စားတော်ပဲ လွတ်လပ်စွာတင်သွင်းခွင့် ၂၀၂၅ ဖေဖော်ဝါရီကုန်အထိ သက်တမ်းထပ်မံတိုးမြှင့်ခဲ့သည့် အိန္ဒိယနိုင်ငံ

အိန္ဒိယအစိုးရသည် စားတော်ပဲ (Yellow peas) အား အနိမ့်ဆုံးသွင်း ကုန်ဈေးနှုန်း (Minimum import price-MIP) မပါဝင်ဘဲ ဆိပ်ကမ်းကန့်သတ်ချက်မရှိ လွတ်လပ်စွာတင်သွင်းခွင့်အား ၂၀၂၅ ခု နှစ်၊ ဖေဖေါ်ဝါရီ ၂၈ ရက်နေ့အထိ သက်တမ်းထပ်မံ တိုးမြှင့်ခဲ့ကြောင်း The Hindu Busine- ssline သတင်းဌာနက ယခုလ ၂၆ ရက်နေ့က ဖော်ပြသည်။

သို့သော် အဆိုပါပဲတင်သွင်းမှုအားလုံးကို အစိုးရ၏ အွန်လိုင်းသွင်းကုန်စောင့်ကြည့်ရေးစနစ်၌ စာရင်းသွင်းရန် လိုအပ်ပြီး၊ ၂၀၂၅ ခုနှစ်၊ ဖေဖော်ဝါရီ ၂၈ ရက်နေ့မတိုင်မှီ သို့မဟုတ် အဆိုပါနေ့ အထိ ထုတ် ပေးထားသော သင်္ဘောတင်ဆောင်ခွင့် (Bill of Lading) ရရှိထားသော ပဲတင်သွင်းကုန်အားလုံးအပေါ် အဆိုပါအမိန့်အား ချက်ခြင်းအာဏာ တည်စေရမည်ဟု အိန္ဒိယနိုင်ငံခြားကုန်သွယ်မှု ညွှန်ကြားမှုဦးစီးဌာန (Directorate General of Foreign Trade -DGFT) မှ ၂၀၂၄ ခုနှစ်၊ ဒီဇင်ဘာ ၂၄ ရက်စွဲဖြင့် ထုတ်ပြန်သော အမိန့်ကြော်ငြာစာအမှတ် ၄၃/ ၂၀၂၄-၂၅ အရသိရသည်။

အိန္ဒိယအစိုးရသည် ပြည်တွင်းပဲမျိုးစုံလိုအပ်ချက်အား ဖြည့်ဆည်းဆောင်ရွက်ပေးနိုင်ရန် အတွက် စားတော်ပဲ (Yellow peas) အား လွတ်လပ်စွာတင်သွင်းခွင့်ကို ၂၀၂၃ ခုနှစ်၊ ဒီဇင်ဘာမှ စတင်၍ ခွင့်ပြုပေးခဲ့ပြီး၊ ၂၀၂၄ ခုနှစ်၊ စက်တင် ဘာ ၁၃ ရက်စွဲဖြင့် နောက်ဆုံးထုတ်ပြန်ခဲ့သောအမိန့်ကြော်ငြာစာအမှတ် ၂၉/၂၀၂၄-၂၅ အရ အောက်တိုဘာ ၃၁ ရက်နေ့မှ ဒီဇင်ဘာ ၃၁ ရက် နေ့အထိ သက်တမ်းတိုးမြှင့်ထားမှုအား ၂၀၂၅ ခုနှစ်၊ ဖေဖော်ဝါရီ ၂၈ ရက်နေ့အထိ ဆက်လက်၍ သက်တမ်းထပ်မံတိုးမြှင့်ပေးခဲ့ခြင်းဖြစ်ကြောင်း သိရသည်။

ကောင်းထွဋ်အောင်

The Hindu Businessline, Govt: Duty-free import of yellow peas till Feb 2025, December 26, 2024