ပင်းတယ သခွားမွှေးသီးများကို မြို့များစွာမှ မှာယူလျက်ရှိ

ရှမ်းပြည်နယ် ပင်းတယနယ်မှ ထွက်ရှိသော သခွားမွှေးသီးများသည် ရန်ကုန် အပါအဝင် ကျောက်ဆည်၊ မန္တလေးနှင့် နေပြည်တော်တို့မှ မှာယူလျက်ရှိပြီး ဈေးနှုန်းချိုသာကြောင်း သိရှိရသည်။

သခွာမွှေးသည် ပို့ကုန်တစ်ခုဖြစ်သည်။ သို့သော်လည်း ပြည်တွင်းဈေးကွက်ကိုသာ မှီခိုနေရပြီး ယခုအချိန်တွင် ထွက်ရှိမှုများပြားနေခြင်းကြောင့်စားသုံး သူများ ဈေးနှုန်းချို သာစွာဖြင့် စားသုံးနေရကြောင်း ပင်းတယမြို့နယ်မှ တောင်သူများနှင့် ကုန်သည်များက ပြောသည်။

“ယခုရောင်းလိုအားမှာ အလွန်များနေပြီး ဈေးနှုန်းလျော့ကျလျက်ရှိပါသည်။ သို့သော်လည်းပြည်တွင်းစားသုံးမူသာရှိသည့်အတွက် ဝယ်လို အားနည်းပါးနေပါသည်။ ကျောက်ဆည်၊ မန္တလေး၊ နေပြည် တော်နှင့် ရန်ကုန်တို့မှ သခွားမွှေးဝယ်ယူမည့်မှာယူမှုများ လက်ခံရရှိနေပြီ ဖြစ်ပါသည်။ စားသုံးသူများအတွက် ဈေးနှုန်းချိုချိုသာသာဖြင့် ဝယ်ယူနိုင်၍ ကောင်းပါတယ်” ဟု ပင်းတယမြို့မှသခွားမွှေးစိုက် တောင်သူတစ်ဦးက ပြောသည်။

၂၀၂၃ ခုနှစ် ဒီဇင်ဘာလက သခွားမွှေးသီးဈေးနှုန်းသည်အလွန်ကောင်းမွန်ခဲ့ပြီး ကုန်သွယ်မှုလည်း ကောင်းမွန်ခဲ့သည်။ စိုက်ဧကပေါ် မူတည်၍ နောက်လ များတွင် ဈေးနှုန်းအပြောင်းအလဲ ရှိလာနိုင်သည်။

၂၀၂၃ ဒီဇင်ဘာမှာ သခွားမွှေးဈေးကောင်းခဲ့ပြီး ကုန်သွယ်မှုများလည်း ကောင်းခဲ့ကြောင်း နောက်ပိုင်းတွင် တင်ပို့မှုပြန်လည်စတင်နိုင်ကြောင်း ယခုအချိန်တွင် ပြည်တွင်းဈေးကွက်တစ်ခုသာ  အားကိုးနေရကြောင်း၊ စိုက်ဧကပေါ်မူတည်၍ လာမည့်လတွင် ဈေးနှုန်းအပြောင်း အလဲ ရှိနိုင်ကြောင်း၊ ရောင်းလိုအားများလျှင် ဈေးနှုန်းကျဆင်းမှာဖြစ်ပြီး ရောင်းလိုအားနည်းလျှင် ဈေးနှုန်း မြင့်တက်မည်ဖြစ်သည်” ဟု ၎င်းက ပြောကြားခဲ့ကြောင်း သိရှိရသည်။

ဥမ္မာထွန်း

https://www.gnlm.com.mm/muskmelons-grown-in-pindaya-receives-loads-of-orders-from-different-cities/#article-title (၃၁-၈-၂၄)