အစားအစာဘေးကင်းလုံခြုံရေးလုပ်ငန်းစဉ်များတိုးမြှင့်ခြင်းဖြင့် သစ်သီးဝလံတင်ပို့မှုတိုးတက်ရန် ဗီယက်နမ်မျှော်မှန်း

သစ်သီးဝလံတင်ပို့မှုကို မြှင့်တင်နိုင်ရန် ပိုးမွှားရောဂါကင်းစင်ရေးလို အပ်ချက်များနှင့် အစားအစာဘေးကင်းလုံခြုံရေး လုပ်ငန်းစဉ်များကို မဖြစ်မနေဆောင်ရွက်ရန်လိုကြောင်း ဗီယက်နမ်ကျွမ်းကျင်သူများက ဆိုသည်။ တရုတ်၊ ဂျပန်၊ တောင်ကိုရီးယား၊  အမေရိကန်၊ အီးယူ စသည့် နိုင်ငံတကာဈေးကွက်များတွင် ဒူးရင်း၊ လောင်ဂန်၊ လိုင်ချီး၊ သရက်၊ နဂါးမောက်၊ အုန်း၊ ငှက်ပျော၊ နာ နတ် စသည့် လတ်ဆတ်သစ်သီးများအပေါ် ကြိုက်နှစ်သက်မှု ရလျက်ရှိကြောင်း၊ ယင်းဈေးကွက်များ၏ ဝယ်လိုအားသည် အသိအမှတ်ပြုဧရိယာများ၊ မထုပ်ပိုးမီ အတည်ပြုထားသည့် စက်ပစ္စည်းကိရယာများဖြင့် ပြုပြင်လုပ်ဆောင်မှုများအပေါ် အလေးထားကြောင်း၊ တရုတ်နိုင်ငံသည် လက်ရှိထင်ရှားသည့် ဥပမာဖြစ်ကြောင်း ဆိုသည်။

ပြည်ပတင်ပို့သူများသည် အကောက် အခွန်အထွေထွေစီမံရေးအဖွဲ့၏ ဒီကရီ အမှတ် ၂၄၈ နှင့် ၂၄၉ တို့နှင့် ညီညွတ်အောင် ဆောင်ရွက်ရန်လိုကြောင်း၊ ၂၀၂၂ ဇန်နဝါရီက ထုတ်ပြန်ခဲ့သည့် ယင်းဒီကရီများတွင်တင်သွင်းသည့် ပြည်ပအစားအ စာထုတ်လုပ်သူများကို မှတ်ပုံတင်ခြင်း၊ တင်သွင်း/တင်ပို့သည့် အစား အစာများ၏ဘေးကင်းလုံခြုံမှု ဆောင် ရွက်ခြင်းတို့ ပါဝင်ကြောင်း ဗီယက်နမ် အပင်ပိုးမွှားရောဂါကင်းစင်မှု ထုတ်ပြန်ရေးအာဏာပိုင်အဖွဲ့ ၏ ဒုတိယညွှန်ကြားရေးမှူး Ngo Xuan Nam က ပြောကြားသည်။  အထူးသဖြင့် အီးယူသည် ဘေးကင်းလုံခြုံမှုအတွက် ထုတ်ကုန်ခြေရာခံခြင်းနှင့်ထုတ်ကုန်အရည်အသွေးစံနှုန်းတို့အပေါ်အလေးထားကြောင်း၊ လတ်ဆတ်သော/အေးခဲထားသော သစ်သီးများတွင် ပိုးသတ် ဆေးဓာတ်ကြွင်း ပါဝင်မှု အမြင့်ဆုံးပမာဏကို ပုံမှန် ထုတ်ပြန်လျက်ရှိကြောင်း ၎င်းကဆက်လက်ပြောကြားသည်။

ဗီယက်နမ်၏ ပို့ကုန်သစ်သီးတစ်ခုဖြစ်သည့် ဟေဒွန်ပြည်နယ်မှ သန်းဟာ(Thanh Ha)လိုင်ချီးသည် တရုတ် ဂျပန်၊ ပြင်သစ်၊ အမေရိကန်၊ တောင်ကိုရီးယား၊ မလေးရှားတို့၏ ထိပ်တန်းဈေးကွက်ကို ထိုးဖောက်လျက်ရှိပြီး ဩစတေးလျတွင် ဗီ ယက်နမ်လိုင်ချီးများ ဈေးကောင်းရလျက်ရှိသည်။

ဗီယက်နမ် စိုက်ပျိုးရေးနှင့် ကျေးလက်ဒေသဖွံ့ဖြိုးရေးဝန်ကြီး ဌာန သည် ဗီယက်နမ်၏ စိုက်ပျိုးရေးထွက်ကုန်များ ကျော်ကြားမှုအတွက် အရေးပါသည့် စိုက်ပျိုးသည့်နေရာ သတ်မှတ်ခြင်း၊ ဈေးကွက်တောင်း ဆိုချက်နှင့် ကိုက်ညီသည့် ထုပ်ပိုးမှု facilities Code များ သတ်မှတ်ခြင်း စသည့် အရေးကြီးမှုများအပေါ် အ လေးထားလျက်ရှိသည်။ လက်ရှိတွင် တရုတ်၊ အမေရိကန်၊ ဩစတေလျ၊ နယူးဇီလန်၊ တောင်ကိုရီးယား၊ ဂျပန်၊ အီးယူဈေးကွက်များအတွက် ဒေသ ၅၆ ခုအတွက် ထုတ်ကုန်ဆိုင်ရာ Code များ ရရှိပြီးဖြစ်သည်ဟု သိရ
သည်။              

 TTP

FreshPlaza.com