အာဖရိကဝက်အဖျားရောဂါ ဖြစ်ပွားမှုကြောင့် အင်ဒိုနီးရှားက စပိန်ဝက်သားတင်သွင်းမှု ပိတ်ပင်
စပိန်နိုင်ငံ၊ ဘာစီလိုနာပြည်နယ်တွင် အာဖရိကဝက်အဖျားရောဂါ (ASF) ပြန်လည်ဖြစ်ပွားနေခြင်းကြောင့် စပိန်နိုင်ငံမှ ဝက်သားနှင့် ဝက်ထွက်ပစ္စည်းများ တင်သွင်းမှုကို အင်ဒိုနီးရှားနိုင်ငံက တရားဝင်ပိတ်ပင်လိုက်သည်။ ကမ္ဘာ့တိရစ္ဆာန်ကျန်း မာရေးအဖွဲ့ (WOAH) ၏ ဒီဇင်ဘာ ၁၉ ရက်နေ့အထိ ထုတ်ပြန်ချက်အရ ရောဂါကူးစက်မှုများ ဆက်လက်ဖြစ်ပွားနေကြောင်း အတည်ပြုပြီးနောက် အင်ဒိုနီးရှား ကွာရတ်တင်းအေဂျင်စီ (Barantin) က ယခုကဲ့သို့ ဆုံးဖြတ်ခဲ့ခြင်းဖြစ်သည်။
အင်ဒိုနီးရှားနိုင်ငံအတွင်းသို့ ဝင်ရောက်ရာ ဂိတ်များရှိ ကွာရတ်တင်းအရာရှိများအနေဖြင့် စပိန်နိုင်ငံမှ ဝက်သားတင်ပို့မှုများကို တင်းကြပ်စွာ စောင့်ကြည့်ရန် ညွှန်ကြားချက်များ ထုတ်ပြန်ထားကြောင်း Barantin ၏ တိရစ္ဆာန်ကွာရတ်တင်းဌာန ဒုတိယအကြီးအကဲ Sriyanto က ပြောကြားခဲ့သည်။ စပိန်နိုင်ငံသည် အဆိုပါရောဂါမှ ကင်းစင်ကြောင်း WOAH က ကြေညာသည့်တိုင်အောင် ဤပိတ်ပင်မှုမှာ ဆက်ရှိနေမည်ဖြစ်ကြောင်း ၎င်းက အလေး ပေး ပြောကြားခဲ့သည်။
တရားမဝင် တင်သွင်းလာမှုမှန်သမျှကို ငြင်းပယ်ခြင်း သို့မဟုတ် ဖျက်ဆီးခြင်းများ ပြုလုပ်သွားမည်ဟု အာဏာ ပိုင်များက သတိပေးထားသည်။ အာဖရိကဝက်အဖျားရောဂါသည် လူကို ဘေးဥပါဒ်မပေးသော်လည်း ဝက်များအကြား ကူးစက်မှုနှုန်း အလွန်မြင့်မားပြီး သေဆုံး မှုနှုန်းမှာ ၁၀၀ ရာခိုင်နှုန်းအထိ ရှိနိုင်သဖြင့် မွေးမြူရေးကဏ္ဍအတွက် ကြီးမားသော စီးပွားရေးဆုံးရှုံးမှု အန္တရာယ်ကို ဖြစ်စေနိုင်သည်။
TTP
www.asian-agribiz.com