ပထမဆုံး ဒူးရင်းတင်ပို့သည့် စက်ရုံ ကမ္ဘောဒီးယားဖွင့်လှစ်

နိုင်ငံတကာဈေးကွက်တင်ပို့ရန်အတွက် ကမ္ဘောဒီးယားသည် ၎င်း၏ ပထမဆုံးသော ဒူးရင်းထုပ်ပိုးသည့် စက်ရုံကို Tbong Khmum ခရိုင်၊ Sralob Commune ချန်တုံးရွာတွင် ဖွင့်လှစ်ခဲ့သည်။ HF FRUIT လီမီတက်သည် ကမ္ဘောဒီးယားဒူးရင်းသီးများအတွက် တရုတ်ဈေးကွက်ကို အဓိက အားထားပြီး အဆိုပါစက်ရုံကို တည်ထောင်ခဲ့သည်။

ရင်းနှီးမြှုပ်နှံမှုကို ခရိုင်အစိုးရမှ ပံ့ပိုးကူညီလျက်ရှိပြီး Tbong Khmum ပြည်နယ်စိုက်ပျိုးရေးဦးစီးဌာန ညွှန်ကြားရေးမှူး Mr.Heng Pisith က "ကမ္ဘောဒီးယားနိုင်ငံ၏ စိုက်ပျိုးရေးအခင်းအကျင်းအတွက် သမိုင်းဝင်အခိုက်အတန့်ပါပဲ" ဟု ပြောကြားခဲ့ပါသည်။ အဆိုပါ စက်ရုံသည် နိုင်ငံတကာ အရည်အသွေးစံချိန်စံညွှန်းများနှင့် ကိုက်ညီသည့် ဒူးရင်းသီးများကို အပြိုင်အဆိုင် ဈေးနှုန်းများဖြင့် ရောင်းချနိုင်စေခြင်း ဖြစ်သည်။

စက်ရုံမှ ဒူးရင်းသီးများကို အရွယ်အစား၊ အမျိုးအစား၊ အရည်အသွေးအလိုက် စျေးကွက်ပေါက်ဈေးဖြင့် ဝယ်ယူသည့် ဆုံးဖြတ်ချက်များ ချမှတ်မည်ဖြစ်သည်။ ဤနည်းလမ်းသည် တောင်သူများအတွက် လုပ်ငန်းလည်ပတ်မှုကုန်ကျစရိတ်ကို လျှော့ချရန်နှင့် ပိုမိုမြင့်မားသော ထုတ်လုပ်မှုစံနှုန်းများကို မြှင့်တင်ရန် ရည်ရွယ်ပါသည်။

ကမ္ဘောဒီးယားတွင် လက်ရှိဒူးရင်းခြံ ၅၂၈၉ ဟက်တာရှိပြီး နှစ်စဉ်အထွက်နှုန်း ၃၆,၆၅၆ တန်ရှိသည်။ Tbong Khmum ခရိုင်တွင် ဒူးရင်းစိုက်ဧက ၉၅၀ ရှိပြီး၊ ထုပ်ပိုးစက်ရုံသည် ထိုင်းနှင့် ဗီယက်နမ်တို့ထက် ပို့ကုန်အခွင့်အလမ်းများကို လွယ်ကူချောမွေ့စေရန်ဖော်ဆောင်ပေးပြီး ကမ္ဘာ့ဒူးရင်းဈေးကွက်တွင် ကမ္ဘော ဒီးယား၏ ရပ်တည်ချက်ကို မြှင့်တင်ပေးခဲ့သည်။

ဒေသခံတောင်သူများက စက်ရုံ၏ လုပ်ငန်းများကို အလားအလာရှိသော အနာဂါတ်အဖြစ် ရှုမြင်ကြသည်။ ကမ္ဘောဒီးယားဒူးရင်းသီးများ၏ အရည်အသွေးနှင့် ကမ္ဘာလုံးဆိုင်ရာ အသိအမှတ်ပြုမှုကို မြှင့်တင်ရန်အတွက် စီးပွားရေးအခွင့်အလမ်းတစ်ခုအဖြစ် ရှုမြင်ပါသည်။

ဤတိုးတက်မှုများသည်  နိုင်ငံတကာ စိုက်ပျိုးရေးဈေးကွက်တွင် ကမ္ဘောဒီးယားနိုင်ငံ၏ ရပ်တည်မှုကို အားကောင်းစေပြီး စီးပွားရေးတိုးတက်မှုနှင့် ရေရှည်တည်တံ့ခိုင်မြဲရေးတို့ကို အထောက်အကူဖြစ်စေခဲ့သည်ဖြစ်ကြောင်း သိရှိရသည်။

အေးအေးခိုင်

https://www.freshplaza.com/europe/article/9729093/cambodia-opens-first-durian-export-facility/