ကုန်သွယ်မှုဆိုင်ရာကုထုံးများသည် ပြည်တွင်း သကြားလုပ်ငန်းကဏ္ဍကို အကာအကွယ်ဖြစ်စေ
ပြည်တွင်း သကြားလုပ်ငန်း၏ တရားဝင်အကျိုးစီးပွားကိုကာကွယ်ရန် ကုန်သွယ်မှုကုထုံး များကို ထိရောက်စွာ အသုံးပြုခဲ့ကြောင်း ဗီယက်နမ်ကြံနှင့်သကြားအသင်း (VSSA) ဥက္ကဋ္ဌ ငုယင်ဗန်လာ့ခ် က Vietnam Economic News သို့ပြောကြားခဲ့သည်။
မကြာသေးမီကာလအတွင်းက သကြားဈေးများ ဆက်တိုက်မြင့်တက်ခြင်းရှိခဲ့ပြီး ယခုနှစ် ကုန်အထိ ခန့်မှန်းအပြောင်းအလဲများကို မေးမြန်းချက်အပေါ် ဗီယက်နမ်ကြံနှင့်သကြားအသင်း ဥက္ကဋ္ဌက မကြာသေးမီကာလအတွင်း ကမ္ဘာတစ်ဝှမ်းတွင် သကြားစျေးနှုန်းများ မြင့်မားလာခြင်း သည် သာမန်ကိစ္စတစ်ခုဖြစ်ပြီး ဗီယက်နမ်သည် ခြွင်းချက်မဟုတ်ကြောင်း၊ VSSA ၏ အဆိုအရ ပြည် တွင်းသကြားဈေးသည် အိမ်နီးချင်းနိုင်ငံများနှင့် နှိုင်းယှဉ်ပါက နှစ်ဆမမြင့်ပါကြောင်း၊ ဗီယက်နမ်နိုင် ငံစက်မှုနှင့်ကုန်သွယ်ရေးဝန်ကြီးဌာနက သကြားတင်သွင်းခွင့်ခွဲတမ်း တန်ချိန် ၁၀၇,၀၀၀ ကို ယခုနှစ် ကုန်အထိ ထပ်မံတင်သွင်းခွင့်ပြုမည်ဖြစ်ကြောင်း၊ ၎င်းသည် ဗီယက်နမ်ရှိ အစားအသောက်ပြုပြင်ရေး လုပ်ငန်းများအတွက် သကြားထောက်ပံ့မှု သိသိသာသာ တိုးလာမည်ဖြစ်ကြောင်း ပြောကြားခဲ့သည်။
ကြံဈေးသည် ၂၀၂၂-၂၀၂၃ တွင် ဆက်တိုက်မြင့်တက်ခဲ့ပြီး ယခုအခါ ဒေသတွင်းနိုင်ငံများ၏ ဈေးနှုန်းများနှင့်တူညီပြီး တစ်တန်လျှင် ဗီယက်နမ်ဒေါင် ၁ ဒသမ ၁ မှ ၁ ဒသမ ၃ သန်းအထိ ရောက်ရှိခဲ့သည်။ အဆိုပါစျေးနှုန်းများသည် တောင်သူလယ်သမားများအား အမြတ်အစွန်းဖြစ်ထွန်းစေပြီး စိုက်ပျိုး ဧရိယာ ချဲ့ထွင်လာစေရန် အာမခံကြောင်း၊ ဗီယက်နမ် သကြားလုပ်ငန်းသည် ၂၀၂၁ ခုနှစ်ကတည်း က နိုင်ငံတော်မှ ကျင့်သုံးခဲ့သော ကုန်သွယ်မှုဆိုင်ရာ ကုထုံးများကြောင့် သိသိသာသာပြန်လည် ကောင်းမွန်လာခဲ့ကြောင်း ဖော်ပြထားပါသည်။
VSSA သည် တောင်သူလယ်သမားများအတွက် ကြံဈေးများ ထပ်မံတိုးမြှင့်ရန် သကြားလုပ် ငန်းများကို တောင်းဆိုထားကြောင်း၊ အချို့ကုမ္ပဏီများအနေဖြင့် ၂၀၂၃-၂၀၂၄ အတွက် ကြံစျေးနှုန်း များကို ၂၀၂၂-၂၀၂၃ နှင့် နှိုင်းယှဉ်ပါက လယ်သမားများအတွက် တူညီသော သို့မဟုတ် ဈေးကောင်း ရပြီး အမြတ်အစွန်းရနိုင်စေရန် အာမခံကြောင်းသိရှိရပါသည်။
ပြည်တွင်းသကြားလုပ်ငန်းကို ကာကွယ်ရန် စက်မှုနှင့်ကုန်သွယ်မှုဝန်ကြီးဌာနမှ ကျင့်သုံးသည့် ကုန်သွယ်မှု ကုထုံးနှင့်ပတ်သက်၍ ထင်မြင်ချက်အပေါ် မေးမြန်းရာ စက်မှုနှင့် ကုန်သွယ်မှုဝန်ကြီး ဌာနမှ ကျင့်သုံးသည့် ကုန်သွယ်မှုကုထုံးများ၏ ကောင်းမွန်သော အကျိုးသက် ရောက်မှုများကို VSSA မှ အထူးတန်ဖိုးထားပါကြောင်း၊ ပြည်တွင်းသကြားလုပ်ငန်းသည် သကြားနှင့် ကြံဈေးနှုန်းများ မြင့် တက်မှုနှင့် စိုက်ပျိုးဧရိယာ တိုးချဲ့ခြင်း အပါအဝင် ပြန်လည်ကောင်းမွန်လာမှု လက္ခဏာများ ပြသနိုင် ခဲ့ပါကြောင်း ပြောကြားခဲ့သည်။
ထို့ပြင်သကြားတင်သွင်းခွန်ခွဲတမ်းကိုလည်း ထိထိရောက်ရောက် အသုံးပြုခဲ့ကြောင်း၊ သို့ သော်လည်း ထိုင်းနိုင်ငံမှ သကြားအများစုအား မှောင်ခိုတင်သွင်းမှုသည် ပြဿနာရှိနေဆဲဖြစ်သော် လည်း ထိုင်းနိုင်ငံတွင် သကြားဈေးမြင့်နေသောကြောင့် ဗီယက်နမ်သကြားအပေါ် ကြီးကြီးမားမား သက်ရောက်မှုမရှိကြောင်း၊ မှောင်ခိုသကြားများကို တိုက်ဖျက်ခြင်းသည် ပြည်တွင်း သကြားလုပ်ငန်း ကို ရေရှည်ကာကွယ်ရန်အတွက် အရေးကြီးပါကြောင်း ဖော်ပြထားသည်။
ပြည်တွင်းသကြားကုမ္ပဏီများအတွက် ကုန်သွယ်မှုကုထုံးများနှင့် စျေးကွက်တွင် ၎င်းတို့၏ ရရှိသည့် အကျိုးကျေးဇူးများနှင့်ပတ်သက်မေးမြန်းရာ ဗီယက်နမ်သည် အာဆီယံတွင် ကြံအဓိက ထုတ်လုပ်သည့် ၄ နိုင်ငံ အနက်မှ တစ်နိုင်ငံဖြစ်ကြောင်း၊ ဗီယက်နမ်တွင် ကြံအထွက်နှုန်းသည် ဒေသ တွင်းရှိ အခြားနိုင်ငံများနှင့်နှိုင်းယှဉ်ပါက အလွန်မြင့်မားကြောင်း၊ဗီယက်နမ်တွင် ကြံဈေးသည် မကြာ သေးမီက အဆက်မပြတ်မြင့်တက်ခဲ့ကြောင်း၊ သို့သော်လည်း ဗီယက်နမ်တွင် သကြားဈေးသည် အခြားကြံစိုက်နိုင်ငံများနှင့် နှိုင်းယှဉ်ပါက အနိမ့်ဆုံးအဆင့်တွင်ရှိနေကြောင်း သိရှိရပါသည်။
သကြားထုတ်လုပ်သည့် စက်မှုလုပ်ငန်း ပြန်လည်ဦးမော့လာစေရန် လယ်သမားများနှင့် ၎င်းတို့၏ ချိတ်ဆက်မှုများကို အားကောင်းစေရန် VSSA မှ အကြံပြုထားကြောင်း၊ တစ်ချိန်တည်းမှာ ပင် သကြားကုမ္ပဏီများအနေဖြင့် ထုတ်လုပ်မှုကိုတိုးချဲ့သင့်ပြီး ကြံသကြားထုတ်လုပ်မှုတွင် နည်း ပညာအသစ်များကို အသုံးချသင့်ကြောင်း ဖော်ပြထားသည်။
ဗီယက်နမ်နိုင်ငံ စက်မှုနှင့် ကုန်သွယ်မှုဝန်ကြီးဌာနသည် ထိုင်းနိုင်ငံမှ တင်သွင်းသော သကြားထွက်ကုန်အချို့အပေါ် Anti -Dumping Duty နှင့် Anti – Subsidy Duty အခွန်များကို ကျင့် သုံးဆောင်ရွက်လျက်ရှိသည်။ ထို့အပြင်ဝန်ကြီးဌာနသည် ကမ္ဘောဒီးယား၊ လာအို၊ မလေးရှားနှင့် မြန်မာနိုင်ငံတို့မှ တင်သွင်းသော သကြားထွက်ကုန်များအပေါ်တွင်လည်း ကုန်သွယ်မှုရှောင်လွှဲခြင်းမှ တားဆီးရေး အစီအမံများကို ချမှတ်ဆောင်ရွက်လျက်ရှိကြောင်း ဖော်ပြထားပါသည်။
အဆိုပါနိုင်ငံများမှ တင်သွင်းသူများအတွက် ကုန်ကျစရိတ်များ မြင့်တက်လာနိုင်ဖွယ်ရှိပြီး သကြားဝယ်လိုအား လျော့ကျစေကာ ဗီယက်နမ်ဈေးကွက်များတွင် ပြည်တွင်းသကြား ထုတ်လုပ် သူများအကြား ပြိုင်ဆိုင်မှုမြင့်တက်လာစေမည်ဖြစ်သည်။ သွင်းကုန်နိုင်ငံများအပေါ် စီးပွားရေးသက်ရောက်မှု သည် ၎င်းတို့၏ သကြားလုပ်ငန်း အရွယ်အစားနှင့် ဗီယက်နမ်မှ တင်သွင်းမှုအပေါ် မှီခိုနေရသည့် အတိုင်းအတာတို့အပေါ်တွင် မူတည်မည်ဖြစ်ကြောင်း သုံးသပ်တင်ပြရပါသည်။
Source : Vietnam Economic News
ဝင့်နန္ဒာကျော်ကျော်