ဖိလစ်ပိုင် ပြည်နယ်ထက်ဝက်ကျော် မိုးခေါင်မှုကြုံနေရ
အယ်နီညိုရာသီဥတုဒဏ်ကြောင့် ဖိလစ်ပိုင်နိုင်ငံတွင် အပူချိန်များမြင့်တက်လျက်ရှိပြီး ခြောက်သွေ့မှုများကို ကြုံတွေ့ရလျက်ရှိသည်။ ယင်း မိုးခေါင်မှုအခြေအနေကို Nueva Ecija ပြည်နယ်အပါအဝင် ဖိလစ်ပိုင်ရှိ ပြည်နယ် ထက်ဝက်ကျော်၌ ရင်ဆိုင်ရလျက် ရှိသည်။
ဖိလစ်ပိုင်ရှိ ပျမ်းမျှ နေ့အပူချိန်မှာ ၄၀ ဒီဂရီဆဲလ်စီးယပ်ရှိပြီး အချို့ဒေသများတွင် ၅၃ ဒီဂရီဆဲလ်စီးယပ်အထိ ရောက်ရှိကြောင်း သိရှိရသည်။ ယင်းအခြေအနေအရ ဖိလစ်ပိုင်တွင်လာမည့် သီးနှံရိတ်သိမ်းချိန် ထွက်ရှိမည့် ပမာဏသည် ပျမ်းမျှအောက် လျော့နည်းထွက်ရှိမည်ဖြစ်ကြောင်း ကုလ သမဂ္ဂက ခန့်မှန်းထားသည်။
သီးနှံအထွက် ဆုံးရှုံးမှုသည် ဖိလစ်ပိုင် ပီဆို ၄ ဘီလီယံထက် ကျော်လွန်မည်ဖြစ်ပြီး မိုးရေ မရသည့်အတွက် တောင်သူလယ်သမားများ၏ အခြေ အနေ ပိုမိုဆိုးဝါးစေနိုင်မည်ဖြစ်ကြောင်း သိရသည်။
ပုံမှန်အားဖြင့် မေလလယ်တွင် မိုးရွာသွန်းမည်ဟု ခန့်မှန်းထားသော် လည်း ပုံမှန်ထက် ပိုမိုခြောက်သွေ့မည့်ကာလသည် ဩဂုတ်လအထိရောက်ရှိနိုင်ကြောင်းရာသီဥတုခန့်မှန်းရေးအဖွဲ့ခေါင်းဆောင်အန်နာဆိုလစ်က ပြောကြားထားသည်။
TTP
FreshPlaza.com