စိုက်ပျိုးမွေးမြူရေးပညာနှင့် နိုင်ငံတကာ စိုက်ပျိုးမွေးမြူရေး တက္ကသိုလ်များ (အပိုင်း-၂၈) ၊ စိုက်ပျိုးမွေးမြူရေး တက္ကသိုလ်များခေတ်နှင့်အညီလိုအပ်သောဘာသာရပ်နှင့်သုတေသနများ (၄-၁) (အဆက်)

(ယခင်အပတ်မှအဆက်)

(ဃ) အစားအစာသိပ္ပံနှင့်နည်းပညာဘာသာရပ်(Food Science and Technology)

( G12  အောင်သည့် -၂၀၂၆- မေတွင်) သင်ကြားပေးမည့်ဘာသာရပ်များမှာ

၁။    Fundamental of Food Science and Technology (အစားအစာ သိပ္ပံနှင့်နည်းပညာ အခြေခံ သဘောတရားများ)
၂။    Processing of Agricultural Crops and Value-added Products (စိုက်ပျိုးရေး ထုတ်ကုန်များအား တန်ဖိုးမြှင့်ထုတ်ကုန်များအဖြစ် ပြုပြင်ထုတ်       လုပ်ခြင်း နည်းပညာ)
၃။    Food Safety and Quality Management (အစားအစာ ဘေးကင်းလုံခြုံမှုနှင့် အရည်အသွေး မြင့်တင်နိုင်သောနည်းလမ်းများ)

ကျွန်တော်လေ့လာမိသော ဩစတြေးလျတက္ကသိုလ်များမှ အစား အစာသိပ္ပံ (ပထမဘွဲ့၊ မဟာသိပ္ပံဘွဲ့၊ ပါရဂူဘွဲ့) ပေးနေပြီး သုတေသနပြုလုပ်နေသောတက္ကသိုလ်များမှာ
- 
(က) မဲလဘုန်းတက္ကသိုလ် (University of Melbourne) အဓိကသုတေသနများ (Major Research Areas) မှာ အစားအစာဓာတုဗေဒ (Food Chemistry)၊ အစားအစာ အနုဇီဝဗေဒ (Food Microbiology)၊ စားသုံးသူကျန်းမာရေးနှင့်အာဟာရပညာ (Human Health and Nutrition)၊ အစားအစာဖြင့်နာတာရှည်ရောဂါကာကွယ်မှု (Chronic Disease Prevention)၊ ရေရှည်တည်တံ့ခိုင်မြဲသောအစားအစာထုတ်လုပ်မှုပုံစံ (Sustainable Food System)၊ အစားအစာများ အာဟာရပါဝင်မှုကို စပက်တြိုမက်ထရစ်နည်းဖြင့် ဓာတ်ခွဲစစ်ဆေးခြင်း (Mineral and elemental analysis of food products, utilizing advanced spectrometry techniques)၊ အစားအစာများ လိုအပ်ချက်၊ ပျောက်ဆုံးမှုကို မဲလဘုန်းအစားအစာ ခြေရာခံခြင်း စီမံချက် (Food-print Melbourne project, aiming to strengthen the resilience of Victoria’s food system against shocks and stresses) စသည်ဖြင့် သုတေသန ပြုလုပ်နေပါသည်။

(ခ) ရာအမ်အိုင်တီတက္ကသိုလ် (RMIT – Royal Melbourne Institute of Technology) အဓိကသုတေသနများ (Major Research Areas) မှာ အစားအစာလုပ်နည်းစနစ်များ (Food Quality Assurance)၊ ထုပ်ပိုးနည်းဒီဇိုင်းများ (Packaging Design)၊ အစားအစာ အရသာလုံခြုံစိတ်ချရမှု (Food Quality Assurance)၊ အစားအစာထုပ်လုပ်မှု နာနိုနည်းပညာ အသုံးချခြင်း (Application of Nanotechnology) အထူးသဖြင့် အနည်းလိုအာဟာရ များ (Micronutrients)နှင့်ပရိုဘိုင်အိုတစ်များ (Probiotics)ထည့်ခြင်း၊ဇီဝဆင်ဆာများ ဖွံ့ဖြိုးတိုးတက်မှု (Development of Biosensors) စသည့်သုတေသနများဆောင်ရွက် နေပါသည်။

(ဂ) ကွင်းစလန်တက္ကသိုလ် (University of Queensland) အဓိကသုတေသနများ (Major Research Areas) မှာ သရီးဒီအစားအစာပုံရိပ် (3D Food Printing)၊ အင်းဆက်မှ အစား အစာထုတ်ခြင်း (Development of Edible Products from Alternative Protein Sources like Insects)၊ ဖန်ရှင်ဆိုင်ရာအစားအစာထုတ်လုပ်မှု (Functional Foods) စသည့်သုတေသနများ ဆောင်ရွက်နေပါသည်။

(ဃ) လာထရုတက္ကသိုလ် (La Trobe University) အဓိကသုတေသနများ (Major Research Areas) မှာ အစားအစာနှင့်အာဟာရဓာတ် (Food and Nutrition)၊ ဇီဝသုတေသနနှင့် ဒီဂျစ်တယ်သုတေသနမှအစား အစာထုတ်ခြင်း (Industrial Collaboration through Bioinnovation Hub and Digital Innovation Hub)၊ အစား အစာနှင့်အာနင်အေ ပါဝင်ပစ္စည်းထုတ်မှု/ဆက်စပ်မှု (Establishment of BioNtech and mRNA manufacturing Plant for Food) စသည့် သုတေသနများဆောင်ရွက်နေပါသည်။

(င) ဆစ်ဒနီတက္ကသိုလ် (University of Sydney) အဓိကသုတေသနများ (Major Research Areas)မှာ အစားအစာနည်းပညာနှင့် ဇီဝနည်းပညာဆက်စပ်မှု (Food Technology and Biotechnology)၊ အစားအစာဓာတုဗေဒ (Food Chemistry)၊ အစားအစာထုတ်လုပ်မှုဒီဇိုင်း နှင့်ဖွံ့ဖြိုးတိုးတက်မှု (Food Product Design and Development) စသည့် သုတေသနများ ဆောင်ရွက် နေပါသည်။

(စ) တက်မေးနီးယားတက္ကသိုလ် (University of Tasmania) အဓိကသုတေသနများ (Major Research Areas) မှာ အအေးပိုင်းဒေသ/ရာသီဥတုအတွက်ရေရှည်တည်တံ့မည့် အစားအစာ များ ထုတ်လုပ်ခြင်း (Sustainable Food Production in Temperate Climate/Regions)၊ အစားအစာများတွင် အာဟာရဓာတ်များပိုမိုစေခြင်း (To enhance Nutritional Value of Food Products) စသည့် သုတေသနများဆောင်ရွက်နေပါသည်။

(ဆ) နယူးဆောက်ဝေးလ်တက္ကသိုလ် (University of New South Wales) အဓိက သုတေသနများ (Major Research Areas)မှာ အစားအစာနည်းပညာနှင့် ပြုပြင် ထုတ်လုပ်ခြင်း (Food Engineering and Processing Technology)၊ အစားအစာဘေးကင်းလုံခြုံမှုနှင့် အနု ဇီဝဗေဒ (Food Safety and Food Microbiology)၊ ဖန်ရှင်အစား အစာနှင့် နူတြာကြူတီကယ် အစားအစာများ (Development of Functional Foods and Nutraceuticals) စသည့် သုတေသနများဆောင်ရွက်နေပါသည်။ စာရေးသူမိတ်ဆွေ ဒေါက်တာချိုဝင်းမော် (အငြိမ်းစား ဦးဆောင်ညွှန် ကြားရေးမှူး၊ မြန်မာ့စားသောက်ကုန်လုပ်ငန်း)သည် ဤတက္ကသိုလ်မှ အစားအစာ အင်ဂျင်နီယာဘွဲ့ရရှိခဲ့ပါသည်။

(ဇ) နယူးကက်စတယ်တက္ကသိုလ် (University of Newcastle) အဓိကသုတေသနများ (Major Research Areas) မှာ အစားအစာနှင့်ကျန်းမာရေးဆက်စပ်မှု  (Relationship between Diets and Health)၊ အစားအစာထုတ်လုပ်မှု တီထွင်ဖန်တီးမှု (Food Products Development and Innovation) စသည့် သုတေသနများ ဆောင်ရွက် နေပါသည်။

(ဈ) တောင်ကွင်းစလန်တက္ကသိုလ် (University of Southern Queensland) အဓိကသုတေသနများ (Major Research Areas) မှာ အစားအစာလုံခြုံမှုနှင့် အရည် အသွေး ဆက်စပ်မှု  (Food Safety and Quality Assurance)၊ စိုက်ပျိုးမွေးမြူရေး နည်းပညာနှင့်အစား အစာထုတ်လုပ်မှု  (Agricultural Biotechnology and Food Production Systems)၊ အာဟာရဓာတ်နှင့်ပြည်သူ့ ကျန်းမာရေး (Nutrition and Public Health Initiatives) စသည့် သုတေသနများ ဆောင်ရွက်နေပါသည်။

(ည) ကာတင်တက္ကသိုလ် (Curtin University) အဓိကသုတေသနများ (Major Research Areas) မှာ အစားအစာကြာရှည်ခံရန် ထိန်းသိမ်းနည်းစနစ်များ (Food Preservation Techniques)၊ အစားအစာ၏ အာဟာရဓာတ်တန်ဖိုးတက်စေခြင်း (Food Dietary Improvement) စသည့် သုတေသနများ ဆောင်ရွက်နေပါသည်။

ကျွန်တော်တို့နိုင်ငံလူဦးရေ၏ တစ်ဝက်ကျော်ကျော် လူဦးရေ ၂၈ သန်းနီးပါးသာရှိသော ဩစတြေးလျနိုင်ငံတွင် စိုက်ပျိုးမွေးမြူရေးပညာ သင် ကြားပေးနေသော တက္ကသိုလ်၊ အဆင့်မြင့် ပညာပေါင်း ၃၄ ကျောင်းရှိနေပါသည်။ ထိုအထဲမှ တက္ကသိုလ် ၁၀ ကျောင်းက မိမိတာဝန် အလိုက်ခွဲဝေယူ၍ အစားအစာသိပ္ပံနှင့်နည်းပညာ ပြည်တွင်း/ပြည်ပ ဘွဲ့ကြို/ ဘွဲ့လွန်သင်တန်း များ သင်ကြား/သုတေသနပြုတိုးတက်လျက်ရှိနေပါကြောင်း အတုယူ၊ အားကျ နိုင်ရန် ရေးသား တင်ပြလိုက်ရပါသည်။ (ဆက်ပါဦးမည်)                                                                           

 ဒေါက်တာမျိုးကြွယ်