အောင်ပန်းတွင် အာတာလွတ်ဥများ ရှားပါးလာသော်လည်း ရန်ကုန်မှ ဝယ်လိုအားမြင့်တက်နေ

အာတာလွတ်ဥ လက်ကျန်နည်းပြီး ရှားပါးသည့် ရာသီအချိန်၌ ရန်ကုန်မှ အာတာလွတ်ဥအများစု မှာယူထားကြောင်း အောင်ပန်းသစ်သီး ဝလံဈေးကွက်အရ သိရှိရသည်။ အာတာလွတ်ဥရာသီ ကုန်ခါနီးအချိန်ဖြစ်သော်လည်း အာတာလွတ်ဥအများအပြား  ဝယ်ယူလျက်ရှိကြပြီး မှာယူမှုအများစုမှာ ရန်ကုန်၊ မန္တလေးနှင့် မြိတ်ဒေသများမှ ဖြစ်ကြသည်။ ၎င်းဒေသများထဲမှ ရန်ကုန်က ထိပ်ဆုံးမှမှာယူသည့်မြို့တစ်မြို့ဖြစ် သည်။ အာတာလွတ်ဥ လက်ကားဈေးနှုန်းများမှာ တစ်ပိဿာလျှင် ၂၀၀၀-၂၅၀၀ ကျပ်မှ ၁၃၀၀ ကျပ်အထိ လျော့ကျသွားခဲ့ပြီး တဖန် ၁၅၀၀ ကျပ်အထိ ပြန်လည်မြင့်တက်လာခဲ့ကြောင်း အာတာလွတ်ဥ စိုက်ပျိုးသည့် အောင်ပန်းတောင်သူတစ်ဦးက ပြောကြားသည်။

လာမည့်ဇန်နဝါရီလလောက်တွင် အာတာလွတ်ဥ ရာသီကုန်ပြီဖြစ်သည့်အတွက် ဈေးကွက်ထဲ၌ လုံးဝပြတ်လပ်သွားမည်ဖြစ်သည်။ ဟင်းသီးဟင်းရွက်များနှင့် ဥစားသီးနှံများသည် ပေါများသည့် ရာသီ၌ ဈေးကျလေ့ရှိပြီး ရှားပါးလာသည့်အချိန်တွင် ဈေးနှုန်းအနည်ငယ် မြင့်တက်လေ့ရှိသည်။ ဒီဇင် ဘာလတွင် အာတာလွတ်ဥများ ရှားပါးလာမည်ဖြစ်ပြီး အရွယ်အစားလည်း သေးငယ်သွားမည်ဖြစ်သည်။ ကန်စွန်းဥ၊ အာတာလွတ်ဥနှင့် ပိန်းဥကဲ့သို့သော ဥစားသီးနှံများ အားလုံးကို သီတင်း ကျွတ်မတိုင်မီတွင်လည်း တူးဖော် လေ့ရှိပြီး ဈေးကွက်ထဲတွင်လည်း ရရှိနိုင်ကြောင်း သိရှိရသည်။

နွေးနွေးအောင်

https://www.gnlm.com.mm/242748-2/