ရန်ကုန်ဈေးကွက်

(၁၂-၁-၂၀၂၆ ရက်နေ့ ကောက်ယူဈေးနှုန်းများဖြစ်ပါသည်။)

ဆန်ဈေးကွက်

ယခုရက်သတ္တပတ်အတွက်ဆန်စပါးကုန်စည်ဒိုင်(ဝါးတန်းလမ်း)တွင် ထုတ်ပြန်ထားသည့် ဆန်ဈေးနှုန်းများအရ ရွှေဘိုပေါ်ဆန်းဆန် အလတ်စ တစ်တင်းခွဲ တစ်အိတ်လျှင် ၁၉၀၀၀၀ ကျပ်နှုန်းနှင့် အောက်စတစ်အိတ်လျှင် ၁၈၅၀၀၀ ကျပ်နှုန်း၊ ရွှေဘိုပေါ်ဆန်း ဆန်သစ် အလတ်စတစ်တင်းခွဲ တစ်အိတ်လျှင် ၁၇၂၀၀၀ ကျပ်နှုန်းနှင့် အောက်စတစ်အိတ်လျှင် ၁၆၈၀၀၀ ကျပ်နှုန်း၊    ဖျာပုံပေါ်ဆန်း အလတ်စတစ်တင်းခွဲ တစ်အိတ်လျှင် ၁၂၅၀၀၀ ကျပ်နှုန်းနှင့် အောက်စတစ်အိတ် လျှင် ၁၂၀၀၀၀ကျပ်နှုန်း၊ ဇီယာဆန် အသစ် အလတ်စ တစ်တင်းခွဲ တစ်အိတ်လျှင် ၅၅၀၀၀ကျပ်နှုန်းနှင့် အောက်စတစ်အိတ်လျှင် ၅၂၀၀၀ ကျပ်နှုန်း၊ ဧည့်မထ ၂၅ ရာခိုင်နှုန်း အကြမ်းအလတ်စ တစ်တင်းခွဲ တစ်အိတ်လျှင် ၅၀၀၀၀ ကျပ်နှုန်းနှင့် ၂၅ ရာခိုင်နှုန်း အကြမ်းအောက်စတစ်အိတ်လျှင် ၄၉၀၀၀ ကျပ်နှုန်း၊ ငစိန်ဆန်အလတ်စတစ်တင်းခွဲ တစ်အိတ်လျှင် ၅၀၀၀၀ကျပ်နှုန်းနှင့် အောက်စတစ်အိတ်လျှင် ၄၉၀၀၀ကျပ်နှုန်းဖြင့်လည်းကောင်း ရောင်းဝယ်လျက်ရှိကြောင်းသိရ သည်။ ပြည်တွင်းစားသုံးမှုများသော ဆန်ချော၊ ဆန်ကြမ်းများမှာ ဆန်ဟောင်းရော ဆန်သစ်ပါ ဈေးကွက်သို့ ကုန်အဝင်ပုံမှန်ရှိခြင်း၊ ဝယ်လိုအား ပုံမှန်ရှိခြင်း၊ ပြည်ပတင်ပို့မှုပုံမှန်ရှိခြင်းတို့ကြောင့် ယခင်အပတ်ဈေးနှုန်းများဖြင့်သာ  ဈေးငြိမ်အရောင်း အဝယ် ဖြစ်ခဲ့သည်။ ပြည်ပပို့ ဆန်ဈေးကွက်တွင်လည်း အိန္ဒိယနိုင်ငံသည် ဆန်လက်ကျန်များနေခြင်းနှင့် ရောင်းလိုအားများနေခြင်း၊ အင်ဒိုနီးရှားနိုင်ငံနှင့် ဖိလစ်ပိုင်နိုင်ငံသည် ဆန်တင်သွင်းမှုကို ပိတ်ပင်ထားခြင်းတို့ကြောင့် ကမ္ဘာ့ဆန်ဈေးများ ကျဆင်းခဲ့သည်။ ယခုနှစ်စတွင် ဖိလစ်ပိုင်နိုင်ငံသည် ဆန်ဝယ်မည်ဟု ထုတ်ပြန်ထားခြင်း၊ ပို့ကုန်တင်ပို့သူများအနေဖြင့် ပို့ကုန်တင်ပို့ခြင်းမှရရှိသည့်  ပို့ကုန်ရငွေပမာဏ၏ ၂၅ ရာခိုင်နှုန်းအစား ၁၅ ရာခိုင်နှုန်းကိုသာ မြန်မာနိုင်ငံတော် ဗဟိုဘဏ် ၏ သတ်မှတ်ချက်အတိုင်း မြန်မာကျပ်ငွေဖြင့် လဲလှယ်ဆောင်ရွက်ရန် ပြင်ဆင် ဖြေလျော့ထားခြင်း၊  တရုတ်၊ မဒါဂတ်စကာ၊ ဘင်္ဂလားဒေ့ရှိ၊ ပိုလန်၊ဗီယက်နမ်၊ ချက်ရီပတ်ဘလစ်၊ ဖီဂျီ၊ တူရကီ၊ တီမောလက်စတီစသော နိုင်ငံများ အပါအဝင် နိုင်ငံပေါင်း ၂၀ ကျော်သို့ ဆန်ပုံမှန်တင်ပို့မှု ရှိခြင်းတို့ကြောင့် ပြည်ပပို့ဆန်ဈေးနှုန်းများ အကျသက်သာစေနိုင်ကြောင်း သိရသည်။ ပြည်တွင်း ဆန်ဈေးနှုန်းများ တည်ငြိမ်မှန်ကန်မှုရှိစေရန် စားသုံးသူများထံသို့ သင့်တင့် မျှတသောဈေးနှုန်း များဖြင့် ဆန်ကားများလည်း လှည့်လည်ရောင်းပေးလျက်ရှိပြီး ရန်ကုန်ဈေးကွက်သို့ ဖျာပုံ၊ မော်ကျွန်း၊ ဘိုကလေး၊ ကွမ်းခြံကုန်း၊ ဒေးဒရဲ၊  ကော့မှူး၊ တွံတေး၊ ဝါးခယ်မ၊ မြောင်းမြ၊ ကျိုက်လတ်၊ လပွတ္တာ၊ ရွှေဘိုဒေသများမှ ဆန်ဝင်ရောက်မှုပုံမှန်ရှိခဲ့ကြောင်းသိရသည်။

အစေ့ထုတ်ပြောင်းဈေးကွက်

အစေ့ထုတ်ပြောင်းများအား ထိုင်းနိုင်ငံသို့ အကောက်ခွန်လွတ်တင်ပို့ချိန်နီးကပ်လာသော်လည်း ခရစ်စမတ်ပွဲနှင့် နှစ်သစ်ကူးပိတ်ရက်များရှိခဲ့ခြင်း၊ ပထဝီနိုင်ငံရေးအခြေအနေများတင်းမာ နေခြင်းကြောင့် ကမ္ဘာ့ရွှေဈေးမြင့်ကာ ဒေါ်လာငွေလဲနှုန်းများကျဆင်းနေခြင်း၊ မြန်မာပြည်တွင်း၌လည်း ရွေးကောက်ပွဲကာလဖြစ်ခြင်းနှင့်သယ်ယူရန်အခက်အခဲများရှိခြင်းတို့ကြောင့် လှောင်လက်များမှ အစေ့ထုတ်ပြောင်းများအား ဝယ်ယူမှုနည်းခဲ့သည်။ ထို့ကြောင့် အစေ့ထုတ်ပြောင်းဈေးနှုန်းများ ဈေးငြိမ်ကာ အရောင်းအဝယ်အေးခဲ့သည်။ အစေ့ထုတ်ပြောင်း ၅၄ ပိဿာလျှင် ယခင်အပတ် နှင့် ယခုအပတ်ပျမ်းမျှဈေးနှုန်းမှာ ၇၇၇၆၀ ကျပ်ဖြစ်သည်။

စားဖိုဆောင်သီးနှံဈေးကွက်

ငရုတ်စို အမှည့်များ ပြည်ပသို့ တင်ပို့ချိန်ဖြစ်ခြင်းကြောင့် ဈေးမြင့်နေခြင်း၊ ငရုတ်ခြောက် အဟောင်းများ ဈေးကွက်သို့ ကုန်အဝင်နည်းခြင်း၊ အအေးခန်းလှောင်စများလည်း ဈေးကွက်သို့ ကုန်ဝင်ရောက်မှုရှိခြင်းနှင့် အရည်အသွေးပိုမိုကောင်းမွန်ခြင်းတို့ကြောင့် ငရုတ်ခြောက် (ရှည်၊ လတ်၊ပွ) ဈေးနှုန်းများယခင်အပတ်ထက် ဈေးမြင့်ခဲ့သည်။ ငရုတ်ခြောက်(ရှည်)မှာ ပန်းရဲ၊ မြားနီ အဟောင်းစများနှင့်အအေးခန်းလှောင်စများ ကုန်ဝင်ရောက်မှုရှိခဲ့ပြီး ရှမ်းငရုတ်ခြောက်များလည်း ကုန်ဝင်ရောက်မှုရှိခဲ့သည်။ ငရုတ်ခြောက် (လတ်)မှာ ပျော်ဘွယ် မိုးထောင်တစ်မျိုးသာ ကုန်ဝင် ရောက်မှုရှိခဲ့သည်။ ငရုတ်ခြောက်(ပွ)မှာ မြစ်ဝ(ပု)၊ ဇီးပွနှင့် ဆင်ဖြူကျွန်း ငရုတ်ခြောက် ဈေးကွက်သို့ ကုန်ဝင်ရောက်မှုရှိခဲ့ကြောင်းသိရသည်။ ငရုတ်ခြောက်(ရှည်၊လတ်၊ပွ) တစ်ပိဿာ လျှင် ယခင်အပတ်ပျမ်းမျှဈေးနှုန်းမှာ ၁၇၂၅၀-၁၄၇၅၀-၂၇၇၅၀ ကျပ်သို့ ရောက်ရှိဈေးမြင့် ခဲ့ခြင်းဖြစ်သည်။ကြက်သွန်နီ(ထူး၊ လတ်၊ သေး)ဈေးနှုန်းများမှာ နွေကြက်သွန်အဟောင်းများ အရည်အသွေးနိမ့်ကာ ဈေးနိမ့်လာချိန်တွင် မိုးကြက်သွန်နီအသစ်များ ဈေးကွက်သို့ အဝင်ရှိလာ ခြင်း၊အရည်အသွေး၊ အရွယ်အစားလှပကောင်းမွန်ခြင်း၊ စိုက်ပျိုးထွက်ရှိရာ ဒေသမှပြည်ပသို့ တင်ပို့ မှုရှိခြင်းတို့ကြောင့်ယခင်အပတ်ထက်သိသာစွာဈေးမြင့်လာခဲ့သည်။ ကြက်သွန်နီ(ထူး၊လတ်၊သေး) တစ်ပိဿာလျှင် ယခင်အပတ်ပျမ်းမျှဈေးနှုန်းမှာ ၂၉၀၀-၂၂၅၀-၁၆၀၀ ကျပ်ဖြစ်ပြီး ယခုအပတ် ဈေးနှုန်းမှာ ၃၃၀၀-၃၅၀၀-၂၁၇၅ ကျပ်သို့ ရောက်ရှိဈေးမြင့်ခဲ့သည်။ ရန်ကုန်ဈေးကွက်သို့ ဆိတ်ဖြူ၊ မြင်းခြံ၊ မြစ်သား၊ မိတ္ထီလာ၊ ပခုက္ကူဒေသများမှ ကြက်သွန်နီအဟောင်းအသစ်များ ကုန်ဝင်ရောက်မှုရှိခဲ့ပြီး၊ ပြည်ပတင်ပို့ရန်အဝယ်များသော ကြက်သွန်နီအလတ်စမှာ ဈေးအမြင့်ဆုံး ဖြစ်ခဲ့သည်။ကြက်သွန်ဖြူ(ကြူကုတ်)မှာ ပြည်ပမှ တင်သွင်းဈေးမြင့်ခြင်းနှင့် သယ်ယူပို့ဆောင် စရိတ်များဈေးမြင့်နေခြင်းတို့ကြောင့် ကုန်အဝင်များလာသော်လည်း ယခင်အပတ်ထက်ဈေးမြင့်ခဲ့ သည်။ ကြက်သွန်ဖြူ(ရှမ်း)မှာ ကြူကုတ်စဈေးမြင့်နေခြင်းကြောင့် ရှမ်းစများအား ဝယ်ယူစားသုံး မှုများကာ ယခင်အပတ်ထက်သိသာ စွာဈေးမြင့်ခဲ့သည်။ ကြက်သွန်ဖြူ(ကြူကုတ်) တစ်ပိဿာ လျှင် ယခင်အပတ်ပျမ်းမျှဈေးနှုန်းမှာ ၁၂၅၀၀ ကျပ်ဖြစ်ပြီး ယခုအပတ်ဈေးနှုန်းမှာ ၁၄၀၀၀ ကျပ်သို့ ရောက်ရှိ ဈေးမြင့်ခဲ့သည်။ ကြက်သွန်ဖြူ(ရှမ်း) တစ်ပိဿာလျှင် ယခင်အပတ် ပျမ်းမျှဈေးနှုန်းမှာ ၅၀၀၀ ကျပ်ဖြစ်ပြီး ယခုအပတ်ဈေးနှုန်းမှာ ၈၀၀၀ ကျပ်သို့ ရောက်ရှိ ဈေးမြင့်ခဲ့သည်။ အာလူး ဈေးနှုန်းများမှာ ဈေးကွက်သို့ ဟဲဟိုးနှင့် အောင်ပန်းဒေသမှ အာလူးများ၊ တရုတ်အာလူးများ ကုန်ဝင်ရောက်မှုရှိခဲ့ပြီး တရုတ်အာလူးမှာ ဈေးငြိမ်ကာ အရောင်းအဝယ်ပုံမှန်ရှိခဲ့သည်။ ရှမ်းအာလူးများမှာ အသေးစများခြင်းနှင့် ရောင်းလိုအားများခြင်းကြောင့် အာလူး (အေဝမ်း)မှာ ဈေးနိမ့်ခဲ့သည်။ အာလူး အိုကေနှင့် အက်စ်ဝမ်းမှာမူ အရည် အသွေး၊ အရွယ်အစား လှပကောင်း မွန်ခြင်းနှင့်စားသုံးသူများမှ ဝယ်လိုအားများခြင်းကြောင့် ဈေးမြင့်လာခဲ့သည်။ တရုတ်အာလူး တစ်ပိဿာလျှင် ယခင်အပတ်နှင့် ယခုအပတ်ပျမ်းမျှဈေးနှုန်းမှာ ၅၅၀၀ ကျပ်ဖြစ်သည်။ရှမ်း အာလူး (A1-OK-S1)တစ်ပိဿာလျှင် ယခင်အပတ်ပျမ်းမျှဈေးနှုန်းမှာ ၃၅၀၀-၄၀၀၀-၄၅၀၀ ကျပ်ဖြစ်ပြီး ယခုအပတ်ဈေးနှုန်းမှာ ၃၂၀၀-၄၂၀၀-၅၀၀၀ ကျပ်ဖြစ်သည်။  

စားသုံးဆီဈေးကွက်

စားအုန်းဆီတင်သွင်း သိုလှောင်ဖြန့်ဖြူးခြင်း၊ လုပ်ငန်းကြီးကြပ်မှု ကော်မတီ၏ ၂၀၂၆ ခုနှစ်၊ ဇန်နဝါရီ ၉  ရက်မှ ၁၅  ရက်အထိ ကုန်ဆုံးသော ကာလအတွက် ထုတ်ပြန်ထားသော ရန်ကုန်အထိုင်လက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၆၁၀၀ ကျပ်ဖြစ်သည်။ ယခင်အပတ်ဈေးနှုန်းနှင့် နှိုင်းယှဉ်ပါက တစ်ပိဿာလျှင် ၄၀ ကျပ် ဈေးမြင့် လာခဲ့ခြင်းဖြစ်သည်။ ပြင်ပရှိလက်လီဈေးကွက်တွင် သတ်မှတ်ထားသော ဆီဆိုင်အချို့၌ ရည်ညွှန်းဈေးနှုန်းထက်များစွာမကွာသောဈေးနှုန်းများဖြင့် တစ်အိမ်ထောင်လျှင်၅၀ ကျပ်သားနှုန်း ရောင်းချပေးလျက်ရှိသည်။ အချို့သော မြို့နယ်များတွင် စားအုန်းဆီတစ်ပိဿာ၏ ပြင်ပပေါက်ဈေးမှာ ၁၀၀၀၀ ကျပ်ဝန်းကျင်ဖြစ်သည်။                                                 

 အေးသန္တာဝင်း