အခွန်နှုန်းမြင့်မားသော်လည်း အမေရိကန်၏ ခိုင်မာသော သစ်သီးဝလံဝယ်လိုအား ရှိဆဲဖြစ်ကြောင်း ဗီယက်နမ် သုံးသပ်
ဗီယက်နမ် သစ်သီးဝလံနှင့် ဟင်းသီး ဟင်းရွက်အသင်း၏အထွေထွေ အတွင်းရေးမှူး Dang Phuc Nguyen က ဗီယက်နမ်မှ အမေရိကန်သို့ တင်ပို့ကုန်စည်များအပေါ် ၄၆ ရာခိုင်နှုန်း အခွန်သတ်မှတ်ခြင်းသည် ဗီယက်နမ်သစ်သီးဝလံနှင့် ဟင်းသီးဟင်းရွက်များအပေါ် သက် ရောက်မှုမရှိနိုင်ဟု ဆိုသည်။ အမေရိကန်အနေဖြင့် သစ်သီးဝလံနှင့် ဟင်းသီး ဟင်းရွက်များတင်သွင်းသူအဖြစ် ဆက်လက် တည်ရှိနေဦးမည်ဟု ဆိုသည်။
၂၀၂၄ ခုနှစ်တွင် ဗီယက်နမ်သည် အမေရိကန်သို့ အမေရိကန် ဒေါ်လာ ၃၆၀ သန်းရှိသော သစ်သီးဝလံနှင့် ဟင်းသီးဟင်းရွက်များကို တင်ပို့ခဲ့ပြီး အမေရိကန်မှ ကုန်ပစ္စည်းတင်သွင်းမှု အမေရိကန်ဒေါ်လာ ၅၄၀ သန်းရှိခဲ့သည်။ ၂၀၂၅ ခုနှစ် ပထမသုံးလအတွင်း ဗီယက်နမ်၏အမေရိကန်မှတင်သွင်းမှုတန်ဖိုးမှာ အမေရိကန်ဒေါ်လာ ၁၆၀ သန်းဖြစ်သည်။
"ဗီယက်နမ် လယ်ယာထုတ်ကုန်များသည် ဂုဏ်သတင်းနှင့် အရည်အ သွေး ပိုမိုမြင့်မားလာမှုကြောင့် အမေရိကန် စားသုံးသူများ၏ ကြိုက်နှစ် သက်မှု တိုးမြင့်လာကြောင်း" ယခုနှစ်နှင့် လာမည့်နှစ်များ၏ အမေရိကန်ဈေးကွက် အလားအလာများအပေါ် ညွှန်းဆိုပြောကြားသည်။ သို့သော် E.U, USA, South Korea ကဲ့သို့သော ပြုပြင်ပြီးအစားအစာ ဝယ်လိုအားမြင့်မားပြီး သတ်မှတ်စံနှုန်းမြင့်မားသည့် ဈေးကွက်များတွင် ယှဉ်ပြိုင်ရောင်းချရန်အတွက် ဗီယက်နမ်အနေဖြင့် ပြုပြင်ထုတ် လုပ်မှုဆိူင်ရာ လိုအပ်ချက်များကြောင့် အကန့်အသတ်များ ရှိနေဆဲဖြစ် ကြောင်း Nguyen က ပြောသည်။
ကျွမ်းကျင်သူများက ယခုနှစ် ဗီယက်နမ်၏ ဟင်းသီး ဟင်းရွက်နှင့် သစ်သီးဝလံ တင်ပို့မည့် လျာထားတန်ဖိုး အမေရိကန်ဒေါ်လာ ၈ ဘီလီယံအပေါ် အကောင်းဖက်မှ မျှော်လင့်နေဆဲဖြစ်သည်။ လျာထားချက်ပြည့် မီရန်မှာ အရည်အသွေးစံနှုန်း တိုးမြှင့်ရန်နှင့် အပြည်ပြည်ဆိုင်ရာ သတ်မှတ် ဥပဒေ၊ စည်းမျဉ်းများနှင့် ကိုက်ညီရန်တို့အပေါ် တည်မီလျက်ရှိသည်။
ယခုနှစ် ပထမလေးလပတ်အတွင်း အဓိကဝယ်လက်ဖြစ်သည့် တရုတ်နိုင်ငံက ဗီယက်နမ်မှ ဟင်းဟီးဟင်းရွက်နှင့် သစ်သီးဝလံများကို အမေရိကန်ဒေါ်လာ ၅၂၁ သန်းဖိုး တင်သွင်းခဲ့သော်လည်း ယခင်နှစ်နှင့် နှိုင်းယှဉ်ပါက ၂၇ ရာခိုင်နှုန်း လျော့နည်းခဲ့သည်။ ယင်းလျော့နည်းမှုသည် ဒူးရင်းသီးအတွက် သတ်မှတ်ချက်အသစ်များအပါအဝင် တရုတ်နိုင်ငံ၏ တင်းကြပ်သော ပိုးမွှားရောဂါထိန်းချုပ်ရေးစည်းမျဉ်းများ ကြောင့်ဖြစ်သည်ဟုဆိုသည်။တစ်ဆက်တည်းမှာပင် တင်ပို့မှုဆိုင် ရာ လုပ်ငန်းစဉ်များ အဆင်မပြေမှုများနှင့် သယ်ယူပို့ဆောင်စရိတ် မြင့်တက်ခဲ့မှုများကလည်း တင်ပို့မှုကို ကြန့်ကြာစေခဲ့ကြောင်း သိရှိရသည်။
TTP
FreshPlaza.com(VNExpress)