ထိရောက်သော ဒီဂျစ်တယ်ဝန်ဆောင်မှုအတွက် စီမံခန့်ခွဲမှုနှင့် သတင်းအချက်အလက်နည်းပညာဆိုင်ရာအုပ်ချုပ်မှု အလုပ်ရုံဆွေးနွေးပွဲ ကျင်းပ

ကြေးတိုင်နှင့်မြေစာရင်းဦးစီးဌာနမှ ထိရောက်သော ဒီဂျစ်တယ်ဝန်ဆောင်မှုအတွက် စီမံခန့်ခွဲမှု နှင့် သတင်းအချက်အလက်နည်းပညာဆိုင်ရာအုပ်ချုပ်မှု အလုပ်ရုံဆွေးနွေးပွဲဖွင့်ပွဲကို ဖေဖော်ဝါရီ ၂၄ ရက်နေ့ နံနက်ပိုင်းက ပြည်ထောင်စုနယ်မြေ နေပြည်တော် ပျဉ်းမနားခရိုင် မြေ စာရင်းဦးစီးဌာန၊ သီးနှံအထွက်နှုန်းဆန်းစစ်အကဲဖြတ်စင်တာခန်းမ၌ ကျင်းပသည်။ 

သတင်းအချက်အလက်နှင့်ဆက်သွယ်ရေး IT နည်းပညာအသုံးပြုရာတွင် Data လုံခြုံရေးသည် အရေးကြီးသည့် ကိစ္စရပ်တစ်ခု ဖြစ်သဖြင့် IT လုပ်ငန်းတွင် လိုက်နာရမည့် စည်းမျဉ်းစည်းကမ်းများ ၊ စံနှုန်း သတ်မှတ်ချက်များကို သက်ဆိုင်ရာ ကဏ္ဍအလိုက်တာဝန်ယူထားကြသည့် တာဝန် ထမ်းဆောင်ဆဲ ကြေးတိုင်နှင့်မြေစာရင်းဦးစီးဌာနမှ အရာ ထမ်း အမှုထမ်းများ စနစ်တကျ သိရှိလိုက်နာ ဆောင်ရွက်နိုင်ကြစေရေး အတွက် ယခု အလုပ်ရုံဆွေးနွေးပွဲဖွင့်ပွဲကို ကျင်းပရခြင်းဖြစ်ကြောင်း ညွှန်ကြားရေးမှူးချုပ် ဒေါက်တာဝင်းထွဋ် က ပြောသည်။ 

သတင်းအချက်အလက်နှင့်ဆက်သွယ်ရေး IT နည်းပညာအသုံးပြုပြီး ဌာနလုပ်ငန်းများ တိကျမှန်ကန်မြန်ဆန်စွာ ဆောင်ရွက်နိုင်ရေး အတွက် ကြေးတိုင်နှင့်မြေစာရင်းဦးစီးဌာန၏ လုပ်ငန်း များကို ဒစ်ဂျစ်တယ်စနစ်ဖြင့် စီမံခန့်ခွဲသွားနိုင်စေရန် ဝန်ထမ်းများ၏ အရည်အချင်း မြှင့်တင်ပေးရန် ရည်ရွယ်ကျင်းပသည့် အဆိုပါအလုပ်ရုံ ဆွေးနွေးပွဲကို ဖေဖော်ဝါရီ ၂၄ ရက်နေ့မှ ၂၈ ရက်နေ့အထိ ၅ ရက်ကြာကျင်းပခဲ့ပြီး ဆွေးနွေးပွဲတွင် ကြေးတိုင်နှင့်မြေစာရင်း ဦးစီးဌာန(ရုံးချုပ်) ဌာနခွဲ များမှ အရာထမ်း အမှုထမ်း ၁၀၀ ဦး တက်ရောက် လေ့လာခဲ့ကြကြောင်း သိရသည်။

MOALI