အိန္ဒိယတွင် ငှက်ပျောစိုက်ပျိုးထုတ်လုပ်မှုကွင်းဆက်က စိုက်ပျိုးသူများအတွက် ၁၀-၁၂ ရာခိုင်နှုန်း အကျိုးအမြတ်ပိုမို ရရှိ

အိန္ဒိယ၏ ငှက်ပျောသီးတင်ပို့မှုသည် အရှေ့အလယ်ပိုင်း၊ ရုရှားနှင့် အရှေ့ဥရောပတို့ကို ပစ်မှတ်ထား ပြီး နှစ်စဉ်တိုးတက်မှုကို ပြသနေကြောင်း အိန္ဒိယသစ်သီးတင်ပို့သူ SunRaise Farmers မှ Vivek Karape က ပြောကြားခဲ့သည်။ တင်ပို့မှုအရှိန်အဟုန်သည် ရိတ်သိမ်းပြီးနောက် ကိုင်တွယ်မှု တိုးတက်လာခြင်း၊ ထုပ်ပိုးမှုအဆောက်အဦတိုးချဲ့ခြင်းနှင့် အရသာနှင့် အာဟာရအရည်အသွေးအပေါ် ဝယ်ယူသူများ၏ အသိပညာပေးမှုများက ကျောထောက်နောက်ခံပြုထားသည်။ အိန္ဒိယသည် အီကွေဒေါနှင့် ဖိလစ်ပိုင်ထက် ပမာဏအားဖြင့် နောက်ကျကျန်နေသော် လည်း အိန္ဒိယ၏ Solapur ငှက်ပျော သီးများသည် ယှဉ်ပြိုင်နိုင်သော ဈေးနှုန်း နှင့် အဟာရဓာတ်ကြွယ်ဝသော မြေဆီလွှာမှ သဘာဝ အရသာအရည်အချင်းများဖြင့် ယှဉ်ပြိုင်ကြသည်။

Vivek က Solapur ၏ သမပိုင်းခြောက်သွေ့သောရာသီဥတုသည် မှိုကျရောက်မှုကို လျော့ကျစေပြီး ရေအစက်ချစနစ်ဖြင့် နုန်းမြေနက် များသည် အခွံထူပြီး အသားမာသော ငှက်ပျောသီးများ၏ အလယ်အလတ်အဆင့်တင်ပို့မှုအတွက် သင့်တော်ကြောင်း၊Maharashtra ငှက်ပျောသီးသည် သက်တမ်းပိုကောင်းခြင်း၊အလေအလွင့်နည်းခြင်း၊ ကြိုက်နှစ်သက်မှုများပြားခြင်းနှင့် အရောင်အဆင်း ညီညာမှုရှိကြောင်း၊ တစ်သျှူးနည်းဖြင့်မျိုးပွားထားသော မျိုးများသည် ဒေသမျိုးများထက် အထွက်နှုန်းမြင့်မားခြင်း၊ ရောဂါဒဏ်ခံနိုင် ရည်ရှိခြင်းနှင့် ပို့ကုန် တသမတ်တည်းရှိခြင်း စသည့် အကြောင်းအရင်းများရှိသော်လည်း ဈေးကွက် မသေချာမှုများကြောင့် စိုက်ပျိုးရန်တွန့်ဆုတ်နေကြကြောင်း မှတ်ချက်ပြုပါသည်။

Vivek ၏ ပြောကြားချက်အရ ပို့ကုန်ဈေးနှုန်းများသည် ပြီးခဲ့သည့်နှစ်ကထက် ယခုရာသီတွင် ၈-၁၂% မြင့်တက်ခဲ့ပြီး UAE ၊ ဆော်ဒီအာရေဗျနှင့် ကာတာတို့တွင် အတက်အကျ အများဆုံး ဖြစ်ခဲ့သည်။ ၁၃ ဒီဂရီအောက် အအေးဒဏ်၏ ထိခိုက်မှု ဆက်လက်တည်ရှိနေသော်လည်း အပူလျှပ်ကာပါသော ကွန်တိန်နာများနှင့် ရင့်မှည့်မှုအပေါ်အချိန်ကိုက် ရိတ်သိမ်းမှုနည်းပညာများကို လယ်သမားများအား လေ့ကျင့်ပေးခြင်းကြောင့်ယခုရာသီတွင် တိုးတက်ကောင်းမွန်လာပါသည်။ ရုရှားနှင့် အရှေ့ဥရောပတို့သည် ကုန်စည်ပို့ဆောင်ရေး မတည်ငြိမ် မှုများရှိနေသော်လည်း လက်ခံမှုတိုးပွားလာနေပြီး အိန္ဒိယ၏ မတူကွဲပြားသောစိုက်ပျိုးရေး-ရာသီဥတုဇုန်များမှ ရနံ့နှင့် အနည်းလို အာဟာရ ဓာတ် သိပ်သည်းဆကို တန်ဖိုးထားပါသည်ဟု Vivek က ပြောသည်။

"Sun Raise Farmers" သည် အစအဆုံး ခြေရာခံနိုင်မှု၊ ရောင်းဝယ်ရေး ကတိကဝတ် စာရွက်စာတမ်းများဖြင့် အစုအဖွဲ့လိုက်စုဖွဲ့ထားသောစနစ်များကြောင့် ပြတ်တောင်း ပြတ်တောင်း ဖြစ်နေသော ကုန်ကြမ်းပို့ဆောင်ရေးကွင်းဆက်ကို ဖြေရှင်းပေးနေပြီး၊ လယ်သမားများ ယခင်က ရောင်းရငွေ မရမှာ ကြောက်ရွံ့ခဲ့ရသည့် နေရာတွင် ယုံကြည်မှုကို တည်ဆောက်ပေးနေပါသည်။" အရည်အသွေး နိမ့် ထွက်ကုန်များကို ငှက်ပျောသီးခြောက်၊ ငှက်ပျောသီးမှုန့်နှင့် အပင်ထွက် ပိတ်ပြား ထုတ်လုပ်ရေးသို့ ဦးတည်သည့် အလေအလွင့်မရှိသော ပုံစံကို မြှင့်တင်ပေးနေပြီး လတ်ဆတ်သော သီးနှံများသာ ရောင်းချသည့်နည်းနှင့် နှိုင်းယှဉ်ပါက လယ်သမားများ၏ ဝင်ငွေကို ၁၀ ရာခိုင်နှုန်းမှ ၂၀ ရာခိုင်နှုန်း အထိ ပိုမိုမြင့်တက်လာစေသည်ကို တွေ့မြင်နေရပါသည်" ဟု ဗီဗက်က ပြောပါသည်။

ဈေးနှုန်းတက်လာသည့်အခါ လတ်ဆတ်သောငှက်ပျောသီးများကို တင်ပို့ရောင်းချခြင်းနှင့် ဈေးနှုန်းကျဆင်းလာသည့်အခါ ငှက်ပျောသီးခြောက်များ သို့မဟုတ် ငှက်ပျောမှုန့်များအဖြစ် ပြုပြင် ထုတ်လုပ်ခြင်းဖြင့် လယ်သမားများကို ဈေးနှုန်းအတက် အကျမှ ကာကွယ်ပေးပြီး၊ အရည်အ သွေး အဆင့်သတ်မှတ်ခြင်းနှင့် ထုပ်ပိုးခြင်းလုပ်ငန်းများတွင်လည်း အလုပ်အကိုင်အခွင့်အလမ်းများ ဖန်တီးပေးပါသည်ဟု ၎င်းက ဆက် လက်ပြောကြားသည်။ အိန္ဒိယနိုင်ငံ၏ ငှက်ပျောသီးထုပ်ပိုးမှုသည် လက်တင် အမေရိကနိုင်ငံများနှင့် ရင်ပေါင်တန်းနိုင်ရန်အတွက် စံသတ်မှတ်ချက်များနှင့် သယ်ယူ ပို့ ဆောင်ရေး ပျက်စီးမှုလျော့နည်းရန် ပုံမှန်ဂျပ်ဖာများတွင် ၅ လွှာမှ ၇ လွှာအထိ လေဝင်လေထွက် စနစ် အဆင့်မြှင့်တင်ရန် လိုအပ်နေသေးကြောင်းလည်း သူက ထောက်ပြသည်။ လက်ရှိဖွံ့ဖြိုး တိုးတက်ရေး အစီအစဉ် များတွင် ဗဟိုအာရှနှင့် အာဖရိကဒေသများကို ဈေးကွက်သစ်အဖြစ် ရည်ရွယ်ထားပြီး အထွက်နှုန်းမြင့် Cavendish G9 မျိုးကွဲများနှင့် အထူးမျိုးစိတ်များကိုလည်း စမ်းသပ် စိုက်ပျိုးလျက်ရှိကြောင်း သိရှိရပါသည်။

ဟေမာန်အောင်မင်း

https://www.freshplaza.com/asia/article/9801624/zero-waste-banana-chain-yields-10-12-higher-grower-returns-in-india/