မန္တလေးဈေးကွက်

(မန္တလေးပွဲစားကုန်သည် စက်ပိုင်ကထိန်တော်အသင်း၊ ကိုင်းတန်းဈေး၊ သီရိမာလာဈေးတို့မှ ၂၇-၁-၂၀၂၆ ရက်နေ့ ကောက်ယူဈေးနှုန်းများဖြစ်ပါသည်။)

ဆန်ဈေးကွက်

မန္တလေးဈေးကွက်တွင် ရန်ကုန်ပေါ်ဆန်းအသစ်နှင့် အဟောင်းနှစ်မျိုးလုံးတွေ့ရပြီး အသစ်တစ်အိတ် ၁၂၀၀၀၀ကျပ်၊ အဟောင်းတစ်အိတ် ၁၄၅၀၀၀ကျပ်ရှိပြီး ရွှေဘိုပေါ်ဆန်းမှာလည်း အသစ်ရော အဟောင်းပါ နှစ်မျိုးလုံးတွေ့ရပြီး အသစ်တစ်အိတ်၁၆၀၀၀၀ကျပ် ၊ အဟောင်းတစ်အိတ်လျှင် မြို့တွင်းစားသုံးရန် ဝယ်ယူမှုများခြင်း၊ ပစ္စည်းရှားခြင်းကြောင့် ယခင်အပတ် ၁၅၀၀၀၀ မှ ၁၉၀၀၀၀ ကျပ်သို့ ဈေးမြင့်သွားသည်။ မနောသုခမှာ အဝင်ပုံမှန်၊ မြို့တွင်းစားသုံးမှုပုံမှန်ဖြစ်ခြင်းကြောင့် အသစ်တစ်အိတ် ၆၅၀၀၀ ကျပ်၊ အဟောင်းတစ်အိတ် ၈၅၀၀၀ကျပ်ဖြင့် ဈေးတည်ငြိမ်နေသည်။ ငစိန်နှင့်ဇီယာဆန်တို့အနက် ငစိန်ဆန်မှာ အသစ်အဝင်များလာခြင်း၊ လုပ်ငန်းသမားအဝယ်နည်းခြင်းကြောင့် တစ်အိတ် ၅၃၀၀၀ကျပ်မှ ၅၀၀၀၀ကျပ်သို့ ဈေးနိမ့်သွားပြီး ဇီယာဆန်မှာ အသစ်အဝင်နည်းခြင်း၊ မြို့တွင်းစားသုံးမှုပုံမှန်ဖြစ်ခြင်းကြောင့် တစ်အိတ် ၇၀၀၀၀ကျပ်မှ ၇၅၀၀၀ကျပ်သို့ ဈေးမြင့်သွားသည်။ ဧရာမင်းဆန်မှာ အသစ်အဟောင်းနှစ်မျိုးလုံးဝင်ရောက်ပြီး မြို့တွင်းစားသုံးမှုပုံမှန်ရှိခြင်းကြောင့် အဟောင်းတစ်အိတ် ၁၆၀၀၀၀ ကျပ်သို့ ဈေးမြင့်သွားပြီး အသစ်များမြို့တွင်းသုံးဝယ်ယူမှုနည်းခြင်းကြောင့် တစ်အိတ် ၁၁၅၀၀၀ ကျပ်ဖြင့် အရောင်းအဝယ်အေးနေသည်။

ဆီထွက်သီးနှံဈေးကွက်

မြေပဲ(လုံးဆန်)မှာ မြင်းမူဘက်မှ ဆောင်းမြေပဲအဝင်ရှိခြင်း၊ လုပ်ငန်းသမားအဝယ်နည်းခြင်းကြောင့် ၁၀၀ ပိဿာ ၉၅၀၀၀၀ကျပ်၊ အနီလုံးဆန် ၉၂၀၀၀၀ကျပ်ဖြင့် ဈေးတည်ငြိမ်နေပြီး၊ မြေပဲ(ဆီဆန်)မှာ ဆီစက်သမားအဝယ်ပုံမှန်ရှိခြင်း၊ အသစ်အဝင်နည်းခြင်းကြောင့် ၁၀၀ ပိဿာ ၉၀၀၀၀၀ ကျပ်မှ ၉၃၀၀၀၀ကျပ်၊ လယ်ဝေးဘက်မှ အနီဆီဆံများလည်း ဝင်ရောက်ပြီး ၁၀၀ ပိဿာ ၉၁၀၀၀၀ကျပ်ဖြင့် ရောင်းဝယ်နေသည်။

ဆောင်းနှမ်းများ အဝင်နည်းသွားခြင်း၊ နှမ်းဖြူမှာ လှောင်လက်နှင့် တရုတ်ဝယ်လက်ဝယ်ယူမှု အနည်းငယ်ရှိခြင်း၊ လုပ်ငန်းသမားပုံမှန်ဝယ်ယူမှုရှိခြင်းကြောင့် ၄၅ ပိဿာလျှင် ၃၁၀၀၀၀ကျပ်မှ ၃၂၀၀၀၀ကျပ်သို့ ဈေးမြင့်သွားသည်။ နှမ်းညိုမှာ အဝင်ပုံမှန်၊ ဆီစက်သမားအဝယ်ပုံမှန်ရှိခြင်းကြောင့် ၄၅ ပိဿာ ၃၁၀၀၀၀ကျပ်မှ ၃၂၀၀၀၀ကျပ်သို့ ဈေးမြင့်သွားသည်။ နှမ်းနက်(စမုံ)မှာ အရည်အသွေးပေါ်မူတည်၍ ၆၈၀၀၀၀ကျပ်မှ ၇၅၀၀၀၀ကျပ်ဖြင့် ဈေးတည်ငြိမ်နေပြီး ဆောင်းနှမ်းနက်မှာ လုပ်ငန်းသမား အဝယ်နည်းခြင်းကြောင့် ၄၅ ပိဿာ ၅၄၀၀၀၀ ကျပ်မှ ၅၂၀၀၀၀ ကျပ်သို့ ဈေးနိမ့်သွားသည်။

ပန်းနှမ်း အထွက်နည်း အဝင်နည်းခြင်း၊ ဘယဆေးသမား အဝယ်ပုံမှန်ရှိခြင်းကြောင့် ၄၅ ပိဿာ ၂၈၅၀၀၀ ကျပ်မှ ၃၂၀၀၀၀ ကျပ်ထိ ဈေးများစွာမြင့်နေသည်။ နေကြာမှာ ဆောင်းနေကြာအသစ်များ ဝင်ရောက်မှုရှိခြင်း၊ အထွက်နည်း၊ အဝင်နည်းခြင်းကြောင့် အရောင်းအဝယ်အေးသော်လည်း ၂၇ ပိဿာ ၂၁၀၀၀၀ ကျပ်ဖြင့် ဈေးတည်ငြိမ်နေသည်။

စားဖိုဆောင်သီးနှံဈေးကွက်

ငရုတ်ခြောက် (ရှည်) အဝင်ပုံမှန် စားသုံးမှုပုံရှိခြင်းကြောင့် တစ်ပိဿာ ၁၈၀၀၀ ကျပ်ဖြင့် ဈေးတည်ငြိမ်နေပြီး ငရုတ်ခြောက် (လတ်)မှာ တစ်ပိဿာ ၂၀၀၀၀ကျပ်၊ ငရုတ်ခြောက်(ပွ)မှာ ဆင်ဖြူကျွန်း(ပွ)များ အဝင်များခြင်း၊ စားသုံးမှုပုံမှန်ရှိခြင်းကြောင့် တစ်ပိဿာ ၂၈၀၀၀ကျပ်ဖြင့် ဈေးတည်ငြိမ်နေသည်။ ကြက်သွန်နီမှာ မြစ်သားနှင့်ရွှေဘို၊ မြင်းခြံနယ်စုံမှ ဝင်ရောက်မှုရှိပြီး မြစ်သားအသစ်ကြီး တစ်ပိဿာ ၂၈၀၀ ကျပ်မှ ၃၅၀၀ ကျပ်၊ လတ်တစ်ပိဿာ ၃၅၀၀ ကျပ်မှ ၃၂၀၀ ကျပ် ဈေးနိမ့်သွားပြီး မြစ်သား (သေး)တစ်ပိဿာ ၂၅၀၀ ကျပ်ဖြင့် ဈေးတည်ငြိမ်နေသည်။ နယ်စုံကြက်သွန်များမှာ ကြီးတစ်ပိဿာ ၃၀၀၀ ကျပ်၊ လတ်တစ်ပိဿာ ၂၈၀၀ ကျပ်၊ သေးတစ်ပိဿာ ၂၃၀၀ ကျပ်ဖြင့် မြို့တွင်းသုံးနှင့် အနီးဝန်းကျင်မှ ဝယ်ယူမှုရှိသည်။ ကြက်သွန်ဖြူ (တရုတ်) မှာ အဝင်ပုံမှန်၊ မြို့တွင်းသုံး ပုံမှန်ရှိခြင်းကြောင့် တစ်ပိဿာ ၁၁၀၀၀ကျပ်၊ ကြက်သွန်ဖြူ(အောင်ပန်း)မှာ အဝင်နည်းသွားခြင်း၊ ကြက်သွန်ဖြူ(မြန်မာ) မဝင်သေးခြင်းကြောင့် အရည်အသွေး အကောင်းဆုံးတစ်ပိဿာ ယခင်အပတ် ၇၀၀၀ ကျပ်မှ ယခုအပတ် ၈၀၀၀ကျပ် ဈေးမြင့်သွားပြီး၊ အနိမ့်ဆုံးမှာ တစ်ပိဿာ ၄၀၀၀ ကျပ်ဖြင့် ဈေးငြိမ်နေသည်။ တရုတ်အာလူးများ မဝင်ခြင်း၊ အောင်ပန်းဒေသသီးများ အဝင်နည်းခြင်း၊ မြို့တွင်းစားသုံးမှု ပုံမှန်ဖြစ်ခြင်းကြောင့် အိုကေတစ်ပိဿာ ၅၈၀၀ ကျပ်မှ ၆၅၀၀ ကျပ်ဈေးမြင့်သွားပြီး အေဝမ်းတစ်ပိဿာ ၄၂၀၀ ကျပ်ဖြင့် ဈေးတည်ငြိမ်နေပြီး၊ ဆွဲတစ်ပိဿာ ၄၅၀၀ကျပ်မှ ၄၈၀၀ ကျပ်သို့ ဈေးမြင့်သွားသည်။

ပဲမျိုးစုံဈေးကွက်

မတ်ပဲ အသစ်များဝင်ရောက်မှုရှိပြီး ကျောက်ရစ်ပဲ ၃ တင်းတစ်အိတ် ၂၈၀၀၀၀ ကျပ်၊ အညာပဲတစ်အိတ် အရည်အသွေး ပေါ်မူတည်၍ ၂၄၀၀၀၀ကျပ်မှ ၂၆၅၀၀၀ ကျပ်ဖြင့် ပဲခွဲစက်များနှင့် ရန်ကုန်ဝယ်လက်ဝယ်ယူမှု ပုံမှန်ရှိနေသည်။ ပဲတီစိမ်း(အညာ)မှာ ဆောင်းပဲများ အညာဘက်မှရော ခြံပဲများပါ အဝင်ရှိခြင်းကြောင့် ပဲခွဲစက်နှင့် တရုတ်ဝယ်လက် ပုံမှန်ရှိသော်လည်း အညာပဲ ၃ တင်းတစ်အိတ် ၃၁၅၀၀၀ ကျပ်မှ ၂၉၀၀၀၀ကျပ်သို့ ဈေးနိမ့်သွား ပြီး ခြံပဲမှာ တစ်အိတ် ၂၆၀၀၀၀ကျပ်ဖြင့် ရောင်းဝယ်နေသည်။ ပဲစဉ်းငုံ(ဖြူ/နီ)တို့မှာ လှောင်သမားထံမှ လက်ကျန်အဟောင်းနှင့် စစ်ကိုင်းအထက်ပိုင်းမှ ဝင်ရောက်သော အသစ်များပါ တွေ့ရပြီး၊ ပဲခွဲစက်နှင့် ရန်ကုန်သမား၊ လှောင်သမားဝယ်ယူမှုပုံမှန်ရှိခြင်းကြောင့် လက်ကျန် ၃ တင်းတစ်အိတ် ၂၈၅၀၀၀ ကျပ်၊ အသစ်တစ်အိတ် ၃၀၃၀၀၀ ကျပ်ဖြင့် ပုံမှန်ရောင်းဝယ်မှုရှိပြီး ပဲစဉ်းငုံ(ဖြူ)မှာ အသစ်အဝင်မရှိသေးခြင်း၊ အရောင်းအဝယ်အေးသော်လည်း လက်ကျန်နည်းခြင်းကြောင့် ယခင်အပတ် ၃ တင်း တစ်အိတ် ၂၂၀၀၀၀ ကျပ်မှ ယခုအပတ် ၂၄၅၀၀၀ ကျပ်သို့ ဈေးမြင့်သွားသည်။ ဆောင်းစိုက်ပဲပုတ်များမဝင်သေးခြင်း၊ မိုးပဲပုတ်အထွက်နည်း အဝင်နည်းခဲ့ခြင်းကြောင့် လုပ်ငန်းသမားအဝယ်ပုံမှန်ရှိသော်လည်း ပဲပုတ်(မြန်မာ) ၃ တင်းတစ်အိတ် ၃၂၀၀၀၀ကျပ်မှ ၃၃၀၀၀၀ကျပ်သို့ ဈေးမြင့်သွားပြီး ပဲပုတ်(ရှမ်း)မှာ မိုးမိတ်ဘက်မှ အသစ်ဝင်ရောင်ပြီး အရည်အသွေးကောင်းခြင်းကြောင့် ၃ တင်းတစ်အိတ် ၃၁၈၀၀၀ ကျပ်မှ ၃၅၀၀၀၀ကျပ်၊ မိုးညှင်းပဲပုတ် ၃၆၀၀၀၀ကျပ်ဖြင့် ဆီစက်သမားများ အဝယ်ပုံမှန်ရှိနေသည်။ ကုလားပဲ(ဖြူကြီး)မှာ ဆောင်းစိုက်မဝင်သေးခြင်း၊ လှောင်သမားထံမှ ဝယ်ရခြင်းကြောင့် လုပ်ငန်းသမား၊ ပဲကြော်/လှော်သမား အဝယ်နည်းသော်လည်း ၃ တင်းတစ်အိတ် ၂၃၅၀၀၀ ကျပ်မှ ၂၄၅၀၀၀ ကျပ်သို့ ဈေးမြင့်သွားသည်။ ကုလားပဲ(လုံးဝါကြီး)မှာ ခွဲစက်သမားများ အဝယ်ပုံမှန်ရှိခြင်း၊ လှောင်သ မားထံမှ ဝယ်ရခြင်းကြောင့် ၃ တင်းတစ်အိတ် ၂၁၈၀၀၀ ကျပ်မှ ၂၂၅၀၀၀ ကျပ်သို့ ဈေးမြင့်သွားသည်။ လုံးဝါကြီး ဈေးမြင့်သဖြင့် ခွဲခြမ်းများလည်း တစ်ပိဿာ ၅၅၈၀ ကျပ်မှ ၅၇၀၀ ကျပ်သို့ ဈေးမြင့်သွားသည်။ မြေထောက်ပဲမှာ အသစ်များစတင်ဝင်ရောက်မှုရှိပြီး ပဲကြော်/လှော်လုပ်ငန်းသမား၊ အဝယ်ပုံမှန်ရှိခြင်း၊ လှောင်သမားဝယ်ယူမှုရှိခြင်းကြောင့် အရည်အသွေးပေါ်မူတည်၍ မုံရွာမှ မြေထောက်ပဲ ၃ တင်းတစ်အိတ် ၂၄၀၀၀၀ ကျပ်၊ အညာပဲ(ဟောင်း) ၂၆၀၀၀၀ ကျပ်၊ အညာပဲ(သစ်) ၂၉၀၀၀၀ ကျပ် ဈေးအမျိုးမျိုးဖြင့် ရောင်းဝယ် နေသည်။ ပဲယင်းမှာ အဝင်နည်းသေးခြင်း၊ ပဲခွဲစက်များ ပုံမှန်ဝယ်ယူခြင်းကြောင့်  ၃ တင်းတစ်အိတ် ၂၁၅၀၀၀ ကျပ်ဖြင့် ဈေးတည်ငြိမ်နေသည်။ စားတော်ပဲ(ကျွန်း)မှာ အသစ်ဝင်ရောက်သော်လည်း အဝင်နည်းသေးခြင်း အရည်အသွေးကောင်းလာခြင်းကြောင့် ၃ တင်းတစ်အိတ် ၁၀၃၀၀၀၀ ကျပ်သို့ ဈေးများစွာမြင့်သွားသည်။ ပဲကြီး(ကြီး)မှာ အသစ်ဝင်ရောက်ခြင်း၊ ပဲကြော်/လှော်သမား ပုံမှန်ဝယ်ယူမှုရှိခြင်းကြောင့် ၃ တင်းတစ် အိတ်၅၈၀၀၀၀ ကျပ်ဖြင့်လည်းကောင်း ပဲကြီး(သေး)မှာလည်း အသစ်ဝင်ရောက်ပြီး လက်လီသမားအဝယ်နည်းခြင်းကြောင့် တစ်အိတ် ၄၅၀၀၀၀ကျပ်ဖြင့် ဈေးတည်ငြိမ်နေသည်။ ထောပတ်ပဲ(ကြီး)မှာ အသစ်အဝင်နည်းပြီး အဟောင်းလက်ကျန်များသာ လုပ်ငန်းသမားပုံမှန်ဝယ်ယူခြင်းကြောင့် တစ်အိတ် ၂၅၀၀၀၀ကျပ်မှ ၂၆၀၀၀၀ကျပ် သို့ ဈေးမြင့်သွားပြီး ထောပတ်ပဲ(သေး)မှာ အသစ်ဝင်ရောက်မှုရှိပြီး အရည်အသွေးကောင်းခြင်း၊ လက်လီသမား အဝယ်များခြင်းကြောင့် ၃ တင်းတစ်အိတ် ၂၁၅၀၀၀ကျပ်မှ ၂၂၀၀၀၀ကျပ်သို့ ဈေးမသိမသာ မြင့်သွားသည်။ ပဲလွန်းဖြူ/ပြာမှာ အသစ်များ စတင်ဝင်ရောက်သော်လည်း အဝင်နည်းသေးခြင်း၊ အရောင်းအဝယ်အေးခြင်းကြောင့် ပဲလွန်းဖြူ ၃ တင်းတစ်အိတ် ၂၆၀၀၀၀ကျပ်၊ ပဲလွန်းပြာ ၁၉၀၀၀၀ကျပ်ဖြင့် ဈေးတည်ငြိမ်နေသည်။

ဂျုံနှင့် အစေ့ထုတ်ပြောင်း ဈေးကွက်

မြင်းမူ၊ ဆားတောင်၊ မုံရွာ၊ ဘုတလင်၊ မြောင်တို့မှ ထွက်ရှိသော ဂျုံများမှာ အသစ်ဝင်ချိန်နီး၍ လှောင်သမားနှင့် တောင်သူများ ထုတ်ရောင်းမှုရှိခြင်း ဂျုံစက်များ အဝယ်နည်းခြင်းကြောင့် အရည်အသွေးအကောင်းဆုံး ၃ တင်းတစ်အိတ် ၂၄၀၀၀၀ ကျပ်ဖြင့် ဈေးတည်ငြိမ်နေသည်။ ရှမ်းဂျုံအသစ်များ ဝင်ရောက်မှုရှိခြင်းကြောင့် အရည်အသွေးကောင်းခြင်း၊ တစ်အိတ် ၂၀၀၀၀၀ ကျပ်မှ ၂၀၅၀၀၀ကျပ်သို့ ဈေးမြင့်သွားသည်။ ကလေးဂျုံ ၂၀၀၀၀၀ ကျပ်၊ အထွက်တိုးဂျုံ ၁၉၅၀၀၀ ကျပ်ဖြင့် ဈေးတည်ငြိမ်နေသည်။

အစေ့ထုတ် အသစ်များဝင်ရောက်မှုရှိသော်လည်း တိရိစ္ဆာန်အစာစပ်သမားများ အဝယ်ပုံမှန်ရှိခြင်း၊ လှောင်သမားများဝယ်ယူမှုရှိခြင်းကြောင့် ယခင်အပတ် ၃ တင်းတစ်အိတ် ၇၂၀၀၀ ကျပ်မှ ယခုအပတ် အရည်အသွေးပေါ်မူတည်၍ ၇၄၀၀၀ ကျပ်မှ ၇၆၀၀၀ ကျပ်ထိ ဈေးအမျိုးမျိုးဖြင့် ရောင်းဝယ် နေသည်။

သစ်သီးဝလံနှင့် ဟင်းသီး/ရွက်များ ဈေးကွက်

မုံရွာ၊ ချောင်းဦးမှ ဖရဲသီးများအဝင်များပြီး အရည်အသွေးပေါ်မူတည်၍ တစ်လုံး ၁၅၀၀ ကျပ်မှ ၃၅၀၀ ကျပ်၊ မန္တလေးဝန်းကျင်မှ ရွှေသခွားတစ်လုံး ၂၀၀၀ မှ ၃၅၀၀ ကျပ်၊ ထောပတ်ပဲ ၁၂၀ လုံးပါ တစ်အိတ် ၃၅၀၀၀ကျပ်၊ ရမည်းသင်း စပျစ်သီး(ဒေသသီး)တစ်ပိဿာ ၁၅၀၀၀ ကျပ်၊ အာဂျီအလုံးကြီး တစ်ပိဿာ ၃၂၀၀၀ ကျပ်၊ သီပေါနာနတ်သီးများ လက်ကျန်အရည်သွေးညံ့သွားသောကြောင့် တစ်လုံး ၁၀၀၀ ကျပ်၊ သင်္ဘောသီးတစ်လုံး ၁၅၀၀မှ ၃၀၀၀ ကျပ်ဖြင့် မန္တလေးဝန်းကျင်မြို့များမှ လာရောက်ဝယ်ယူခြင်း ‌‌တောင် တွင်းကြီး၊ အောင်လံ၊ ပြင်ဦးလွင်၊ ပခုက္ကူသို့ တင်ပို့ခြင်း၊ မြို့တွင်းလက်လီဆိုင်များ ပုံမှန်ဝယ်ယူခြင်းဖြင့် ရောင်းဝယ်နေသည်။

ရှမ်းတောင်ခရမ်းချဉ်များ ရာသီကုန်ဝင်ရောက်မှုမရှိတော့ဘဲ မုံရွာ (တရုတ်-တိုင်ပေ) များသာ ဝင်ရောက်မှု ရှိခြင်းကြောင့် တစ်ပိဿာ ၄၀၀၀ ကျပ်ဖြင့် မြို့တွင်းဝယ်ယူမှုရှိပြီး အဝေးတင်ပို့မှု နည်းနေသည်။ ငရုတ်စို(ရှည်)များ လမ်းပန်းဆက်သွယ်ရေးအရ အဝင်နည်းခြင်းကြောင့် ရာသီဥတုကြောင့် အလှနည်းသော်လည်း တစ်ပိဿာ ၅၀၀၀ ကျပ်မှ ၆၀၀၀ ကျပ်၊ ငရုတ်စို(လတ်)တစ်ပိဿာ ၆၀၀၀ မှ ၇၀၀၀ ကျပ် ဈေးဖြင့် မြို့တွင်းသုံးလုပ်ငန်းသမား၊ ငပိထောင်း၊ လက်ဖက်သမားများ အဝယ်များနေသည်။ ဆောင်းကာလဖြစ်၍ ပန်းမုံလာတစ်ပွင့် အရည်အသွေးပေါ်မူတည်၍ ၁၀၀၀ မှ ၁၅၀၀ ကျပ်၊ ဂေါ်ဖီတစ်ထုတ် ၁၅၀၀ မှ ၂၀၀၀ ကျပ်၊ ဘိုစားပဲတစ်ပိဿာ ၄၀၀၀ ကျပ်ဖြင့် စားသောက်ဆိုင်များနှင့် မြို့တွင်းလက်လီဆိုင်များ ပုံမှန်ဝယ်ယူမှုရှိသည်။

ခင်မေကြည်