ဓာတ်မြေသြဇာ မှတ်ပုံတင်ပေါင်း ၇,၀၀၀ ကျော်ကို စိစစ်ဆောင်ရွက်ပေးလျက်ရှိ

စိုက်ပျိုးရေး၊ မွေးမြူရေးနှင့် ဆည် မြောင်းဝန်ကြီးဌာနသည် မြေဩဇာကော်မတီ၏ ခွင့်ပြုချက်ဖြင့် ဓာတ်မြေသြဇာမှတ်ပုံတင်ထုတ်ပေးရန် လျှောက်ထားမှုအား စိစစ်လျက်ရှိပြီး လက်ရှိတွင်မှတ်ပုံတင် ၇,၁၁၆စောင် ကိုစိစစ်ဆောင်ရွက်ပေးလျက်ရှိပါသည်။  

မြေသြဇာကော်မတီ၏ ၄၃ ကြိမ်မြောက် အစည်းအဝေးကို ဒီဇင်ဘာ ၂ ရက်နေ့တွင် ဝန်ကြီးဌာန အစည်း အဝေးခန်းမ၌ ပြုလုပ်ခဲ့ပြီး စိုက်ပျိုး ရေး၊ မွေးမြူရေးနှင့် ဆည်မြောင်းဝန်ကြီးဌာနဒုတိယဝန်ကြီး ဒေါက်တာ တင်ထွဋ်၊ ကော်မတီဝင်များနှင့် ပညာရှင်များ တက်ရောက်ကြသည်။ ဆွေးနွေး ပွဲတွင် ဓာတ်မြေသြဇာ မှတ်ပုံတင်ခြင်း၊ တင်သွင်းဖြန့်ဖြူးခွင့် ဆောင်ရွက်ပေးခြင်းတို့ကို အဓိကထား ဆွေးနွေးဆောင်ရွက်ခဲ့သည်။

မြေသြဇာဥပဒေ၊ နည်း ဥပဒေများ၊ လုပ်ထုံးလုပ်နည်းများနှင့်အညီ မြေသြဇာများ အရည် အသွေးပြည့်မီစွာ ထုတ်လုပ်နိုင်စေရေးနှင့် တင်သွင်းခွင့်ပြုနိုင်စေရေးတို့ကို အလေးထားဆောင်ရွက်သွားကြရန်မြေဩဇာကော်မတီဥက္ကဋ္ဌ ဒုတိယဝန်ကြီးက ပြောကြားသည်။ စိုက်ပျိုးသူများအား စိုက်ပျိုးရာသီအချိန်မီ ဓာတ်မြေသြဇာများ အဆင် ပြေချောမွေ့စွာ ရရှိစေရန်၊ မှန်ကန်သော စျေးနှုန်း၊ ထိရောက်မှုရှိသော မြေဩဇာအရည်အသွေးကို သေချာစေရန် အကြံပြုချက်များကိုလည်း ၎င်းက ကြိုဆိုခဲ့သည်။  

ထို့နောက် ကော်မတီအတွင်းရေး မှူးက မှတ်ပုံတင်ခြင်းဆိုင်ရာ ကိစ္စရပ်များကိုဆွေးနွေးကြပြီး ကော်မတီ ဝင်များကပြန်လည်သုံးသပ်ကြသည်။ အစည်းအဝေးတွင် လျှောက် လွှာ ၃၀၀ ကို အကဲဖြတ်ခဲ့ပြီး၊ (၄၂) ကြိမ်မြောက် အစည်းအဝေးအထိ စာရင်းသွင်းမှု စုစုပေါင်း ၁၁,၉၉၆ ခုကို ခွင့်ပြုထားပြီးဖြစ်ပါသည်။ တရား ဝင်သက်တမ်းကုန်ဆုံးရန်အတွက် တစ်ဦးချင်း၏ သဘောတူ ဆန္ဒအရ ရုပ်သိမ်းခြင်း၊ ဆန္ဒအလျောက် ပယ် ဖျက်ခြင်းများလည်းရှိခဲ့သော ကြောင့် မှတ်ပုံတင် ထားသူ ၇,၁၁၆ ဦးသာ ရှိသေးကြောင်းသိရှိရသည်။

အေးအေးခိုင်

https://www.gnlm.com.mm/over-7000-fertilizer-registrations-actively-processed/