခုနှစ်အတွင်း သဘာဝဘေးအန္တရာယ်များ ကြုံတွေ့ရပါက ဘေးသင့်ပြည်သူ များထံ ဖြန့်ဝေလှူဒါန်းသွားနိုင်မည်ဖြစ်ကြောင်း သတင်းရရှိသည်။
MOALI