ဗဟိုစျေးနှုန်းပံ့ပိုးမှုအစီအစဉ်အရ ပဲတီစိမ်း ၅၄,၁၆၆ တန်နှင့် မြေပဲ ၅၀,၇၅၀ တန် ၀ယ်ယူရန် အိန္ဒိယအစိုးရ အတည်ပြု

အိန္ဒိယအစိုးရက ဟာရီနာ၊ ဂူဂျာရတ်နှင့် ဥတ္တာပရာဒေ့ရှ် ပြည်နယ်တို့မှ ပဲတီစိမ်း ၅၄,၁၆၆ တန်ကို လည်း ကောင်း၊ မြေပဲ   ၅၀,၅၇၉ တန်ကို ဥတ္တာပရာဒေ့ရှ်ပြည်နယ်မှလည်းကောင်း အနိမ့်ဆုံး ပံ့ပိုးပေးသည့်စျေးနှုန်း (MSP) ဖြင့် ဝယ်ယူရန်  အတည်ပြုခဲ့ကြောင်း သိရှိရသည်။

၂၀၂၅-၂၆ ခုနှစ် နွေရာသီ သီးနှံများဝယ်ယူရေးအား ဗဟိုစျေးနှုန်းပံ့ပိုးမှုအစီအစဉ် (PSS) အရ ဆောင်ရွက်မည်ဖြစ်ပါကြောင်း၊ ယင်းသည် သီးနှံများ၏ ဈေးကွက်ပေါက်ဈေးမှာ အနိမ့်ဆုံး ပံ့ပိုးပေးသည့်စျေးနှုန်း (MSP)အောက်ကျဆင်းသွားသော အခါတွင် စတင်အသုံးပြုနိုင်ကြောင်း သိရှိရပါသည်။

စိုက်ပျိုးရေးဝန်ကြီး Shivraj Singh Chouhan  က  လယ်သမားများ၏ အကျိုးစီးပွားကို ကာ ကွယ်ရန် PSS အစီအစဉ်အောက်ရှိ သီးနှံများဝယ်ယူရန် အဆိုပြုချက်ကို အတည်ပြုခဲ့ကြောင်း၊  ဝန်ကြီးသည် အန်ဒရာပရာဒေ့ရှ်ပြည်နယ်တွင် ဇွန် ၂၆ ရက်အထိ ဝယ်ယူရေးကာလကို ၁၅ ရက် သက်တမ်းတိုးရန်လည်း အတည်ပြုခဲ့ကြောင်းသိရှိရသည်။

၂၀၂၄-၂၅ ခုနှစ်တွင် ပဲစင်းငုံ၊ မတ်ပဲနှင့် ပဲနီလေးများ၏ ထုတ်လုပ်မှု ၁၀၀   ရာခိုင်နှုန်း ကို PSS အစီအစဉ်အောက်တွင် အစိုးရကဝယ်ယူမည်ဟု  လယ်သမားများအား လှုံ့ဆော်ပေးခြင်းဖြင့် ပြည်တွင်းပဲထုတ်လုပ်မှုကို မြှင့်တင်ရန်နှင့် သွင်းကုန်မှီခိုမှုကို လျှော့ချရန် အစိုးရက ခွင့်ပြုထားကြောင်း နှင့် ဤအစီအစဉ်ကို ၂၀၂၈-၂၉  ခုနှစ်အထိ နောက်ထပ်လေးနှစ် သက်တမ်းတိုးထားကြောင်း သိရှိရ 
ပါသည်။

PSS အစီအစဉ်အောက်ရှိ ၀ယ်ယူမှုများကို ဗဟိုအစိုးရအေဂျင်စီများဖြစ်သည့်  National Agricultural Cooperative Marketing Federation of India (Nafed) နှင့် National Cooperative Con-sumers' Federation of India (NCCF) တို့မှ ဆောင်ရွက်ကြောင်း သိရှိရသည်။

အိန္ဒိယတွင် အဓိကကောက်ပဲသီးနှံ များ၏ ဈေးကွက်ပေါက်ဈေးသည် အစိုးရ၏ အနိမ့်ဆုံးပံ့ပိုး ဈေးနှုန်းထက်လျော့နည်းပါက အစိုးရက လယ်သမား၊ တောင်သူများအား ကာကွယ်ပေးမှုအနေဖြင့် ဝယ်ယူကာ ဈေးကွက်အားထိန်းကြောင်း ဆောင်ရွက်ပေးလျက်ရှိကြောင်းတင်ပြလိုက်ရပါသည်။ 

မျိုးမြင့်မောင်

Govt approves procurement of 54,166 tonnes moong, 50750 tonnes groundnut under PSS, The Economic Times, 12 June, 2025.