တရုတ်သို့ အေးခဲထားသော သစ်သီးများ တင်သွင်းမှုအတွက် Quarantine ဆိုင်ရာလိုအပ်ချက်များကို ဖြေလျှော့

တရုတ်နိုင်ငံအကောက်ခွန်အထွေ ထွေအုပ်ချုပ်မှုအာဏာပိုင်အဖွဲ့အောက်ရှိ The Bureau of Import and Export Food Safety သည် ၎င်း၏ “National Food Cata-logues of Traditional Trade & Meet the Requirements of Export to China” စနစ်တွင် အေးခဲသစ်သီးများ တင်သွင်း မှုအတွက် လိုအပ်ချက်များကို ပြောင်းလဲဖြေ လျှော့ပေးခဲ့ကြောင်း၊ မကြာသေးမီက အသစ်ထပ်မံပြင် ဆင်လိုက်သည့် အချက်အလက်များအရ အေးခဲထားသော သစ်သီးထုတ်ကုန်များအတွက် quarantine access management မလိုအပ်တော့ကြောင်း သိရှိရသည်။

အေးခဲသစ်သီးဝလံများ တင်သွင်းရာတွင် Quarantine ဆိုင်ရာလိုအပ် ချက်များကို အပြည့်အဝဖြေလျှော့ပေးလိုက်သဖြင့် အေးခဲသစ်သီးများအတွက် ပုံမှန် Quarantine စစ်ဆေးမှုလုပ်ငန်းစဉ် များ မလိုအပ်တော့ဘဲ တရုတ်ဈေးကွက်သို့ ဝင်ရောက်နိုင်ပြီဖြစ်သည်။

တရုတ်နိုင်ငံ၏ သွင်းကုန်စာရင်း(import catalog)ထဲရှိ အပင်အခြေခံ အစားအစာများ၏ update စာရင်းတွင် အေးခဲထားသော သစ် သီးအမျိုးအစားမပါဝင်တော့ကြောင်း၊ ဥပမာအားဖြင့် အွန်လိုင်းမေးမြန်းမှုစနစ်တွင် “အေးခဲထားသောဒူးရင်းသီး”ကို ရှာဖွေပါက ၎င်းနှင့်သက်ဆိုင်သည့် အချက်အလက်များကို ဖော်ပြထားတော့မည်မဟုတ်ကြောင်း၊ ဆိုလိုသည်မှာ အေးခဲထားသော ဒူးရင်းသီးများကို ယခုအခါ quarantine requirement များ မလိုအပ်ဘဲ တရုတ်ဈေးကွက်သို့ တင် သွင်းနိုင်ပြီဖြစ်ပြီး အခြားအေးခဲထားသော သစ်သီးဝလံများလည်း အတူ တူပင်ဖြစ်ကြောင်းဖော်ပြထားသည်။

တရုတ်နိုင်ငံအကောက်ခွန်အထွေ ထွေအုပ်ချုပ်မှုအာဏာပိုင်အဖွဲ့မှ အေးခဲထားသော သစ်သီးများဆို သည်မှာ စားသုံး၍မရသော အခွံများနှင့် အစေ့များကို ဖယ်ရှားထားသည့် သစ်သီးဝလံများ ဖြစ်ပြီး အပူချိန် အနှုတ် ၁၈ ဒီဂရီစင်တီဂရိတ် (သို့မ ဟုတ်) ၎င်းအပူချိန်နှင့်အောက်ကို အနည်းဆုံး မိနစ် ၃၀ အေးခဲထားရမည်ဖြစ်ပြီး သိုလှောင်စဉ်နှင့်သယ်ယူပို့ဆောင်စဉ် တစ်လျှောက်လုံး အပူ ချိန်အနုတ် ၁၈ ဒီဂရီစင်တီဂရိတ်အောက်တွင် ထိန်းသိမ်းထားရမည်ဖြစ်ကြောင်းနှင့် “Code of Practice for the Processing and Handling of Quick Frozen Foods” (CAC/RCP 8-1976)နှင့် ကိုက်ညီရမည်ဖြစ်ကြောင်း သတ်မှတ်ထားသည်ဟု သိရှိရသည်။

အေးခဲထားသော သစ်သီးဝလံများသည် တရုတ်နိုင်ငံသို့ တင်သွင်းရန်အတွက် quarantine ခွင့်ပြုချက် (သို့မဟုတ်) ဝင်ခွင့်ပါမစ်များ မလို အပ်တော့သော်လည်း တင်ပို့သည့် နိုင်ငံရှိ ထုတ်လုပ်သည့်စက်ရုံများနှင့် အမြန်အေးခဲသည့်ပစ္စည်းများကို သက်ဆိုင်ရာနိုင်ငံရှိ အာဏာပိုင်များထံမှတ်ပုံတင်ထားရမည်ဖြစ် ကြောင်း၊ ထိုသို့မှတ်ပုံတင်ခြင်းကို တရုတ်နိုင်ငံအကောက်ခွန်အထွေ ထွေအုပ်ချုပ်မှုအာဏာပိုင်အဖွဲ့ (GACC)ထံသို့ ဆက်လက်ပေးပို့ရမည်ဖြစ်ပြီး နှစ်ဖက်စလုံးမှ ပြန်လည်သုံးသပ်ပြီး အတည်ပြုချက်ရယူရမည်ဖြစ်ကြောင်း၊ အေးခဲခြင်းနှင့် အအေးခန်းသယ်ယူပို့ဆောင်ရေးလုပ်ငန်းစဉ်များကို တင်ပို့သည့်နိုင်ငံရှိတရားဝင်အာဏာပိုင်များ၏ ကြီး ကြပ်မှုအောက်တွင် ဆောင်ရွက်ရမည် ဖြစ်ကြောင်း သိရှိရသည်။

ကေခိုင်ကျော်

https://www.producereport.com/article/china-lifts-quarantine-requirements-frozen-fruit-imports