ရာသီဥတုဖောက်ပြန်မှုကြောင့် ဂျပန်နိုင်ငံတွင် ဟင်းသီးဟင်းရွက်ဈေးနှုန်းများမြင့်တက်

ရာသီဥတုဖောက်ပြန်မှုနှင့် စိုက်ပျိုးထုတ်လုပ်မှုစရိတ် မြင့်မားလာမှုများကြောင့် ဂျပန်နိုင်ငံတွင် ဟင်းသီး ဟင်းရွက်ဈေးများ သိသိသာသာမြင့်တက်ခဲ့ကြောင်းသိရသည်။ 

ပြည်ထဲရေးဝန်ကြီးဌာန၏ ကိန်းဂဏန်းများအရ ဇန်နဝါရီလအတွင်း ဟင်းသီးဟင်းရွက်ဈေးနှုန်းများ ၃၆ ရာခိုင်နှုန်းအထိ မြင့်တက်ခဲ့သည်ဟု ဆိုသည်။ ဂေါ်ဖီထုပ်နှင့် မုန်ညင်းဖြူဈေးနှုန်းများ နှစ်ဆနှင့် သုံးဆအထိ မြင့်တက်ခဲ့သည်။

ဝန်ကြီးဌာနနှင့် အခြားရင်းမြစ်များအရ မိုးရွာသွန်းမှုနည်းပါးခြင်းကြောင့် ဈေးနှုန်းများ မြင့်တက်ရသည်ဟုသိရသည်။ ဂေါ်ဖီထုပ်အစား မုန်ညင်းဖြူကို အစားထိုးသုံးစွဲလာမှုကြောင့် ဝယ်လိုအားများကာ မုန်ညင်း ဖြူဈေးနှုန်းမှာ ၅၅ ဒသမ ၇ ရာခိုင် နှုန်းအထိ မြင့်မားခဲ့သည်။

ရာသီဥတုဖောက်ပြန်မှုကြောင့် ထုတ်လုပ်မှုစရိတ်များမြင့်တက်မှု သည် လက်လီရောင်းချဈေးနှုန်းများအပေါ် သက်ရောက်မှုရှိသည့်အတွက် စားသုံးသူတို့၏ မိသားစုဝင်ငွေအပေါ် တွင်လည်း များစွာသက်ရောက်မှုရှိမည်ဖြစ်သည်။

TTP

FreshPlaza.com(25-2-2025)