မန္တလေးဈေးကွက်

မန္တလေးပွဲစားကုန်သည် စက်ပိုင်ကထိန်တော်အသင်း၊ ကိုင်းတန်းဈေး၊ သီရိမာလာဈေးတို့မှ ၂၅-၁၀-၂၀၂၅ ရက်နေ့ ကောက်ယူဈေးနှုန်းများဖြစ်ပါသည်။

ဆန်နှင့်ဆီဈေးကွက်

မန္တလေးဈေးကွက်တွင် ရန်ကုန် ပေါ်ဆန်ုးမှာ မြို့တွင်းစားသုံးရန် ဝယ်ယူမှုနည်းသော်လည်း မိုးစပါးလက်ကျန်၊ လှောင်သမားထံမှ ဝယ်ရခြင်း ကြောင့် တစ်အိတ် ၁၂၅၀၀၀ကျပ်ဖြင့် ဈေးတည်ငြိမ်နေပြီး ရွှေဘိုပေါ်ဆန်းမှာလည်း စိုက်ဧကနည်း၊ အထွက် နည်း၊ အဝင်နည်းခြင်းကြောင့် ဝယ်ယူမှုပုံမှန်ရှိသော်လည်း တစ်အိတ် ၁၄၅၀၀၀ကျပ်ဖြင့် ဈေးတည်ငြိမ်နေသည်။ မနောသုခဆန်မှာ အသစ်အဝင်နည်းသွားခြင်း၊ အရည်အသွေးဆန်ရည်ဆန်သားပေါ်မူတည်၍ ဈေးကွာခြားမှုရှိခြင်းကြောင့် တစ်အိတ်အရည် အသွေး ညံ့ ၇၈၀၀၀ကျပ်မှ အကောင်းဆုံး ၈၅၀၀၀ကျပ်ဈေးဖြင့် ရောင်း ဝယ်နေသည်။ ငစိန်ဆန်မှာ ရန်ကုန်မှ တစ်ဆင့်ဝင်ရောက်ခြင်း အဝင်နည်းခြင်း၊ မုန့်လုပ်ငန်းသမားအဝယ်နည်းခြင်းကြောင့် တစ်အိတ် ၆၀၀၀၀ ကျပ်မှ ၅၉၀၀၀ ကျပ်သို့ ဈေးမသိမသာနိမ့်သွားသည်။ ဇီယာဆန်မှာ အသစ်ဝင် ရောက်မှုနည်းသွားခြင်း၊ မြို့တွင်းသုံးဝယ်ယူမှုပုံမှန်ရှိခြင်းကြောင့် တစ်အိတ် ၇၅၀၀၀ ကျပ်မှ ၈၂၀၀၀ ကျပ်သို့ ဈေးမြင့်သွားသည်။ ဧရာမင်းဆန်မှာ အဝင်နည်းခြင်းကြောင့် မြို့တွင်းစားသုံးရန်နှင့် မန္တလေးဝန်းကျင်မှ ဝယ်ယူမှုနည်း သော်လည်း တစ်အိတ် ၁၃၅၀၀၀ ကျပ်ဖြင့် ဈေးတည်ငြိမ်နေသည်။ စားသုံးဆီဈေးနှုန်များအနေဖြင့် မြေပဲ(လုံးဆန်/ ဆီဆန်)ဈေးတည်ငြိမ်သဖြင့် ပဲဆီတစ်ပိဿာ ၁၄၀၀၀ ကျပ်၊ နှမ်းဆီတစ်ပိဿာ ၁၂၅၀၀ ကျပ်ဖြင့် ဈေးငြိမ်နေသည်။

ဆီထွက်သီးနှံဈေးကွက်

မန္တလေးပွဲစားကုန်သည် စက်ပိုင်ကထိန်တော်အသင်းတွင် ဆီထွက်သီးနှံများအနက် မြေပဲ(လုံးဆန်) ဈေးနှုန်းမှာ မြင်းမူဘက်မှ အဝင်များပြီး အရည်အသွေးကွာခြားမှုပေါ်မူတည်၍ ၁၀၀ ပိဿာ ၇၉၀၀၀၀မှ ၈၅၀၀၀၀ ကျပ်ထိ ဈေးအမျိုးမျိုးနှင့် လုပ်ငန်းသမားနှင့် တရုတ်ဝယ်လက် အနည်းငယ်ရှိသည်။ မြေပဲဆီဆန်ဈေးနှုန်းမှာ တပ်ကုန်း၊ ရမည်းသင်း၊ နွားထိုးကြီး၊ ကျောက်ပန်းတောင်းတို့မှ အဝင်နည်း သွားခြင်း၊ ဆီစက်သမားအဝယ်ပုံမှန်ရှိခြင်းကြောင့် ၁၀၀ပိဿာအရည်အသွေးအကောင်းဆုံး ၁၀၀ ပိဿာ ၇၁၅၀၀၀ မှ ၇၇၅၀၀၀ကျပ်သို့ ဈေးမြင့်သွားသည်။ နှမ်းမျိုးစုံတို့အနက် နှမ်းဖြူ(ဂျပန်)မှာ ၄၅ ပိဿာတစ်အိတ် ၃၁၅၀၀၀ကျပ် ဈေးရှိပြီး၊ နှမ်းဖြူ(ရိုးရိုး)မှာ တရုတ်ဝယ်လက်အနည်းငယ်ရှိခြင်း၊ လုပ်ငန်းသမားအဝယ်ရှိခြင်းကြောင့် ၄၅ပိဿာတစ်အိတ်၂၆၅၀၀၀ကျပ်မှ ၂၈၅၀၀၀ကျပ်သို့ ဈေးမသိမသာမြင့်သွားသည်။ နှမ်းညိုမှာ အသစ်အဝင်ရှိသော်လည်း ဆီစက်သမား အဝယ်များခြင်းကြောင့် ၄၅ပိဿာ တစ်အိတ် အရည်အသွေးအကောင်းဆုံး ၂၇၅၀၀၀ ကျပ်မှ ၂၈၂၀၀၀ ကျပ်သို့ ဈေးမသိမသာမြင့်သွားသည်။ နှမ်းနက်မှာ မိုးမလွတ် နှမ်းနက်စမုံ ၄၅ပိဿာ ၇၁၅၀၀၀ကျပ်မှ ၇၅၀၀၀ကျပ်သို့ ဈေးမြင့်သွားပြီး နှမ်းနက် (AV) မှာ ၇၅၅၀၀၀ ကျပ်မှ ၇၉၀၀၀ကျပ်သို့ ဈေးမြင့်သွားသည်။ ပန်းနှမ်းဈေးနှုန်းအနေဖြင့် အဝင်နည်းခြင်း၊ အသစ်မဝင်သေးသဖြင့် ပစ္စည်းရှားခြင်း၊ ဈေးမြင့်သဖြင့် ဆီစက်သမား၊ ဘယဆေးသမားအဝယ်နည်း အရောင်းအဝယ်အေးခြင်းကြောင့် တစ်အိတ် ၂၉၅၀၀၀ကျပ်ဖြင့် ဈေးတည်ငြိမ်နေသည်။ နေကြာဈေးနှုန်းအနေဖြင့် မိုးနေကြာ အဝင်နည်းခြင်း၊ ဆီစက်သမားအဝယ်ပုံမှန်ရှိခြင်းကြောင့် ၂၇ပိဿာ ၁၉၃၀၀၀ကျပ်ဖြင့် ဈေးတည်ငြိမ်နေသည်။

စားဖိုဆောင်သီးနှံဈေးကွက်

သာစည်၊ ပျော်ဘွယ်၊ ရမည်းသင်းတို့မှ ငရုတ်ခြောက်(ရှည်) တစ်ပိဿာ ၁၂၀၀၀ကျပ်ဖြင့် မြို့တွင်းသုံးနှင့် မန္တလေးဝန်းကျင်မှ ဝယ်ယူမှုရှိသည်။ ငရုတ်ခြောက်(ပွ)မှာ ဧရာဝတီတိုင်းမှ ဝင်ရောက်ပြီး Air-con ပွများဖြစ်ခြင်းကြောင့် တစ်ပိဿာ ၃၀၀၀၀ကျပ်မှ ၃၅၀၀၀ ကျပ်သို့ ဈေးမြင့်သွားသည်။ ကြက်သွန်နီဈေးနှုန်းအနေဖြင့် မုံရွာ၊ ထီးဆောင်း၊ မြင်းခြံနယ်စုံမှ ဝင်ရောက်ပြီး အဝင်နည်းသွားခြင်း၊ မန္တလေးအနီးဝန်းကျင်မှ ဝယ်ယူမှုရှိခြင်းကြောင့် ကြီးတစ်ပိဿာ ၁၅၀၀ကျပ်မှ ၁၈၀၀ကျပ်သို့ ဈေးမြင့်သွားပြီး လတ်တစ်ပိဿာ ၁၀၀၀ကျပ်၊ သေးတစ်ပိဿာ ၇၀၀ ကျပ်ဖြင့် ဈေးတည်ငြိမ်နေသည်။ ကြက်သွန်ဖြူ(တရုတ်)မှာ အဝင်ပုံမှန်၊ မြို့တွင်းလက်လီဆိုင်များ အဝယ်ပုံမှန်ရှိခြင်းကြောင့် တစ် ပိဿာ ၁၂၀၀၀ကျပ်ဖြင့် ဈေးတည်ငြိမ်နေသည်။ ကြက်သွန်ဖြူ(ရှမ်း)မှာ  အဝင်ပုံမှန်၊ မြို့တွင်းသုံးပုံမှန် ရှိခြင်း ကြောင့် အရည်အသွေးပေါ်မူတည်၍ တစ်ပိဿာ ၂၀၀၀ကျပ်မှ ၆၅၀၀ကျပ် ဈေးအမျိုးမျိုးဖြင့် ရောင်းဝယ် နေသည်။ ရွှေဘိုဘက်မှ မြန်မာဖြူမှာ အရည် အသွေးပေါ်မူတည်၍ တစ်ပိဿာ ၇၀၀၀ကျပ်မှ ၉၀၀၀ကျပ်ထိ ဈေးအမျိုးမျိုးဖြင့် ရောင်းဝယ်မှုရှိသည်။ အာလူးဈေးနှုန်းမှာ တရုတ်အာလူးများ အဝင်ရှိပြီး တစ်ပိဿာ ၆၈၀၀ ကျပ်၊ အောင်ပန်းမှ ဒေသအသီး များမှာ အရည်အသွေးပေါ်မူတည်၍ တစ်ပိဿာ ၄၀၀၀ ကျပ်မှ ၆၀၀၀ ကျပ်ဖြင့် ရောင်း ဝယ်နေသည်။

ပဲမျိုးစုံ ဈေးကွက်အခြေအနေ

မတ်ပဲဈေးနှုန်းမှာ ရန်ကုန် ဝယ်လက်အဝင်ပုံမှန်၊ ကျောက်ရစ်ပဲ အဝင်ပုံမှန်ရှိခြင်းကြောင့် ၃တင်းတစ်အိတ် ၂၆၀၀၀၀ ကျပ်ဖြင့် ဈေးတည် ငြိမ်နေပြီး အညာမတ်ပဲ၊ ခြံပဲများမှာ အရည်အသွေး အနိမ့်ဆုံး ၃ တင်းတစ်အိတ် ၁၇၀၀၀၀ ကျပ်မှ အကောင်း ဆုံး ၂၂၀၀၀၀ ကျပ်ဖြင့် ပုံမှန်ဝယ်ယူမှုရှိသည်။ ပဲတီစိမ်း ဈေးနှုန်းမှာ မိုးပဲတီစိမ်းများ အဝင်ရှိခြင်း၊ တရုတ်ဝယ်လက်နည်းခြင်း၊ ပဲခွဲစက်များ ဝယ်ယူ မှုနည်းခြင်းကြောင့် ၃တင်းတစ်အိတ် ၃၃၅၀၀၀ ကျပ်ဖြင့် ဈေးတည်ငြိမ်နေသည်။ ပဲစဉ်းငုံ (ဖြူ/နီ) တို့မှာ အသစ်ဝင်ချိန်နီးခြင်း၊ လက်ကျန်နည်းခြင်း၊ လှောင်သမားထုတ်ရောင်းမှုရှိခြင်း၊ အိန္ဒိယပို့ရန် အဝယ်နည်းသော်လည်း ၃ တင်းတစ်အိတ် ၂၄၁၀၀၀ ကျပ်မှ ၂၄၆၀၀၀ ကျပ်သို့ ဈေးမြင့်သွားပြီး ပဲစဉ်းငုံ (ဖြူ) မှာ မြို့တွင်းခွဲစက်များ၊ အဝယ်သာရှိခြင်း၊ အရောင်းအဝယ်အေးခြင်းကြောင့် တစ်အိတ် ၂၃၀၀၀၀ ကျပ်ဖြင့် ဈေးတည်ငြိမ်နေသည်။ ပဲပုတ် (ရှမ်း/မြန်မာ) တို့မှာ မိုးပဲပုတ် အဝင်နည်းခြင်း၊ လုပ်ငန်းသမား အဝယ်ပုံမှန် ရှိခြင်းကြောင့် ပဲပုတ် (မြန်မာ) ၃တင်းတစ်အိတ် ၃၆၀၀၀၀ ကျပ်ဖြင့်ဈေးတည်ငြိမ်နေပြီး ပဲပုတ် (ရှမ်း)မှာ မိုးပဲပုတ် အဝင်နည်း ခြင်း၊ ဆီစက်သမား အဝယ်များခြင်းကြောင့် အရည်အသွေး အကောင်းဆုံး ၃တင်း တစ်အိတ် ၂၇၈၀၀၀ ကျပ်မှ ၃၀၀၀၀၀ ကျပ်သို့ ဈေးမြင့်သွားသည်။ ကုလားပဲ (လုံးဖြူကြီး) မှာ စတင်စိုက်ပျိုးရန် ပြင်ဆင်ချိန် ဖြစ်ခြင်းကြောင့် လှောင်သမား ထုတ်ရောင်းမှုရှိခြင်း၊ လုပ်ငန်းသမား အဝယ်နည်းခြင်းကြောင့် ၃ တင်းတစ်အိတ် ၂၅၀၀၀၀ ကျပ် မှ ၂၄၀၀၀၀ ကျပ်သို့ ဈေးမသိမသာနိမ့်သွားသည်။ ကုလားပဲ (လုံးဝါကြီး) မှာ အဝင်ပုံမှန် ပဲခွဲစက်များ အဝယ်ပုံ မှန်ရှိခြင်းကြောင့် တစ်အိတ် ၂၃၀၀၀၀ ကျပ်ဖြင့်လည်းကောင်း၊ လုံးဝါကြီးဈေးငြိမ်သဖြင့် ခွဲခြမ်းမှာလည်း တစ်ပိဿာ ၅၈၀၀ ကျပ်ဖြင့် ဈေးတည်ငြိမ်နေသည်။ မြေထောက်ပဲမှာ မုံရွာနှင့် အညာဒေသများမှ ဝင်ရောက် ပြီး မုံရွာပဲမှာ အရည်အသွေးပေါ်မူတည်၍ အညံ့ဆုံး ၃တင်းတစ်အိတ် ၁၇၀၀၀၀ ကျပ်မှ ၂၁၀၀၀၀ ကျပ် အညာပဲမှာ အရည်အသွေးအကောင်းဆုံး ၂၇၀၀၀၀ ကျပ်ဖြင့် ပဲကြော်/လှော်သမားများနှင့် လက်လီသမားများ အဝယ်ပုံမှန်ရှိနေသည်။ ပဲယင်းကြီးမှာ အဝင်ပုံမှန် ပဲခွဲစက်နှင့် ကြာဇံသမားအဝယ်ပုံမှန် ရှိခြင်းကြောင့် တစ်အိတ် ၂၂၀၀၀၀ ကျပ်ဖြင့် ဈေးတည်ငြိမ်နေသည်။ စားတော်ပဲ (ကျွန်း)မှာ အဝင်နည်းခြင်း၊ လုပ်ငန်းသုံးအဝယ်များခြင်း၊ အရည်အသွေးကောင်း၍ လက်လီသမားအဝယ်များခြင်းကြောင့် ၃တင်းတစ်အိတ် ၈၃၀၀၀၀ ကျပ်မှ ၈၅၀၀၀၀ ကျပ်သို့ ဈေးမြင့်သွားသည်။ ပဲကြီး (ကြီး/သေး)၊ ထောပတ်ပဲ (ကြီး/သေး)တို့မှာ မိုးပဲအဝင်နည်းခြင်း၊ လုပ်ငန်းသုံးအဝယ် ပုံမှန်ရှိခြင်းကြောင့် ပဲကြီး(ကြီး)ကျေက်တွင်းပဲ ၃တင်းတစ်အိတ် ၄၄၀၀၀၀ကျပ်မှ ၄၈၀၀၀၀ကျပ်၊ ပဲကြီး(သေး) ၃၃၀၀၀၀ မှ ၃၅၀၀၀၀ကျပ်သို့ ဈေးမြင့်သွားသည်။ ထောပတ်ပဲ(ကြီး)မှာ အသစ်ဝင်ရောက်မှုရှိခြင်း၊ ပဲကြော်/လှော်သမား အဝယ်ပုံမှန်ရှိခြင်းကြောင့် ထောပတ်ပဲ (ကြီး) ၃တင်းတစ်အိတ် ၂၉၀၀၀၀ကျပ်မှ ၂၇၅၀၀၀ကျပ်သို့ ဈေးနိမ့်သွား ပြီး၊ ထောပတ်ပဲ(သေး)မှာ လုပ်ငန်းသုံးအဝယ်နည်းခြင်းကြောင့် ၃ တင်းတစ်အိတ် ၁၈၀၀၀၀ ကျပ်ဖြင့် ရောင်း ဝယ်နေသည်။

ဂျုံနှင့်စေ့ထုတ်ပြောင်းဈေးကွက်

ဂျုံဈေးနှုန်းများအနေဖြင့် အထွက်နည်း၊ အဝင်နည်းခဲ့ခြင်း၊ လှောင်သမားထံမှ ဝယ်ရခြင်း၊ ဂျုံစက်များဝယ်ယူမှုပုံမှန်ရှိခြင်းကြောင့် ငါန်းဇွန်း၊ မြင်းမူ၊  မြောင်၊ ဆားတောင်၊ ဘုတလင်၊ မုံရွာဂျုံများအရည်အသွေးအကောင်းဆုံး ၂၃၅၀၀၀ကျပ်မှ ၂၄၀၀၀၀ကျပ်သို့ ဈေးမသိသာမြင့်သွားသည်။ ရှမ်းဂျုံမှာ လူကြိုက်နည်း၊ လက်ကျန်များခြင်းကြောင့် အရည်အသွေးအကောင်း ဆုံး ၃တင်းတစ်အိတ် ၂၀၅၀၀၀ကျပ်မှ  ၂၀၀၀၀၀ကျပ်သို့ ဈေးနိမ့်သွားသည်။ ကြူးကုတ်ဂျုံမှာ အဝယ်ပုံမှန် ရှိခြင်းကြောင့် ၃တင်းတစ်အိတ် ၁၉၅၀၀၀ကျပ် ကလေးဂျုံတစ်အိတ် ၂၀၀၀၀၀ ကျပ် ဈေးအသီးသီးဖြင့် ရောင်းချနေသည်။ ဩစတေးလျဂျုံမှုန့်မှာ တစ်ပိဿာ၃၈၅၀ ကျပ်ဖြင့် မုန့်လုပ်ငန်းသမားများ လက်လီဝယ်ယူမှု ရှိသည်။ အစေ့ထုတ်ပြောင်းဈေးနှုန်းမှာ မိုးပြောင်းများ စတင်ဝင်ရောက်မှုရှိသော်လည်း အရည်အသွေးကောင်း ရှားခြင်းကြောင့် ၃တင်းတစ်အိတ် ၇၄၀၀၀ ကျပ်မှ အကောင်းဆုံး ၈၀၀၀၀ ကျပ်ဖြင့် တိရိစ္ဆာန်အစာစပ် သမားများ ဝယ်ယူမှုရှိသည်။

သစ်သီးဝလံနှင့် ဟင်းသီးဟင်းရွက် ဈေးကွက်

သစ်သီးပွဲရုံများတွင် သီပေါမှ ကဗ္ဗလာသီးများ လှိုင်လှိုင်ဝင်ရောက်ပြီး ၁၀၀ ပိဿာ ၃၀၀၀၀၀ ကျပ်၊ ထောပတ်သီး ၁၂၀ လုံးပါ တစ်အိတ် အရည်အသွေးပေါ်မူတည်၍ ၂၅၀၀၀ ကျပ်မှ ၃၀၀၀၀ ကျပ်ဖြင့် ရောင်းဝယ်နေသည်။ သခွားမွှေးသီးများ ချောင်းဦးဘက်မှ ဝင်ရောက်ပြီး တစ်လုံး ၃၀၀၀ မှ ၅၀၀၀ ကျပ်၊ အုန်းချောဘက်မှ သင်္ဘောသီး တစ်လုံး ၂၅၀၀ မှ ၃၀၀၀ ကျပ်၊ ပုပ္ပားမှ နဂါးမောက်သီး ၁၈လုံးပါ တစ်ဖာ ၂၅၀၀၀ ကျပ် ၂၄လုံးပါတစ်ဖာ ၂၀၀၀၀ ကျပ်ဖြင့် မန္တလေးဝန်းကျင်နှင့် အမှာရှိသော မြို့များသို့ တင်ပို့မှု ရှိသော်လည်း လမ်းပန်းဆက်သွယ်ရေးကြောင့် နယ်ဝေးတင်ပို့မှုနည်းနေသည်။ ဟင်းသီး/ရွက်ဈေးနှုန်း အနေဖြင့် မိတ္ထီလာ၊ သာစည်တို့မှ ငရုတ်စို (ရှည်) တစ်ပိဿာ ၃၅၀၀ ကျပ်၊ ချောင်းဦးဘက်မှ ငရုတ်စို (လတ်) တစ်ပိဿာ ၅၀၀၀ ကျပ်ဖြင့် ငပိထောင်းလက်ဖက်လုပ်ငန်းသမားများ ပုံမှန်ဝယ်ယူမှုသာရှိသည်။ အောင်ပန်း ဂေါ်ဖီ တစ်ထုပ် ၁၅၀၀ ကျပ်၊ ပန်းမုံလာတစ်ပွင့် ၁၂၀၀ ကျပ်၊ ဂေါ်ရခါးသီးတစ်လုံး ၂၀၀ ကျပ်ဖြင့် စားသောက်ဆိုင်နှင့် လက်လီသမား အဝယ်များသည်။                                                                 

 ခင်မေကြည်