မန္တလေးဈေးကွက်
ဆန်
ရန်ကုန်ပေါ်ဆန်းမှာ အသစ်ဝင်ချိန်နီး၍ လှောင်သမားထုတ်ရောင်းမှုရှိခြင်း၊ မြို့တွင်းသုံးဝယ်ယူမှုသာရှိခြင်း၊ နယ်ဝေးတင်ပို့ရမှုနည်းခြင်းတို့ကြောင့် တစ်အိတ် ၁၃၅၀၀၀ကျပ်မှ ၁၃၀၀၀၀ကျပ်သို့ ဈေးနိမ့်သွားပြီး ရွှေဘိုပေါ်ဆန်းမှာ အသစ်မဝင်သေးခြင်း၊ လက်ကျန်နည်းခြင်းကြောင့် မြို့ တွင်းစားသုံးရန် ဝယ်ယူမှုနည်းသော်လည်း တစ်အိတ် ၁၅၅၀၀၀ကျပ်ဖြင့် ဈေးတည်ငြိမ်နေသည်။ မနောသုခဆန်မှာ အသစ်ဝင်ချိန်နီးသော်လည်း လူလတ်တန်းစား အများသုံးဆန်ဖြစ်ခြင်းကြောင့် တစ်အိတ် ၈၅၀၀၀၀ ဖြင့် ဈေးတည်ငြိမ်နေသည်။ ဇီယာနှင့် ငစိန်မှာ ရန်ကုန်ဈေးကွက်မှ တစ်ဆင့်ဝင်ရောက်သော ဆန်ဖြစ်ခြင်း၊ ငစိန်ဆန်မှာ လုပ်ငန်းသုံးဝယ်ယူမှုနည်းခြင်းကြောင့် တစ်အိတ် ၇၈၀၀၀ကျပ်မှ ၇၅၀၀၀ကျပ်သို့ ဈေးနိမ့်သွားပြီး ဇီယာဆန်မှာ ပြည်ပပို့ရန် အဝယ်ရှိခြင်း ကြောင့် ယခင်အပတ် ၈၀၀၀၀ကျပ်မှ ၈၈၀၀၀ကျပ်သို့ ဈေးမြင့်သွားသည်။ ဧရာမင်းဆန်မှာ အသစ်ဝင်ချိန်နီးခြင်း၊ လှောင်သမားထုတ်ရောင်းမှုရှိခြင်း၊ မြို့တွင်းစားသုံးရန် ဝယ်ယူမှုပုံမှန်ရှိခြင်းကြောင့် တစ်အိတ် ၁၄၀၀၀၀ကျပ်ဖြင့် ဈေးတည်ငြိမ်နေသည်။
ဆီထွက်သီးနှံ
မြေပဲ (လုံးဆန်)မှာ မိုးမြေပဲ အဝင်နည်းသွားခြင်း၊ ဆောင်းမြေပဲစိုက်ပျိုးထားဆဲဖြစ်ခြင်း၊ အထွက်နည်း အဝင်နည်းခဲ့ခြင်းကြောင့် မြေပဲ(လုံးဆန်) ၁၀၀ ပိဿာ အရည်အသွေးအကောင်းဆုံး ၈၆၀၀၀၀ ကျပ်မှ ၈၈၀၀၀၀ ကျပ်သို့ ဈေးမြင့်သွားပြီး မြေပဲ (ဆီဆန်)မှာလည်း ဆီစက်သမားအဝယ်ပုံမှန်ရှိခြင်းကြောင့် ၈၃၀၀၀၀ကျပ်မှ ၈၅၅၀၀၀ကျပ်သို့ ဈေးမြင့်သွားသည်။
နှမ်းဖြူမှာ လုပ်ငန်းသမားနှင့် တရုတ်ဝယ်လက်အနည်းငယ်ရှိသော်လည်း ဆောင်းနှမ်းစတင်ဝင်ချိန်ဖြစ်ခြင်းကြောင့် နှမ်းဖြူ ၄၅ ပိဿာ အရည်အသွေးအကောင်းဆုံး ၃၈၅၀၀၀ ကျပ်ဖြင့် ဈေးတည်ငြိမ်နေသည်။ နှမ်းညိုမှာလည်း ဆီစက်သမားအဝယ်ပုံမှန်ရှိခြင်း၊ အသစ်အဝင် နည်းသေးခြင်းကြောင့် ၄၅ပိဿာ ၃၁၅၀၀၀ ကျပ်မှ ၃၂၅၀၀၀ ကျပ်သို့ ဈေးမြင့်သွားသည်။ နှမ်းနက် (စမုံ)မှာ အသစ်အဝင်နည်းသေးခြင်း၊ တရုတ်ဝယ်လက်နှင့် နယ်ဝေးအဝယ်ရှိခြင်းကြောင့် ၄၅ပိဿာ ၆၄၀၀၀၀ကျပ်မှ ၆၇၀၀၀၀ကျပ်သို့ ဈေးမြင့်သွားသည်။ နှမ်းနီ ၃၂၀၀၀၀ကျပ်၊ နှမ်းဝါ ၃၄၀၀၀၀ ကျပ်ဖြင့် ရောင်းဝယ်မှု အနည်းငယ်ရှိသည်။
ပန်းနှမ်းနှင့် နေကြာမှာလည်း ပန်းနှမ်းမှာ အသစ်မဝင်သေးခြင်း၊ ပစ္စည်းရှားခြင်း၊ ဆီစက် သမားအဝယ်ရှိခြင်းကြောင့် ၄၅ပိဿာ ၂၃၅၀၀၀ကျပ်ဖြင့် ရောင်းဝယ်မှုရှိသည်။ နေကြာဈေးနှုန်း အနေဖြင့် မိုးနေကြာ အဝင်နည်းခြင်း၊ ဆောင်းနေကြာမဝင်သေးခြင်းကြောင့် အရောင်းအဝယ်အေးသော် လည်း ဆီစက်သမားအဝယ်ရှိခြင်းကြောင့် ယခင်အပတ် ၂၀၀၀၀၀ ကျပ်မှ ၂၃၀၀၀၀ကျပ်သို့ ဈေးမြင့်သွားသည်။ ဆီဈေးနှုန်းအနေဖြင့် မြေပဲ (ဆီဆန်) ဈေးမြင့်သွားသဖြင့် ပဲဆီ ၁၅၅၀၀ကျပ်သို့ ဈေးမသိမသာ မြင့်သွားပြီး နှမ်းဆီ ၁၄၅၀၀ကျပ်၊ ပဲပုတ်ဆီ ၁၂၀၀၀ကျပ်၊ ပန်းနှမ်းဆီ ၁၄၀၀၀ကျပ်ဖြင့် ဈေးတည်ငြိမ် နေသည်။
စားဖိုဆောင်သီးနှံ
ငရုတ်ခြောက် (ရှည်) မှာ အထွက်နည်း အဝင်နည်းသဖြင့် ထွက်ရှိရာဒေသ အရည်အသွေးပေါ်မူတည်၍ အနိမ့်ဆုံး ၁၆၀၀၀ ကျပ်မှ ၁၈၀၀၀ကျပ် ဈေးဖြင့် ရောင်းဝယ်နေပြီး ငရုတ်ခြောက်(လတ်) မှာလည်း အရည်အသွေးပေါ်မူတည်၍ ၉၀၀၀ကျပ်မှ ၁၅၀၀၀ကျပ်ထိ ဈေးမြင့်သွားပြီး ငရုတ်ခြောက် (ပွ)မှာ သဘာဝသီး တစ်ပိဿာ ၂၀၀၀၀ကျပ်မှ Air.con ဖြင့်ထားသော အသီး တစ်ပိဿာ ၃၀၀၀၀ကျပ်ထိ ဈေးမြင့်နေသည်။
ကြက်သွန်နီ နယ်စုံ အသစ်နှင့် အဟောင်းနှစ်မျိုးလုံး တွေ့ရပြီး အဝင်များလာခြင်းကြောင့် အဟောင်း(ကြီး) တစ်ပိဿာ ၄၀၀၀ကျပ်မှ ၃၅၀၀ ကျပ် (လတ်) တစ်ပိဿာ ၃၅၀၀ကျပ်မှ ၃၃၀၀ကျပ်၊ သေးတစ်ပိဿာ ၃၀၀၀ ကျပ်မှ ၂၅၀၀ကျပ်သို့ ဈေးနိမ့်သွားသည်။ မြင်းခြံ၊ နွားထိုး၊ မြစ်သား နယ်စုံ အသစ်(ကြီး) တစ်ပိဿာ ၃၇၀၀ကျပ်၊ လတ် တစ်ပိဿာ ၃၀၀၀ကျပ်၊ သေးတစ်ပိဿာ ၂၅၀၀ကျပ်ဖြင့် မြို့တွင်းသုံး ဝယ်ယူမှုသာရှိပြီး နယ်ဝေးတင်ပို့ရမှုနည်းနေသည်။
ကြက်သွန်ဖြူ(တရုတ်)မှာ လမ်းပမ်းဆက်သွယ်ရေးကြောင့် အဝင်နည်းသော်လည်း လက်ကျန်အရည်အသွေးညံ့ခြင်းကြောင့် တစ်ပိဿာ ၂၅၀၀၀ ကျပ် မှ ၂၃၀၀၀ ကျပ်သို့ ဈေးနိမ့်သွားပြီး (ရှမ်းဖြူ)မှာလည်း အဝင်များပြီး ကြက်သွန်ဖြူ(တရုတ်) ဈေးနိမ့်သဖြင့် တစ်ပိဿာ ၁၀၀၀၀ ကျပ်မှ ၁၄၀၀၀ ကျပ်ထိ အရည်အသွေးပေါ်မူတည်ရောင်းချသည်။
တရုတ်အာလူး အဝင်မရှိဘဲ အောင်ပန်းအာလူးများသာ ဝင်ရောက်မှုရှိပြီး အိုကေ တစ်ပိဿာ ၇၀၀၀ကျပ်၊ အေဝမ်းတစ်ပိဿာ ၆၅၀၀ကျပ်ဖြင့် ရောင်းဝယ်မှုရှိသည်။
ပဲမျိုးစုံ
မတ်ပဲ စစ်ကိုင်းဘက်မှ အသစ်ဝင်ရောက်မှုရှိသဖြင့် အသစ်၃တင်းတစ်အိတ် ၂၇၅၀၀၀ကျပ်၊ အဟောင်းမှာလည်း ပဲခွဲစက်နှင့် နယ်ဝေးပို့ရန် ဝယ်ယူမှုရှိသဖြင့် ၃၂၀၀၀၀ကျပ်မှ ၃၃၀၀၀၀ကျပ်သို့ ဈေးမြင့်သွားသည်။
ပဲတီစိမ်း(အညာ)မှာ မိုးပဲအဝင်နည်းသွားခြင်း၊ ဆောင်းပဲဝင်ချိန်နီးသော်လည်း အဝင်နည်းသေးခြင်း၊ ပဲခွဲစက်နှင့် နယ်ဝေးပို့ရန် ဝယ်လက်ရှိခြင်းတို့ကြောင့် ထွက်ရှိရာ ဒေသအလိုက် ၃တင်းတစ်အိတ် ၂၇၀၀၀၀ ကျပ်မှ ၃၀၀၀၀၀၀ ကျပ်ထိ ဈေးအမျိုးမျိုးဖြင့် ရောင်းဝယ်နေသည်။
ပဲပုတ် (ရှမ်း/မြန်မာ) တို့မှာ မိုးပဲအဝင်နည်းခြင်း၊ ဆောင်းပဲမဝင်သေးခြင်း၊ လုပ်ငန်းသမား အဝယ်ပုံမှန်ရှိခြင်းကြောင့် ပဲပုတ်(မြန်မာ) တစ်အိတ် ၄၈၀၀၀၀ ကျပ်ဖြင့် ဈေးတည်ငြိမ်နေပြီး ပဲပုတ် (ရှမ်း)မှာလည်း ပစ္စည်းရှားခြင်းကြောင့် ဆီစက်သမားအဝယ်နည်းသော်လည်း တစ်အိတ် ၃၉၀၀၀၀ ကျပ်ဖြင့် ဈေးတည်ငြမ်နေသည်။
ကုလားပဲ(လုံးဖြူကြီး/ လုံးဝါကြီး)တို့မှာ အသစ်မဝင်သေးခြင်း၊ လက်ကျန်နည်းခြင်း၊ လုပ်ငန်းသမား အဝယ်ပုံမှန်ရှိခြင်းကြောင့် ၃တင်းတစ်အိတ် ၂၉၃၀၀၀ကျပ်မှ ၃၀၃၀၀၀ကျပ်သို့ ဈေးမြင့်သွား သည်။ ကုလားပဲ (လုံးဝါကြီး)မှာလည်း ပဲခွဲစက်များ အဝယ်ပုံမှန်ရှိခြင်းကြောင့် ၂၈၂၀၀၀ကျပ်မှ ၂၈၅၀၀၀ ကျပ်သို့ ဈေးမြင့်သွားသည်။ ခွဲခြမ်းမှာမူ ပဲစိုနှင့် ဟင်းသီး/ရွက်ပေါချိန်ဖြစ်၍ အရောင်းအဝယ် အေးခြင်းကြောင့် တစ်ပိဿာ ၇၀၀၀ကျပ်ဖြင့် ဈေးငြိမ်နေသည်။
ပဲယင်း၊ မြေထောက်ပဲ၊ စားတော်ပဲ (ကျွန်း)တို့မှာ အသစ်မဝင်သေးသော်လည်း လုပ်ငန်းသမား၊ လက်လီသမားအဝယ်နည်းခြင်းကြောင့် ပစ္စည်းရှားသော်လဲ ပဲယင်းကြီး ၃တင်းတစ်အိတ် ၂၅၀၀၀၀ ကျပ်၊ မြေထောက်ပဲ တစ်အိတ် ၃၅၀၀၀၀ကျပ်၊ စားတော်ပဲ(ကျွန်း) ၄၇၀၀၀၀ကျပ်ဖြင့် ဈေးတည်ငြိမ် နေသည်။
အဝင်ပုံမှန်၊ လုပ်ငန်းသမား၊ လက်လီသမား အဝယ်ပုံမှန်ရှိခြင်းကြောင့် ပဲကြီး (ကြီး) ၃တင်းတစ်အိတ် ၃၀၀၀၀၀ကျပ်၊ ပဲကြီး (သေး) ၂၅၀၀၀၀ ကျပ် ထော ပတ်ပဲ(ကြီး) ၃၉၀၀၀၀ကျပ်၊ ထောပတ်ပဲ (သေး) ၃၀၀၀၀၀ကျပ်ဖြင့် ဈေးတည်ငြိမ်နေသည်။
ဟင်းသီး/ရွက်နှင့် သစ်သီးဝလံ
ခရမ်းချဉ်(ရှမ်းတောင်)မှာ ၂၀ပိဿာ တစ်သေတ္တာ ၈၀၀၀၀မှ ၁၀၀၀၀၀ ကျပ်ဈေးရှိပြီး ခရမ်းချဉ်(ဗမာ) မှာ တစ်ပိဿာ ၅၀၀၀ကျပ်မှ ၆၀၀၀ကျပ်ဈေးဖြင့် မြို့တွင်း စားသုံးမှုသာရှိသည်။ ငရုတ်စို(ရှည်)ဈေးနှုန်းမှာ သာစည်ဘက်မှ ရာသီကုန်ပြီး မုံရွာ၊ ချောင်းဦးမှ စတင် ဝင်ရောက်လာခြင်းကြောင့် တစ်ပိဿာ ၄၅၀၀ကျပ်သို့ ဈေးမသိမသာနိမ့်သွားပြီး ငရုတ်စို (လတ်)မှာ မုံရွာ ချောင်းဦး၊ ငါန်းဇွန်မှ စတင်ဝင်ရောက်မှုသာရှိသဖြင့် တစ်ပိဿာ ၁၀၀၀၀ ကျပ်ဖြင့် ငါးပိထောင်း၊ လက်ဖက်၊ ဗေဒါရွှေကြာ လက္ဘက်နှင့် ပြင်ဦးလွင်မှ ဝယ်ယူမှုများသည်။ ဆောင်းဝင်စဖြစ်၍ ဘိုစားပဲ တစ်ပိဿာ ၃၅၀၀ ကျပ်၊ မုံလာဥ ၅ခုတွဲ ၄၀တွဲပါတစ်အိတ် ၁၅၀၀၀ကျပ်၊ ပန်းမုံလာတစ်ပွင့် ၁၀၀၀မှ ၁၅၀၀ကျပ်၊ ကျောက်ဆည်မှ ခရမ်းသီး (လုံးကြီး) တစ်ပိဿာ ၁၂၀၀ ကျပ်၊ တံတားဦးနှင့် မန္တလေးဝန်းကျင်မှ ၁၁၀ ပါအိတ်များဖြင့် ပြောင့်ဖူးတစ်အိတ် ၉၀၀၀၀ကျပ်ဖြင့် ရောင်းဝယ်နေသည်။
ဆောင်းဦးပေါက်ဖြစ်၍ ဖရဲသီး/ သခွားမွှေး အထွက်နည်း၊ အဝင်နည်းသွားပြီး သင်္ဘောသီး တစ်လုံး ၃၀၀၀ကျပ်၊ စပျစ်သီး (တရုတ်) ၄ပိဿာ တစ်ခြင်း ၆၅၀၀၀ကျပ်၊ ထောပတ်သီး ၁၂၀လုံးပါ တစ်အိတ် ၃၅၀၀၀ကျပ်၊ ပျားလိမ္မော် ၁၁ပိဿာတစ်ခြင်း ၁၃၀၀၀၀ကျပ်၊ လိမ္မော်သီး ၁၀၀ပိဿာ ၃၀၀၀၀၀ကျပ်မှ ၅၀၀၀၀၀ကျပ်ဖြင့် အောင်လံ၊ မုံရွာစသော အမှာရှိသော မြို့များသို့ တင်ပို့သည်။
ဂျုံနှင့် အစေ့ထုတ်ပြောင်း
ဂျုံအသစ် မဝင်သေးခြင်း၊ လက်ကျန်နည်း ပစ္စည်းရှားခြင်းကြောင့် ငါန်ဇွန်၊ မြင်းမူ၊ မြောင်၊ ဆားတောင်၊ ဘုတလင်၊ မုံရွာ ဂျုံများ အရည်အသွေးပေါ်မူတည်၍ ၂၁၀၀၀၀ကျပ်မှ ၂၂၀၀၀၀ကျပ်၊ ရှမ်းဂျုံ ၁၉၅၀၀၀ကျပ်၊ အထွက်တိုးဂျုံ ၁၉၅၀၀၀ကျပ်၊ ပန်းဆိုင်ကြူကုတ်ဂျုံ ၁၈၀၀၀၀ကျပ်၊ ဩစတေးလျ ဂျုံမှုန့် ၁ပိဿာ ၃၇၀၀ကျပ်ဖြင့် ဂျုံစက်များ လုပ်ငန်းသမားများ ဝယ်ယူမှု ပုံမှန်ရှိနေသည်။
အစေ့ထုတ်ပြောင်းဈေးနှုန်းအနေဖြင့် မိုးပြောင်းမှာ ထွက်ရှိရာဒေသသို့ တိုက်ရိုက်ဆင်း ဝယ်ယူမှုရှိခြင်းကြောင့် ဈေးကွက်အတွင်း အဝင်နည်းခြင်း၊ ဆောင်းပြောင်းမဝင်သေးခြင်း၊ အစာစပ် သမားဝယ်ယူမှုပုံမှန်ရှိခြင်းကြောင့် ယခင်ပတ် ၃တင်း တစ်အိတ် ၈၄၀၀၀ ကျပ်မှ ၈၉၀၀၀ ကျပ်သို့ ဈေးမြင့်သွားသည်။
ခင်မေကြည်