ဧရာဝတီတိုင်းဒေသကြီးတွင် မြန်မာ့ဒူးရင်း စိုက်ပျိုးသူများနှင့် တင်ပို့ရောင်းချသူများ အဖွဲ့ ဖွဲ့စည်း

မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP) သည် မြန်မာနိုင်ငံ ဒူးရင်းစိုက်ပျိုးသူများနှင့် တင်ပို့ရောင်းချသူများအဖွဲ့ (ဧရာဝတီတိုင်းဒေသကြီး)ကို ပုသိမ်မြို့ရှိ စိုက်ပျိုးရေးဦးစီးဌာနတွင် သြဂုတ် ၂ ရက်က ဖွဲ့စည်းခဲ့ကြောင်း သိရှိရသည်။

အဆိုပါအခမ်းအနားကို ဧရာဝတီတိုင်းဒေသကြီးရှိ သာပေါင်း၊ ပုသိမ်၊ ညောင်တုန်း၊ မအူပင်၊ လပွတ္တာ၊ ပန်းတနော်နှင့် မြောင်းမြမြို့နယ်တို့မှ ဒူးရင်းစိုက်ပျိုးသူများ တက်ရောက်ခဲ့ကြသည်။ မြန်မာနိုင်ငံ ဒူးရင်းစိုက်ပျိုးသူများနှင့် တင်ပို့ရောင်းချသူများအဖွဲ့ (ဧရာဝတီတိုင်းဒေသကြီး)တွင် ဗဟို အလုပ်အမှုဆောင်နှင့် အလုပ်အမှုဆောင် ၂၁ ဦး ပါဝင်ကြောင်း သိရသည်။

အဆိုပါအဖွဲ့သည် ယခုအချိန်အထိ ဖွဲ့စည်းထားရှိပြီးသော မြန်မာနိုင်ငံ ဒူးရင်းစိုက်ပျိုးသူများနှင့်တင်ပို့ရောင်းချသူများ၏ ပဉ္စမမြောက်အဖွဲ့ဖြစ်သည်။ သက်ဆိုင်ရာအဖွဲ့များကို ရန်ကုန်၊ ပုဂံ၊ မွန်ပြည်နယ်နှင့် ကရင်ပြည်နယ်တို့တွင် ဖွဲ့စည်းထားရှိပြီးဖြစ်ကြောင်း သိရှိရသည်။

ဟေမာန်အောင်မင်း

https://www.gnlm.com.mm/mfvp-forms-myanmar-durian-growers-and-exporters-group-in-ayeyawady-region/#article-title