တိရစ္ဆာန်စာတင်သွင်းမှု လျှော့ချနိုင်ရန် ဗီဇနည်းပညာဗျူဟာ အသုံးချရေး ဗီယက်နမ်ကြိုးပမ်း

ဗီယက်နမ်သည် တိရစ္ဆာန်အစာအတွက် အသုံးပြုမည့်သီးနှံများကို စိုက်ပျိုးရန် ဗီဇတည်းဖြတ်နည်းပညာကို အသုံးပြုရန် စီစဉ်နေသည်။ သို့သော် ဤနည်းပညာကို အကောင် အထည်ဖော်နိုင်ရန် လိုအပ်သော ဥပဒေစည်းမျဉ်းများ ရေးဆွဲမှု အပြီးမသတ်နိုင်သေးပေ။

သိပ္ပံနှင့်နည်းပညာဌာန ဒါရိုက်တာ Nguyen Van Long က မိရိုးဖလာ မျိုးရွေးချယ်မွေးမြူခြင်း၊ ဗီဇတည်း ဖြတ်ခြင်းနှင့် ဗီဇပြုပြင်ခြင်းတို့အကြောင်းကို ပါဝင်သူအားလုံးအကြား တူညီသည့် နားလည်မှုရှိရန်လိုအပ်ကြောင်း သို့မှသာ သင့် လျော်မှန်ကန်သည့် ဥပဒေ စည်းမျဉ်းစည်းကမ်းများကို ရေးဆွဲနိုင်မည်ဖြစ်ကြောင်း ပြောကြားသည်။

“သိပ္ပံနှင့်နည်းပညာသည် စိုက် ပျိုးရေးကဏ္ဍ၏ တိုးတက်ခေတ်မီမှုနှင့် တိုးတက်မှုအတွက် အရေးပါသော ခေါင်းစဉ်တစ်ခုဖြစ်လာစေရန် သိပ္ပံပညာရှင်များနှင့် မီဒီယာအေဂျင် စီများက ကျွန်ုပ်တို့နှင့်အတူ ဆက် လက်ပူးပေါင်းဆောင်ရွက်ကြမည်ဟု မျှော်လင့်ပါသည်” ဟု Dr. Long က အလေးပေး ပြောကြားခဲ့သည်။

၂၀၂၁ ခုနှစ်တွင် ဗီယက်နမ်နိုင်ငံမှ သိပ္ပံပညာရှင်များသည် ဗီယိုနည်းပညာဌာနမှ ဒုတိယပါမောက္ခ Pham Bich Ngoc ၏ ဦးဆောင်မှုဖြင့် CRISPR/Cas9 နည်းပညာကို အသုံး ပြုကာ မကြေညက်စေနိုင်သော သကြားဓာတ် ၂၅ ရာခိုင်နှုန်း လျှော့ ချထားသော ပဲပုပ်မျိုးစိတ်အသစ်တစ်မျိုးကို အောင်မြင်စွာ ဖန်တီးနိုင်ခဲ့သည်။

ဤအောင်မြင်မှုသည် တိရစ္ဆာန်အစာအဖြစ် အသုံးပြုရန်အတွက် ပဲပုပ်အများစုကို (၉၀ ရာခိုင်နှုန်းကျော်) ပြင်ပမှ တင်သွင်းရသော ဗီယက်နမ်နိုင်ငံအတွက် အရေးကြီးသော တိုးတက်မှုတစ်ခုဖြစ်သည်။ သုတေသနအဖွဲ့သည် ခံနိုင်ရည်ကောင်းသော သီးနှံမျိုးစိတ်အသစ်များ ဖန်တီးရန်နှင့် စိုက်ပျိုးရေးနှင့် ဆေးဘက်ဆိုင်ရာအကျိုးအတွက် မိုက်ခရိုအော်ဂဲနစ်များတွင် ဗီဇတည်း ဖြတ်နည်းပညာကို အသုံးချနိုင်မှုများကို ဆန်းစစ်လေ့လာရန် ရည်ရွယ်ထားသည်။                          

  TTP

Asianagribiz.comm(7 October)