မလေးရှားနယ်စပ်တွင် တရားမဝင် အသားများ ဖမ်းဆီးရမိ

မလေးရှားနယ်စပ်ထိန်းချုပ်ရေးနှင့်ကာကွယ်ရေးအေဂျင်စီ (MCBA) သည် ၂၀၂၅ ခုနှစ် စက်တင်ဘာ ၁၇ မှ ၂၄ ရက်အတွင်း Pasir Gudang ဆိပ်ကမ်း (Johor) တွင် ခွင့်ပြုချက်မရှိသော အေးခဲအသားများပါဝင်သည့် ကွန်တိန်နာ  ၃ လုံးကို ဖမ်းဆီးခဲ့ပြီး၊ ၎င်းတို့၏တန်ဖိုးမှာ အမေရိကန်ဒေါ်လာ ၃၂၁,၀၀၀ ခန့်ရှိကြောင်း သိရသည်။ ထိုတင်ပို့မှုများတွင် မလေးရှားသားငါးကွပ်ကဲရေးနှင့်စစ် ဆေးရေးဌာန (MAQIS) မှ သွင်းကုန်ခွင့်ပြုလက်မှတ်နှင့် ကျန်းမာရေးဆိုင်ရာလက်မှတ်များ မပါဝင်ခဲ့ကြောင်း သိရှိရသည်။

ပထမအကြိမ်ဖမ်းဆီးမှုတွင် MCBA အရာရှိများက အမေရိကန်ဒေါ်လာ ၂၁၄,၀၀၀ တန်ဖိုးရှိသော အေးခဲဝက်သား ၂၇,၈၁၆ ကီလိုဂရမ် ပါဝင်သည့် ကွန်တိန်နာတစ်ခုကို ဖမ်းဆီးခဲ့သည်။ ထိုပစ္စည်းများတွင် အမေရိကန်မှ ဝက်အရေပြား၊ ဗီယက်နမ်မှ နို့စို’ဝက်ကလေးများ၊ ပိုလန်မှ ဘဲခြေထောက်များ ပါဝင်သည်။

နောက်ထပ်ဖမ်းဆီးမှုနှစ်ကြိမ်တွင် ထိုင်းမှ အရိုးမပါသော ကြက်ရင်အုံသားများ ပါဝင်သည့် ကွန်တိန်နာနှစ်ခုကို စက်တင်ဘာ ၁၈ နှင့် ၂၄ ရက်တွင် ဖမ်းဆီးခဲ့ခြင်းဖြစ်သည်။ ထိုကြက်သားများ၏စုစုပေါင်းအလေးချိန်မှာ ၅၂,၉၉၂ ကီလိုဂရမ် ဖြစ်သည်။

MCBA က မလေးရှားဥပဒေအရ သက်ဆိုင်ရာခွင့်ပြုချက်များမပါဘဲ စိုက်ပျိုးရေးထုတ်ကုန်များကို တင်သွင်းခြင်းသည် တရားမဝင်ကြောင်း အထူးသတိပေးခဲ့ပြီး၊ ပြည်သူ့ကျန်းမာရေးနှင့် နိုင်ငံ၏ အစားအစာ ထုတ်ကုန်ကွင်းဆက်ကို ကာကွယ်ရန်အတွက် မလေးရှားအစိုးရက တရားမဝင် အသားတင်သွင်းမှုများကို ဆက်လက်အရေးယူနေကြောင်း ဖော်ပြခဲ့သည်။

TTP

Asianagribiz.com(7 October)