အမေရိကန်မှ ထွက်လာပြီးနောက် နာနတ်သီးထုတ်လုပ်သူများ အာရှဈေးကွက်သို့ ပြောင်းလဲ အာရုံစိုက်လာ

Del Monte Pacific Ltd. (DMPL) သည် အရှုံးပေါ်နေသော အမေရိကန် စီးပွားရေးလုပ်ငန်းများကို ရောင်းချပြီးနောက် အာရှလုပ်ငန်းများသို့ အာရုံစိုက် လာခဲ့သည်။ မတ် ၁၂ ရက်နေ့တွင် ဖိလစ်ပိုင် စတော့အိတ်ချိန်းသို့ ထုတ်ဖော်ပြောကြားရာတွင် ကုမ္ပဏီ သည် ယခုအခါ ၎င်း၏ အကျိုးအမြတ် ရှိသော အဓိက စီးပွားရေး လုပ်ငန်းအတွင်း တိုးတက် မှုကို မောင်းနှင်ရန် အပြည့်အဝ အာရုံစိုက်နိုင်ပြီဖြစ်ကြောင်း ပြောကြားသည်။

DMPL က ၎င်း၏လက်အောက်ခံကုမ္ပဏီ Del Monte Philippines Inc. သည် စားသုံးသူ ဝယ်လိုအားနှင့် ထောက်ပံ့ရေးကွင်းဆက်လုပ်ငန်းများ၏ ပံ့ပိုးမှုဖြင့် တည်ငြိမ်သောစွမ်းဆောင်ရည်ကို ဆက်လက်မှတ်တမ်းတင်နေကြောင်း ပြောကြားခဲ့သည်။ အဖွဲ့၏ ဦးစားပေးများတွင် ဖိလစ်ပိုင်နိုင်ငံရှိ အဖျော်ယမကာ၊ ချက်ပြုတ် နည်းနှင့် ထုပ်ပိုးထားသော သစ်သီး ဝလံအမျိုးအစားများတွင် ဈေးကွက် ဦးဆောင်မှုကို အားဖြည့်ခြင်း ပါဝင် သည်။ ကုမ္ပဏီသည် ထုတ်ကုန်များကို အပိုင်းအသစ်များတွင် မိတ်ဆက်ရန်နှင့် convenience stores၊ away-from-home channels၊ ဆေးဆိုင်များနှင့် ကျောင်းများမှ တစ်ဆင့် ဖြန့်ဖြူး မှုကို တိုးချဲ့ရန်လည်း စီစဉ်ထားသည်။

နိုင်ငံတကာဈေးကွက်များတွင် ကုမ္ပဏီသည် မြောက်အာရှတစ်ဝန်း ရှိ လတ်ဆတ် သောနာနတ်သီးများတွင် ဈေးကွက်ဦးဆောင်မှုကို ထိန်း သိမ်းရန် ရည်ရွယ်ထားသည်။ ထုပ်ပိုး ထားသော နာနတ်သီး ထုတ်ကုန်များတွင် အသုံးပြုသည့် C74 နာနတ် သီးအမျိုးအစား၏ ထုတ်လုပ်မှုကိုလည်း ၂၀၂၅ ဘဏ္ဍာ ရေးနှစ်နှင့်နှိုင်းယှဉ်ပါက ၁၅ ရာခိုင်နှုန်းကျော် တိုးမြှင့်ရန် စီစဉ်ထားသည်။ ကုန် ပစ္စည်းစာရင်း အဆင့်များသည် ရက် ၇၀ အောက်တွင် ရှိနေရန် မျှော်လင့် ရကြောင်း သိရသည်။

DMPL က ၂၀၂၅ ခုနှစ်တွင် ၎င်း၏ အမေရိကန်လုပ်ငန်းများတွင် ရင်းနှီးမြှုပ်နှံမှုများနှင့်ပတ်သက်၍ မှတ်တမ်းတင်ထားသော အရင်းအနှီး လိုငွေပြမှုများကို လျှော့ချရန်အတွက် ရှယ်ယာများ မြှင့်တင်ခြင်းကို ဦးစား ပေးသွားမည်ဖြစ်ကြောင်း ပြောကြား သည်။ အရင်းအနှီးခွဲဝေမှုကို အကောင်းဆုံးဖြစ်အောင် အိန္ဒိယရှိ Sundrop Brands Ltd. တွင် ကျန်ရှိနေသော ရှယ်ယာများကို ရောင်းချရန်လည်း အဖွဲ့မှ စီစဉ်ထားသည်။

၂၀၂၆ ခုနှစ် ဇွန်တွင် ကုန်ဆုံးသော ဘဏ္ဍာရေးနှစ်၏ ပထမကိုးလအတွင်း DMPL သည် အသားတင်အမြတ် အမေရိကန်ဒေါ်လာ ၃၂ ဒသမ ၃ သန်း ရရှိခဲ့ပြီး ယခင်နှစ်ကာလတူက အမေရိကန်ဒေါ်လာ ၅ ဒသမ ၂ သန်းနှင့် နှိုင်းယှဉ်ပါက မြင့်တက်လာခဲ့သည်။ ရောင်းအားသည် အမေရိကန်ဒေါ်လာ ၅၉၇ ဒသမ ၅ သန်းမှ အမေရိကန်ဒေါ်လာ ၆၈၂ ဒသမ ၄ သန်းအထိ ၁၄ ဒသမ ၂ ရာခိုင်နှုန်း မြင့်တက်လာခဲ့သည်။

ဖိလစ်ပိုင်တွင် လတ်လတ် ဆတ်ဆတ် ထုပ်ပိုးထားသော နာနတ် သီးထုတ်ကုန်များ တင်ပို့မှုမြင့်တက် လာခြင်းနှင့် ရောင်းအားမြင့်တက်လာခြင်းတို့ကြောင့် တိုးတက်မှု ရရှိခဲ့ခြင်း ဖြစ်သည်။ ရလဒ်များသည် ပမာဏတိုးလာခြင်း၊ ထုတ်ကုန်ရောနှောမှုနှင့် ငွေကြေးဖောင်းပွမှုနှင့်အညီ ဈေးနှုန်းချိန်ညှိမှုများ ကြောင့် မြင့်မားသော အသားတင် အမြတ် အစွန်းများကိုလည်း ထင်ဟပ်စေ သည်။ အတိုးနှုန်းနည်းပါးခြင်းသည် ရလဒ်များအတွက် အထောက်အကူ ဖြစ်စေခဲ့ပြီး ဖိလစ်ပိုင်ပီဆိုတန်ဖိုး ကျဆင်းမှုနှင့် ဆက် စပ်၍ မဖြစ်ပေါ်သေးသော နိုင်ငံ ခြားငွေ လဲလှယ်မှုဆုံးရှုံးမှုများက အမြတ်အစွန်းများကို တစ်စိတ်တစ်ပိုင်း ချေဖျက်ပေးခဲ့သည်။

ဖိလစ်ပိုင်ဈေးကွက်တွင် ရောင်းအားသည် အမေရိကန်ဒေါ်လာ ၃၂၂ ဒသမ ၇ သန်းအထိ ရောက်ရှိခဲ့ပြီး ပီဆိုတန်ဖိုးဖြင့် ၈ ဒသမ ၃ ရာခိုင်နှုန်းနှင့် အမေရိကန်ဒေါ်လာတန်ဖိုးဖြင့် ၈ ဒသမ ၄ ရာခိုင်နှုန်း တိုးတက်မှုရှိသည်။ အထွေထွေကုန်သွယ်မှု၊ ခေတ်မီကုန်သွယ်မှုနှင့် အစား အသောက် ဝန်ဆောင်မှုလမ်းကြောင်းများ၊ အထူးသဖြင့် ထုပ်ပိုးထားသော သစ်သီးဝလံနှင့် အဖျော်ယမကာ ထုတ်ကုန်များအတွက် ဝယ်လိုအား တိုးတက်မှုကို ပံ့ပိုးပေးခဲ့သည်။

တရုတ်၊ ဂျပန်နှင့် အရှေ့အလယ်ပိုင်းတို့တွင် လတ်ဆတ်သောနာနတ်သီးများ ဝယ်လိုအားကြောင့် နိုင်ငံတကာရောင်းအားသည် ၁၅ ဒသမ ၂ ရာခိုင်နှုန်း မြင့်တက်လာပြီး အမေရိကန်ဒေါ်လာ ၂၉၈ ဒသမ ၆ သန်း အထိရှိလာခဲ့သည်။ ဂျပန်နိုင်ငံတွင် လတ်ဆတ်သော နာနတ်သီးရောင်းအားသည် ၁၉ ရာခိုင်နှုန်း မြင့် တက်လာခဲ့ပြီး fresh-cut pine-apple အတွက် ဝယ်လိုအားနှင့် S&W Deluxe နာနတ်သီးကို ဖောက်သည်အသစ်ထံ မိတ်ဆက်ခြင်းတို့နှင့် ဆက်စပ်နေသည်။

ယခင်နှစ်ကာလတူက ၂၇ ဒသမ ၉ ရာခိုင်နှုန်းရှိခဲ့ရာမှ ၃၃ ဒသမ ၂ ရာခိုင်နှုန်းအထိ ရောက်ရှိခဲ့ ကြောင်း၊ ယင်းတိုးတက်မှုသည် ဈေးနှုန်းလုပ်ဆောင်မှုများ၊ ပို့ကုန်ပမာဏများနှင့် S&W Deluxe နာနတ်သီးတင်ပို့မှု၏ မြင့်မားသောဝေစုနှင့် ဆက်စပ်နေကြောင်း သိရှိရပါသည်။

ဟေမာန်အောင်မင်း 

https://www.freshplaza.com/asia/article/9818982/pineapple-producer-shifts-focus-to-asian-markets-after-u-s-exit/