ဧပြီမှ ဇန်နဝါရီအတွင်း မြန်မာနိုင်ငံ၏ ပင်လယ်စာတင်ပို့မှုမှ အမေရိကန်ဒေါ်လာ ၃၂၀ သန်းကျော်ရရှိ

ဧပြီ ၁ ရက်နေ့မှစတင်၍ လက်ရှိ ၂၀၂၅-၂၀၂၆ ဘဏ္ဍာရေးနှစ်၏ ပြီးခဲ့သည့် ၁၀ လ အတွင်း မြန်မာနိုင်ငံမှ ငါး ၂၆၄,၀၀၀ မက်ထရစ်တန်ကျော် တင်ပို့ခြင်းမှ အမေရိကန်ဒေါ်လာ ၃၂၃ ဒသမ ၅၈၆ သန်းအထက် ဝင်ငွေ ရရှိခဲ့ကြောင်း ငါးလုပ်ငန်းဦးစီး ဌာနမှ သိရှိရသည်။  မြန်မာနိုင်ငံ သည် ပင်လယ်ရေကြောင်းမှတဆင့် ငါး ၁၂၉,၀၀၀ မက်ထရစ်တန် ကျော် တင်ပို့ခဲ့ခြင်းမှ ခန့်မှန်း တန်ဖိုးအား ဖြင့် အမေရိကန်ဒေါ်လာ ၂၀၃ ဒသမ ၂၉ သန်း ရရှိခဲ့ပြီး နယ်စပ်ကုန်သွယ် ရေးလမ်းကြောင်းမှ တဆင့် အိမ်နီးချင်း နိုင်ငံများသို့ အမေရိကန်ဒေါ်လာ ၁၂၀ ဒသမ ၂၈၉ သန်း တန်ဖိုးရှိသော ငါး ၁၃၅,၀၀၀ မက်ထရစ်တန်ကျော် တင်ပို့ခဲ့သည်။

ပြီးခဲ့သည့် ၂၀၂၄-၂၀၂၅ ဘဏ္ဍာ ရေးနှစ် (ဧပြီ-မတ်) အတွင်း မြန်မာ နိုင်ငံ၏ ငါးတင်ပို့မှု ပမာဏမှာ တန်ချိန် ၄၀၀,၀၀၀ ခန့်မှ အမေရိကန်
ဒေါ်လာ ၄၂၁ သန်း ရရှိခဲ့သည်။

မြန်မာနိုင်ငံသည် တရုတ်၊ ထိုင်း၊ ဘင်္ဂလားဒေ့ရှ်နှင့် ဂျပန်အပါအဝင် နိုင်ငံပေါင်း ၄၀ သို့ ပင်လယ်ရေ ကြောင်းနှင့် နယ်စပ်ကုန်သွယ်ရေးလမ်းကြောင်းများမှတဆင့် ပင်လယ်စာများ ပုံမှန် တင်ပို့လျက်ရှိသည်။ မြန်မာနိုင်ငံသည် လက်ရှိ ဘဏ္ဍာရေး နှစ်၏ ဧပြီ-ဇန်နဝါရီလအတွင်း ငါး တန်ချိန် ၃၇၆,၄၃၀ ကျော် တင်ပို့ခဲ့သည်။ 

ငါးသလောက်၊ ငါးကြင်း၊ ငါးခူ၊ ငါးရှဉ့်၊ ပုစွန်နှင့် ဂဏန်း အပါအဝင် ပင်လယ်စာများကို ပြည်ပ ဈေးကွက်များသို့ တင်ပို့လျက်ရှိကြောင်း မြန်မာ နိုင်ငံငါးလုပ်ငန်း အဖွဲ့ချုပ်မှ သိရှိရ သည်။ ငါးလုပ်ငန်း အအေးခန်းသိုလှောင်ရုံ ၁၄၀ ကျော်ရှိပြီး ငါးလုပ်ငန်းဦးစီးဌာန အနေဖြင့် နှစ်စဉ် လိုင်စင်များကို သက်တမ်းတိုးပေးလျက်ရှိပါကြောင်း သိရှိရသည်။

နွေးနွေးအောင်

https://www.gnlm.com.mm/myanmar-fish-exports-top-264000mt-in-apr-jan-generate-over-us320m/#article-title