မွေးမြူရေးသုတေသနဦးစီးဌာန လုပ်ငန်းခွင်ဝင်သင်တန်း အမှုထမ်း အမှတ်စဉ်(၂) ဖွင့်ပွဲ ကျင်းပ

နေပြည်တော်၊ မတ် ၉

စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ မွေးမြူရေးသုတေသနဦးစီးဌာန၊  လုပ်ငန်းခွင်ဝင်သင်တန်း(အမှုထမ်း) အမှတ်စဉ်(၂) ဖွင့်ပွဲအခမ်းအနားကို  မတ် ၉ ရက်က  နေပြည်တော်၊ ဇေယျာသီရိမြို့နယ်၊ ရေဆင်း၊ စိုက်ပျိုးရေးသုတေသနဦးစီးဌာန၊ Auditorium ခန်းမ၌ ကျင်းပပြုလုပ်ရာ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ဒုတိယဝန်ကြီးဒေါက်တာအောင်ကြီး တက်ရောက် အမှာစကားပြောကြားသည်။ 

အခမ်းအနားတွင် ဒုတိယဝန်ကြီးက မွေးမြူရေးသုတေသနဦးစီးဌာနမှ စီမံ၊ စီမံကိန်းနှင့် ဘဏ္ဍာရေးဆိုင်ရာဝန်ထမ်းများ၊ ကုန်းနေနှင့်ရေနေသတ္တဝါဆိုင်ရာ သုတေသီဝန်ထမ်းများအား ရုံးလုပ်ငန်းဆိုင်ရာသဘောတရားများ နားလည်သဘောပေါက်လာစေရန်၊ သုတေသနဆိုင် ရာ စွမ်းဆောင်ရည်မြင့်မားလာစေရန်နှင့် လူ့စွမ်းအားအရင်းအမြစ်ဖွံ့ဖြိုးတိုးတက်လာစေရန် ကဏ္ဍအလိုက် သတ်မှတ်သင်တန်းများကို ဌာနစတင်ဖွင့်လှစ်သည့် ၂၀၂၂-၂၀၂၃၊ ဘဏ္ဍာရေးနှစ်တွင် သင်တန်း ၃ ခု ကိုလည်းကောင်း၊ ၂၀၂၃-၂၀၂၄၊ ဘဏ္ဍာရေးနှစ်တွင် သင်တန်း ၃ ခုကိုလည်းကောင်း၊ ၂၀၂၄-၂၀၂၅ ဘဏ္ဍာ ရေးနှစ်တွင် သင်တန်း ၇ ခုကိုလည်းကောင်း၊ ၂၀၂၅-၂၀၂၆ ခု၊ ဘဏ္ဍာရေးနှစ်တွင် သင်တန်း ၄ ခု ဖွင့်လှစ်ခဲ့ပြီး  ပြဌာန်းထားသော နိုင်ငံ့ဝန်ထမ်းဥပဒေနှင့် နည်းဥပဒေများ၊ ဘဏ္ဍာရေးဆိုင်ရာ စည်းမျဉ်းများကို ရင်းနှီးကျွမ်းဝင်လာစေခြင်းနှင့်အတူ ဌာနမှ ဆောင်ရွက်လျက်ရှိသည့် သုတေသနလုပ်ငန်းများကို သိရှိနားလည်လာစေမည်ဖြစ်ရာ ဝန်ထမ်းများ၏ ထမ်းဆောင်ရာ တာဝန်အလိုက်ဆောင်ရွက်ရသည့် လုပ်ငန်းများအတွက် များစွာအထောက်အကူပြုစေမှာဖြစ်ပါကြောင်း၊ အဂတိ လိုက်စားမှု ကင်းရှင်းခြင်း၊ ပွင့်လင်းမြင်သာမှုရှိခြင်း၊ တာဝန်ယူမှု/တာဝန် ခံမှုရှိခြင်းနှင့် နိုင်ငံသားများ၏ အကျိုးစီးပွားကို ဦးစားပေးဆောင်ရွက်ခြင်းတို့ကို အဓိက မဏ္ဍိုင်များအဖြစ်  အကောင်အထည်ဖော်လျက်ရှိကြောင်း၊ ၎င်းဝန်ထမ်းများမှတစ်ဆင့် စွမ်းရည်ပြည့်ဝပြီး တာဝန်ယူမှု၊ တာဝန်ခံမှုရှိသော ပြည်သူအကျိုးပြု လုပ်ငန်းများကို ဆောင်ရွက်ခြင်းဖြင့် အားလုံးပါဝင်သည့် ဘက်စုံဖွံ့ဖြိုးတိုးတက်မှုကို ရရှိစေရန်ရည်ရွယ်၍ ယခုကဲ့သို့ လုပ်ငန်းစွမ်းဆောင်ရည်မြှင့်တင်ရေးသင်တန်းတွေကို ဖွင့်လှစ်ရခြင်းဖြစ်ကြောင်း၊ မိမိတို့ နိုင်ငံ၏ ဘက်စုံကဏ္ဍစုံဖွံ့ဖြိုးတိုးတက်ရေး ကြိုးပမ်းဆောင်ရွက်ရာတွင် နိုင်ငံ့ဝန်ထမ်းများ ဖြစ်၍ မိမိတို့ဌာန၏ လုပ်ငန်းများ လုပ်ကိုင်ဆောင်ရွက်ရာတွင် ဌာနနှင့် နိုင်ငံတော်အပေါ် သစ္စာရှိကြရန်၊ ကျရာကဏ္ဍမှတာဝန်ယူ ထမ်းဆောင်ရသည့်အတွက် တစ်ဦးချင်းလုပ်ငန်းစွမ်းဆောင်ရည် အရည်အသွေးမြင့်မားနေရန် လိုအပ်သကဲ့သို့ ဝိုင်းဝန်းပူးပေါင်း ဆောင်ရွက်ရန်လည်းလိုအပ်သည်ဖြစ်ရာ  သင်တန်းမှရရှိလာသည့် အတွေ့အကြုံများကိုအခြေခံကာ သင်တန်းသား/သင်တန်းသူများအနေနှင့် သက်ဆိုင်ရာလုပ်ငန်းများ လုပ်ကိုင်ဆောင်ရွက်ရာတွင် တစ်ဦးကောင်း တစ်ယောက်ကောင်း ဆောင်ရွက်ခြင်းမျိုးမဟုတ်ဘဲ ကဏ္ဍအလိုက် အားလုံးတက်ညီ လက်ညီနှင့် စုပေါင်းလုပ်ကိုင်ဆောင်ရွက်ပြီး ဘက်လိုက်မှုမရှိဘဲ အဂတိကင်းရှင်းစွာဆောင်ရွက်ခြင်းဖြင့် မိမိတို့ဌာနမှ ချမှတ်ထားသည့် လုပ်ငန်းစဉ်များ၊ မူဝါဒများနှင့် ရည်မှန်းချက်များကို အောင်မြင်စွာ အကောင်အထည်ဖော် ဆောင်ရွက်ကြရန်မှာကြားသည်။ 

၎င်းနောက် သင်တန်းဖြစ်မြောက်ရေးလုပ်ငန်းကော်မတီ ဥက္ကဋ္ဌက သင်တန်းဖွင့်လှစ်ရခြင်းနှင့်ပတ်သက်၍ ရှင်းလင်းတင်ပြသည်။ အဆိုပါအခမ်းအနားသို့ ညွှန်ကြားရေးမှူးချုပ်များ၊ ပါမောက္ခချုပ်များ၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သင်တန်းသား/သင်တန်းသူများ တက်ရောက်ကြပြီး သင်တန်း ကာလမှာ ၉-၃-၂၀၂၆ ရက်မှ ၁၃-၃-၂၀၂၆ ရက်ထိ ၅ ရက်ကြာ ဖွင့်လှစ်ပို့ချခဲ့ကြောင်း သိရသည်။                              

 MOALI