ဘိုစားပဲ အရောင်းအဝယ်ကောင်းသော်လည်း ယခင်နှစ်ဈေးနှုန်းထက် အနည်းငယ် ကျဆင်း

ယခုလတ်တလောတွင် ဘိုစားပဲဈေးနှုန်းများ အနည်းငယ်မြင့်တက်လာသည့်အပြင် ရောင်းအားလည်းတိုးလာကြောင်း အောင်ပန်းဟင်းသီး ဟင်းရွက်ဈေးကွက်မှ သိရှိရသည်။ မှာယူမှုများ မြင့်တက်ခဲ့ပြီး အများစုမှာ ရန်ကုန်မှ မှာယူခြင်းဖြစ်သည်။
“ဘိုစားပဲသည် အရောင်းရဆုံးသီးနှံများထဲတွင်ပါဝင်ကြောင်း၊ လတ်တလောတွင် ဘိုစားပဲ ဈေးနှုန်းများမှာ အခြားဟင်းသီးဟင်းရွက်များနှင့် နှိုင်းယှဉ်လျှင် ဈေးနှုန်းသင့်တင့်သည့်အတွက် အရောင်းအဝယ်များ ပုံမှန်ကောင်းမွန်လည်ပတ်လျက် ရှိကြောင်း” အောင်ပန်းမြို့မှ “အေးမြတ်”ဟင်းသီးဟင်းရွက် လက် လီလက်ကား ဖြန့်ဖြူးရောင်းချသည့် လုပ်ငန်းမှ တာဝန်ရှိသူတစ်ဦးက ပြောကြားသည်။
ယခုနှစ်၊ ဇန်နဝါရီလအတွင်း ရှမ်းပြည်နယ်တောင်ပိုင်းတွင် အဓိကစိုက်ပျိုးသည့် ဆောင်းသီးနှံတစ်ခုဖြစ်သည့် ဘိုစားပဲအထွက်နှုန်းသည် များပြားသော်လည်း ဘိုစားပဲဈေးနှုန်းမှာ ပြီးခဲ့သည့် နှစ်နှင့်နှိုင်းယှဉ်ပါက ထက်ဝက်နီးပါး ကျဆင်းသွားကြောင်း တောင်သူများထံမှ သိ ရှိရပါသည်။
ဘိုစားပဲများတွင် ကယ်လိုရီ ပါဝင်မှုနည်းပြီး ဗီတာမင် အေ၊ ဗီတာမင် ဘီ၊ မက္ကနီဆီယမ်၊ ပိုတက်ဆီယမ်နှင့် သတ္တုဓာတ်များစွာပါဝင်သဖြင့် ကျန်းမာရေးအတွက် အကျိုးကျေးဇူး ရရှိကြောင်း သိရှိရသည်။
နွေးနွေးအောင်
https://www.gnlm.com.mm/241136-2/