လက်ပံတန်းတွင် သီးနှံအသစ်အဖြစ် ရိုဘတ်စတာကော်ဖီ စိုက်ပျိုးမည်
လက်ပံတန်း၊ စက်တင်ဘာ ၄
ပဲခူးတိုင်းဒေသကြီး၊ လက်ပံတန်းမြို့နယ်တွင် ဒေသအတွင်းသီးနှံသစ်စိုက်ပျိုးခြင်း အနေဖြင့် ရိုဘတ်စတာကော်ဖီပင်များကို သီးသန့်/ သီးညှပ်စိုက်ပျိုးသွားမည်ဖြစ်ကြောင်း မြို့နယ်စိုက်ပျိုးရေးဦးစီးဌာနက သိရသည်။
ထိုသို့သီးနှံသစ်စိုက်ပျိုးခြင်းကို ဒေသအတွင်း ကော်ဖီစိုက်တောင်သူများတိုးပွားလာစေရန် တစ်ဧကလျှင် ကော်ဖီပျိုးပင် ၂၀၀ သီးညှပ်အဖြစ် ၃၆ ဧက တွင် စိုက်ပျိုးသွားမည်ဖြစ်သည်။
ယင်းသို့ လက်ပံတန်းမြို့နယ်အတွင်း သီးနှံသစ်အဖြစ် စိုက်ပျိုးထုတ်လုပ်နိုင်ရေးအတွက် ရိုဘတ်စတာကော်ဖီပျိုးပင်ဖြန့်ဖြူးပေးအပ်ပွဲကို စက်တင်ဘာ ၄ ရက်က ချမ်းသာကုန်း စိုက်ပျိုးရေးစခန်းတွင်ကျင်းပခဲ့သည်။
အဆိုပါ ကော်ဖီပျိုးပင်ဖြန့်ဖြူးပေးအပ်ပွဲတွင် လက်ပံတန်းမြို့နယ်၊ စိုက်ပျိုးရေးဦးစီးဌာန မြို့နယ်ဦးစီးမှူး ဦးဉာဏ်မြင့်က ရိုဘတ်စတာကော်ဖီစိုက်ပျိုးနည်းစနစ်များကို ရှင်းလင်းပြောကြားပြီး ကော်ဖီပျိုးပင်ပေါင်း ၇၂၀၀ ကိုပေးအပ်ရာ ကော်ဖီစိုက်တောင်သူလေးဦးက လက်ခံရယူခဲ့ကြောင်း သိရသည်။
ဇော်လင်းထွဋ်