ရာဂီမုန်တိုင်းအရှိန်ကြောင့်ရေကြီးနစ်မြုပ် ပျက်စီးသွားသော လယ်ယာမြေများအား အခမဲ့ထွန်ယက်ရေးလုပ်ငန်းများဆောင်ရွက်ပေး
နေပြည်တော်၊ ဒီဇင်ဘာ ၁၁
ပြည်ထောင်စုနယ်မြေ နေပြည်တော်တွင် ၂၀၂၄ ခုနှစ်၊ စက်တင်ဘာလအတွင်း ဖြစ်ပွားခဲ့သော ရာဂီမုန်တိုင်းအရှိန်ကြောင့် ရေကြီးနစ်မြုပ်ပျက်စီးသွားသော ပျဉ်းမနားမြို့နယ်၊ တပ်ကုန်းမြို့နယ်၊ လယ်ဝေးမြို့နယ်၊ ပုဗ္ဗသီရိမြို့နယ်နှင့် ဇေယျာသီရိမြို့နယ်များအတွင်းရှိ ရေကြီးနစ်မြုပ် နုံးဖုံးလယ်ယာမြေများအပေါ်တွင် ဆောင်းသီးနှံအချိန်မီ စိုက်ပျိုးနိုင်ရေးအတွက် နေပြည်တော်၊ စက်မှုလယ်ယာဦးစီးဌာနအောက်ရှိ စက်မှုလယ်ယာစခန်း ၃ ခုဖြစ်သည့် အမှတ်(၆၈)စက်မှုလယ်ယာစခန်း တပ်ကုန်း မြို့၊ အမှတ်(၄၇) စက်မှုလယ်ယာစခန်း လယ်ဝေးမြို့နှင့် အမှတ်(၈၄)စက်မှုလယ်ယာစခန်း ပျဉ်းမနားမြို့ တို့မှ ထွန်စက်ကြီး ၄၇ စီးဖြင့် တောင်သူမှစက်သုံးဆီကျခံ၍ အခမဲ့ ထွန်ယက်ရေးလုပ်ငန်းများ ကူညီဆောင်ရွက်ပေးလျက်ရှိကြောင်း သိရှိရသည်။
ထိုသို့ တောင်သူမှစက်သုံးဆီကျခံ၍ အခမဲ့ ထွန်ယက်ရေးလုပ်ငန်းများ ကူညီဆောင်ရွက်ပေးလျက်ရှိရာတွင် ဒီဇင်ဘာ ၁၁ ရက်နေ့ထိ တပ်ကုန်းမြို့နယ် ကျေးရွာ ၅ ရွာတွင် ထွန်ညီမျှဧကလွှာ ၁၀၉၆ ဒသမ ၅၊ ဇေယျာသီရိမြို့နယ် ကျေးရွာတစ်ရွာတွင် ထွန်ညီမျှဧကလွှာ ၇၀ ဒသမ ၄၊ ပျဉ်းမနားမြို့နယ် ကျေးရွာ ၃ ရွာတွင် ထွန်ညီမျှဧကလွှာ ၂၅၄၀ ဒသမ ၄၂၊ ပုဗ္ဗသီရိမြို့နယ် ကျေးရွာ ၂ ရွာတွင်ထွန်ညီမျှဧကလွှာ ၉၃၀ နှင့် လယ်ဝေးမြို့နယ် ကျေးရွာ ၆ ရွာတွင် ထွန်ညီမျှဧကလွှာ ၂၈၈၇ ဒသမ ၉၆ စုစုပေါင်းထွန်ညီမျှ ဧကလွှာ ၇၅၂၅ ဒသမ ၂၈ ကူညီထွန်ယက်ပေးခဲ့ပြီး ဆောင်းသီးနှံစိုက်ပျိုးပြီးစီးသည်အထိ ဆက်လက်ဆောင်ရွက်ပေးသွားမည်ဖြစ်ကြောင်း သိရှိရသည်။
AMD