လာမည့်နှစ်ဝက်အတွက် ထိုင်းအစားအစာလုပ်ငန်း အလားအလာကောင်း
Thaifoods Group သည် ကြက်သားနှင့် ဝက်သားရောင်းအားကောင်းမွန်မှုကြောင့် နှစ်ဝက်နောက်ပိုင်းတွင် စီးပွားရေးအလားအလာကောင်း မွန်မည်ဟု မျှော်လင့်ထားသည်။ ကုမ္ပဏီ၏ လုပ်ငန်းလည်ပတ်ရေး အရာရှိချုပ်ဖြစ်သူ Phet Nantavisai က ဝက်သားဈေးနှုန်းမြင့်တက်နေသော်လည်း ကုန်ကြမ်း ကုန်ကျစရိတ် ကျဆင်းနေသောကြောင့် တိုးတက်မှုသည် ဆက်လက်ဖြစ်ပေါ်မည်ဟု မျှော်လင့်ကြောင်း ပြောကြားသည်။
ကုမ္ပဏီသည် ကြက်သားကုန်ကြမ်း တင်ပို့မှုတွင် နှစ်စဉ်နှိုင်းယှဉ်၍ ၃၀ ရာခိုင်နှုန်း တိုးတက်မှုရှိမည်ဟု မျှော် လင့်ပြီး၊ ယခုနှစ်အတွင်း တင်ပို့မှုအရွယ်အစားအမြင့်ဆုံးကို ရောက်ရှိရန် ရည်ရွယ်ထားသည်။ အထူး သဖြင့် ဥရောပသမဂ္ဂနှင့် တရုတ်နိုင်ငံတွင် ဖြစ်သည်။
Thaifoods Group သည် လက်လီ ဆိုင်ခွဲအသစ်များဖွင့်ခြင်းဖြင့် Thaifoods Fresh Market ၏ လက်လီဈေးကွက်အတွင်း တည်ရှိမှုကို တိုးချဲ့ရန် စီမံထားသည်။ ၂၀၂၅ ခုနှစ် ပထမသုံးလကုန်တွင်ရှိသော ၄၃၀ ဆိုင်ခွဲမှ ယခုနှစ်ကုန်တွင် ဆိုင်ခွဲ ၆၀၀ ခန့်ထိရှိလာရန် ရည်ရွယ်ထားပြီး၊ တိုးလာစေရန် ဖြစ်သည်။
“နှစ်ဝက်နောက်ပိုင်းတွင် စီးပွားရေးအလားအလာကောင်းမွန်ပြီး၊ ယခုနှစ်တွင် စုစုပေါင်းဝင်ငွေအတွက် စံချိန်သစ်တစ်ခုရရှိနိုင်မည်ဟု ယုံကြည်သည်။ နှစ်စဉ်နှိုင်းယှဉ်၍ ၁၀-၁၅ ရာခိုင်နှုန်း တိုးတက်မှုရှိမည်ဟု ခန့်မှန်းထားသည်” ဟု Mr Phet က ပြောကြားသည်။
TTP
www.asian-agribiz.com(4 Aug)