စီးပွားရေးဖွံ့ဖြိုးတိုးတက်မှုမဟာဗျူဟာ (၂၀၂၆-၂၀၃၀) မိတ်ဆက်ခြင်းအခမ်းအနားကျင်းပ
နေပြည်တော်၊ မေ ၂၅
စိုက်ပျိုးရေးဖွံ့ဖြိုးတိုးတက်မှုမဟာဗျူဟာ (၂၀၂၆-၂၀၃၀) တ်ဆက်ခြင်း အခမ်းအနား” ကို မေ ၂၅ ရက်နေ့ မွန်းလွဲပိုင်းက နေပြည်တော် ရုံးအမှတ် (၁၅)၌ ကျင်းပသည်။
အခမ်းအနားတွင် စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ဒုတိယဝန်ကြီး ဦးဗိုလ်ဗိုလ်ကျော်က အမှာစကားပြောကြားရာ၌ စိုက်ပျိုးရေးဖွံ့ဖြိုးတိုးတက်မှုမဟာဗျူဟာ (၂၀၂၆-၂၀၃၀) အား ယခင်ရေးဆွဲဆောင်ရွက်ခဲ့သည့် မဟာဗျူဟာ (၂၀၁၈-၂၀၂၃)က ရရှိခဲ့ သော သင်ခန်းစာများနှင့် လက်တွေ့ကျသော အတွေ့အကြုံများကို အရင်းတည်ကာ ငါးနှစ်တာကာလအတွင်း အကောင်အထည်ဖော်ရမည့် အမျိုးသားအဆင့် လမ်းပြ မြေပုံ တစ်ခုဖြစ်ကြောင်း၊
စိုက်ပျိုးရေးဖွံ့ဖြိုးတိုးတက်မှုမဟာဗျူဟာသည် အားလုံးပါဝင်နိုင်သော ရာသီဥတုဒဏ်ကို ကြံ့ကြံ့ခံနိုင်ရည်ရှိပြီး နိုင်ငံတကာနှင့် ရင်ပေါင် တန်းယှဉ်ပြိုင်နိုင်စွမ်းရှိသော ရေရှည်တည်တံ့သည့် စိုက်ပျိုးရေးစနစ်တစ်ခုကို တည်ထောင်ရန်ခိုင်မာသော ရည်မှန်းချက်များနှင့် ရေးဆွဲထားခြင်း ဖြစ်ကြောင်း၊
နိုင်ငံတကာ အဆင့်မီ အရည်အသွေး စစ်ဆေးထောက်ခံမှုစနစ်များ အားကောင်းလာစေရေးလုပ်ငန်းစဉ်များ၊ ရိတ်သိမ်းချိန်လွန် လေလွင့်ဆုံးရှုံးမှု လျှော့ချရေးအတွက် အခြေခံအဆောက်အဦများ ဖွံ့ဖြိုးတိုးတက်စေရေး၊ MSME လုပ်ငန်းများကို တန်ဖိုးကွင်းဆက် တစ်လျှောက် အဆင့်မြှင့်တင်ပေးနိုင်ရန် အစိုးရ- ပုဂ္ဂလိက ပူးပေါင်း ဆောင်ရွက်မှုကို အားပေးမြှင့်တင်နိုင်မည့် အခွင့်အလမ်းများအား ထည့်သွင်းရေးသားထားပါကြောင်း ပြောကြားသည်။
ထို့နောက် ဒုတိယဝန်ကြီးများက စိုက်ပျိုးရေးဖွံ့ဖြိုးတိုးတက်မှု မဟာဗျူဟာ (၂၀၂၆-၂၀၃၀) စာအုပ်များအား အခမ်းအနားတက်ရောက်သည့် ဧည့်သည်တော်များအား ပေးအပ်ကြသည်။
ဝန်ကြီးဌာနအနေဖြင့် စိုက်ပျိုးရေးဖွံ့ဖြိုးတိုးတက်မှုမဟာဗျူဟာကို စီမံအုပ်ချုပ်မှု ကောင်းမွန်စေရေး၊ ထုတ်လုပ်မှု စွမ်းအားတိုးတက်ရေးနှင့် ယှဉ်ပြိုင်နိုင်စွမ်းအား ကောင်းမွန်စေရေး မဏ္ဍိုင်ကြီး သုံးရပ်အပေါ် အခြေပြု၍ ၂၀၂၆-၂၀၃၀ ခုနှစ်ကာလအတွင်း စိုက်ပျိုးမွေးမြူရေးကဏ္ဍ၏ ဖွံ့ဖြိုးတိုးတက်မှုကို ၃ ရာခိုင်နှုန်း အထိလည်းကောင်း၊ တောင်သူလယ်သမားများ၏ ပျမ်းမျှဝင်ငွေကို ၅၀ ရာခိုင်နှုန်းအထိ လည်း ကောင်း၊ နိုင်ငံတကာဈေးကွက်တင်ပို့မှုတန်ဖိုးကိုလည်း အမေရိကန် ဒေါ်လာ ၇ ဘီလီယံအထိ လည်း ကောင်း တိုးမြှင့်နိုင်ရန် လျာထားဆောင်ရွက်လျက်ရှိကြောင်း သိရသည်။
MOALI