တောင်ငူတွင် ရာသီအစောပိုင်း ရင့်မှည့်သော မရမ်းချိုသီးများ ရောင်းအားကောင်းနေ

တောင်ငူမြို့နယ်တွင် ရာသီပေါ်မရမ်းချိုသီးများ ရောင်းအားကောင်းနေကြောင်း သစ်သီး ရောင်းချသူများထံမှ သိရှိရသည်။ တောင်ငူတွင် လတ်လတ်ဆတ်ဆတ် ခူးဆွတ်ထားသော မရမ်းချိုသီးများ ဝယ်ယူရရှိနိုင်သည်မှာ တစ်ပတ်ခန့်ရှိနေပြီး ဝယ်ယူလိုသူ အများအပြား ရှိနေသည်။

တောင်ငူတွင် မရမ်းချိုသီးများ လာမည့်သီတင်းပတ် နှစ်ပတ်အတွင်း လှိုင်လှိုင်ထွက်ရှိမည်ဖြစ်သည်။ စားသုံး သူများကလည်း အသီး၏ အရသာကို ကြိုက်နှစ်သက် ကြကြောင်း သိရသည်။ “ရာသီပေါ်သီးနှံဖြစ်သည့် မရမ်းသီးကို ဝယ်လိုအားများသည်မှာ ပုံမှန်ဖြစ်ကြောင်း” တောင်ငူမြို့နယ်ရှိ ဒေသထွက်သီးနှံများ ရောင်းဝယ်နေသူ မမယ်ငြိမ်းမှ ပြောကြားသည်။

တောင်ငူဒေသတွင် မတ်လသည် မရမ်းသီးရာသီဖြစ်ပြီး၊ ဧပြီလသည် လိုင်ချီးသီးနှင့် မေလသည် မင်းဂွတ်သီးနှင့် ဒူးရင်းသီး ရာသီဖြစ်ပါသည်။ မရမ်းချိုသီးသည် တောင်ငူဒေသထွက် အသီးတစ်မျိုးဖြစ်ပြီး အရသာက ချိုကြောင်း၊ လက်ရှိတွင် ဝယ်လိုအားများနေပြီး မကွေးမြို့မှ မှာယူမှု များပြားကြောင်း သိရှိရသည်။

လင်းလဲ့ရည်အောင်

https://www.gnlm.com.mm/early-sweet-marian-plum-sells-well-in-toungoo/#article-title