စားအုန်းဆီ ပြည်တွင်းရောင်းချမှုဆိုင်ရာ လုပ်ထုံးလုပ်နည်း အင်ဒိုနီးရှား ပြန်လည်ပြင်ဆင်မည်
အင်ဒိုနီးရှားနိုင်ငံ၊ ကုန်သွယ်ရေးဝန်ကြီးဌာနက စားအုန်းဆီပြည်တွင်းရောင်းချမှုဆိုင်ရာ လုပ်ထုံး လုပ်နည်းများကို ပြန်လည်ပြင်ဆင်မည်ဟု ပြောကြားခဲ့ကြောင်း အင်ဒိုနီးရှား စားအုန်းဆီအသင်း (Indonesian Palm Oil Association) က ဩဂုတ် ၂ ရက်နေ့တွင် သတင်းထုတ်ပြန်ခဲ့သည်။ အဆိုပါပြင်ဆင်မှုသည် ပြည်တွင်းဈေးကွက်တွင် ရောင်းချမည့် စားအုန်းဆီအမျိုးအစားနှင့် ဈေးနှုန်းတို့တွင် ပြောင်းလဲမှုများ ရှိလာနိုင်မည်ဖြစ်သည်။
အင်ဒိုနီးရှားနိုင်ငံ၊ ကုန်သွယ်ရေးဝန်ကြီးဌာန၏ ညွှန်ကြားရေးမှူးဖြစ်သူ Bambang Wisnu-broto က ပြင်ဆင်ချက်ကို တစ်ပတ်အတွင်းထုတ်ပြန်မည်ဖြစ်ကြောင်း ဇူလိုင် ၂၉ ရက်နေ့က ပြောကြားခဲ့သည်။ လက်ရှိတွင် ပြည် တွင်းဈေးကွက်လုပ်ထုံး လုပ်နည်းအစီအစဉ် (Domestic Market Obligation - DMO) အရ ကုမ္ပဏီများအနေဖြင့် စားအုန်းဆီပြည်ပသို့ တင်ပို့နိုင်မည့်ပမာဏမှာ ပြည်တွင်း၌ရောင်းချသည့်ပမာဏ၏ ၄ ဆ ဖြစ်သည်။
စားအုန်းဆီထုတ်လုပ်သူများအနေဖြင့် ပြည်ပသို့တင်ပို့ခွင့်ပါမစ်ရရှိရန်အတွက် ပြည်တွင်းဈေးကွက်တွင် သတ်မှတ်ထားသည့် ဈေးနှုန်းဖြင့် စားအုန်းဆီကို ရောင်းချရသည်။ အစိုးရက ပြည်တွင်းဈေးကွက်တွင် ပြည်သူများတတ်နိုင်သည့် ဈေး နှုန်းဖြင့် စားအုန်းဆီရရှိနိုင်မှုကို အာမခံသည့်နည်းလမ်းတစ်ခုအနေဖြင့် DMO ကို အသုံးပြုခြင်းဖြစ်သည်။
သွယ်သွယ်ဆုတင်