ပုသိမ်တွင် ကောက်ရိုးထုံးစက်ဖြင့်ကောက်ရိုးထုံးသရုပ်ပြပွဲကျင်းပ
ပုသိမ်၊ ဒီဇင်ဘာ ၃
ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်အတွင်း ဒေသခံတောင်သူများအနေဖြင့် လယ်ယာသုံးစက်ကိရိယာများကို တွင်ကျယ်စွာ အသုံးပြုလာစေရေး၊ လက်မှုလယ်ယာမှ စက်မှုလယ်ယာစနစ်သို့ အသွင်ကူး ပြောင်းနိုင်ရေး၊ လုပ်သားအင်အားရှားပါးမှုပြဿနာဖြေရှင်းနိုင်ရေး စသည့် ကောင်းကျိုးများစွာ ရရှိစေရန် ရည်ရွယ်၍ စိုက်ပျိုးရေး ၊ မွေးမြူရေးနှင့်ဆည်မြောင်းဝန်ကြီးဌာနနှင့် စက်မှုလယ်ယာဦးစီးဌာနတို့ ပူးပေါင်း၍ ကောက်ရိုးထုံးစက် (Round Baler) ဖြင့် ကောက်ရိုးထုံးခြင်း သရုပ်ပြပွဲကို ယနေ့နံနက်ပိုင်းက ပုသိမ်မြို့နယ် ၊ မဒေါ့ကုန်းကျေးရွာ ကွင်းအမှတ် ၆၃၇ ရှိ ဒေသခံတောင်သူ ဦးမန်းကျော်ခိုင် ၏ လယ်မြေ ၃ ဒသမ ၁၅ ဧက တွင် ကျင်းပပြုလုပ်ရာ ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ် ဦးဆောင်တက်ရောက်ခဲ့ပြီး တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်း / ခရိုင် / မြို့နယ်အဆင့် ဌာနဆိုင်ရာတာဝန်ရှိသူများနှင့် ဝန်ထမ်းများ၊ ကျေးရွာ ၃ ရွာမှ ဒေသခံတောင်သူ ၇၀ ဦးခန့် စိတ်ပါဝင်စားစွာ လာရောက်ကြည့်ရှု့ခဲ့ကြကြောင်း သတင်းရရှိသည်။
အဆိုပါ သရုပ်ပြပွဲတွင် ကောက်ရိုးထုံးစက် (Round Baler) အသုံးပြုခြင်းဖြင့် စပါးရိတ်သိမ်းပြီး လယ် ကွက်များတွင်ကောက်ရိုးများ အမြန် သိမ်းဆည်းနိုင်၍ နောက်သီးနှံအား အချိန်မီစိုက်ပျိုးနိုင်ခြင်း ၊ ကောက်ရိုးမျှင်များအား ကျစ်လျစ်စွာအထုံးပြုလုပ်ထား၍ အလွယ်တကူ သိမ်းဆည်းသိုလှောင်နိုင်ခြင်း၊ သဘာဝမြေဩဇာအဖြစ် အသုံးပြုနိုင်ခြင်း၊ ပျော့ဖတ်အဖြစ် အသုံးပြုနိုင်ခြင်း၊ တိရိစ္ဆာန်အစာအဖြစ် အသုံးပြုနိုင်ခြင်းနှင့် ကောက်ရိုးထုံးစက် (Round Baler) ၏ စက်မှုပိုင်းဆိုင်ရာ အချက်အလက်များကို တိုင်းဒေသကြီးဦးစီးဌာနမှူး ဦးလှထွန်းက အသေးစိတ်ရှင်းလင်းပြောကြားခဲ့ကြောင်း သိရှိရသည်။
AMD